YOHAN 9:31 - Lacid Common Language Bible

³¹ Mangsoo gi yooboo yoo" mo, da" Kyu" mho' dang: ri atam" gyoo:- Aseing: ri loem: khau: phau" myang: lho: Mangsoo vho: khyo" koid; su: da" thui: ri za: date: tam" gyoo: byid.

YOHAN 9:31 交叉引用

DANG: ZHOEM 15:29

Byugi yi akyu" mho' da" uri Aseing gi: tam" gyo: nyid. Nghoid loug we' akhyeung" bang: da" akyu" mho' da" dang: ri koem gi ci: asoin: byid: nghoid da:.

ESAIA 1:15

«Nanu" lo, tu: wigi akyu" mho' boem uri nanu" ri ngoo ayu" wa. Nanu" khayhi' akyu" mho' mho' atam" gyoo: byid: wa. Ciwim gari nanu" lo, gi suid" za: nghoid ago".

DANG: ZHOEM 28:9

Nang tarha" acang nyid nghoid rigi re" da" akyu" mho' thui: ri Mangsoo gyoo: byid wa tho' re" gi gyo: ngheing" wa zi nghoid.

MIKHA 3:4

Aseing ri: nanu" nyho: yoid wa ayo, gi ju" lo nyid abye:. Nghoid loug nyang: gi nanu" ri tu" byid: wa zi anghoid. Nanu" gi akhyeing" ashoeb moo" ri koid lid lo boem bye: yoomo nanu" da" akyu" mho' thui: ri atam" gyoo: byid: loo wa.

COUNG" NGHEI 145:19

Nyang: ri gyoug phoug" bang: da" ca" yo, nyid khyoo: joem dangain" ri nyang: jhoeb, byeing byid: nyid wigi nyangnu" da" mho' yoid thui: ri shau" gyo: lho: nyangnu" ri khyoid yu bye:.

ZEKHARIA 7:13

Nyangnu" gi nga" mungdang: ri anau tam" gyoo: yoomo nyangnu" akyu" mho' ziri ngoo we' atam" gyoo:-

DANG: ZHOEM 21:13

Nang gi myoung shoo" su: yoid, ngau nyid ziri atam" gyoo: byid: nghoid rigi pang" thoug byid: wa shid re" nanyang: ngau yoid thui: ri hang" we' tam" gyoo: byid: wa zi anghoid.

YEREMIA 14:12

Nyangnu" zoo: noem jang" boem nghoid loug we' nyangnu" ri pang" yu wa mho' yoid thui: ri ngoo atam" gyoo: byid: wa. Nyangnu" gi ngoo ri nghe' ngei" xoin" yo' shivoo: xoin" ngei" byid: boem loug we' ngoo gi hau: joem ri alhoem: yu" ngei byid: wa. Hau: gungthid ngoo gi nyangnu" ri meing: zain: jang: moo said pyam lho: zooyoid shoug" ziyo' noophyoo" khyo" wigi said pyam wa» ga: tid da:.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

EZEKIEL 8:18

Nyangnu" gi nga" nheig yo: yoem: ri shoug" kham zo: loo wa. Ngoo gi nyangnu" ri anhang: kaid wa. Nheig khyeug myid we' aci: shug wa. Nyangnu" gi yo" nyho: yhi' nyho: wigi ngoo ri akyu" mho' nghoid loug we' ngoo gi nyangnu" ri atam" gyoo: byid: wa» ga: tid.

YOHAN 4:34

Yesu gi ‹‹Nga" da" zoo: noem gi Ngoo ri nhang: kaid' su: vho: khyo" cang pyeing lho: Hau: Aseing: byid: to" da" moozoo" ri bain sho' voin vu, khyoo: gi nga" zoo: noem nghoid bye:» ga: tid.

COUNG" NGHEI 18:41

Nyangnu" gi pang" thoug yu wa shid re" yoid nyho: nyid boem nghoid loug we' nyangnu" ri hang" we' akhyoid yu boem. Nyangnu" gi Aseing ri yoid nghoid loug we' nyang: gi nyangnu" ri atu" byid.

YOBA 42:8

Akhid" Yoba jhang nuloo: nyhed du: yo' yang loo: nyhed du: she: yhe: wigi hau: joem ri nanu" nya: shid re" xoin" nghe' ngei" ge'. Yoba gi nanu" shid re" akyu" mho' byid: wa. Houg: lho: ngoo gi nya: akyu" mho' dang: ri tam" gyoo: byid: lho: nanu" loem zoo: wa moin: yi" da" khyo" ngi: ayoem" nhang: wa. Nanu" gi nga" khyoo: ri nyang: yhang: ti" deingmain" kyo" atid nghoid ago".

YOBA 35:12

Nyangnu" gi pang" thoug yu wa mho' yoid ago". Nghoid loug we' Mangsoo atu" byid: nghoid da:. Ciwim ga: ri nyangnu" gi nghoid boin: wigi akhyeing" bang: nghoid da:.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

YEREMIA 15:1

Hau: thang: Aseing gi ngoo ri «Moshe yo' Samuela eig tang: nyang: he: joyoo moo: yab jo, wigi ngoo ri mho' nyid boem nghoid loug we'. Ngoo gi he: byumyu" ri nheig khyeug myid aci: shug byid: wa. Nyangnu" ri phang: loo" nhang: ge'. Nyangnu" ri nga" shidkhoin" mo khaid pyam we'.

YEREMIA 11:11

Houg: yoomo akhid" ngoo Aseing gi nyangnu" adang moo byo, yoin" zi ci: loo byid: wa ein: tid poin" nyid bye:. Houg: lho: nyangnu" gi loid byoin goo" wa anghoid. Hau: thang: nyangnu" pang" yu wa shid re" ngoo ri mho' uri nyangnu" ri ngoo atam" gyoo: byid: wa.

ESAIA 58:9

Nanu" akyu" mho' uri ngoo tam" gyoo: byid: wa. Nanu" ngoo ri yoid uri ngoo tu" byid: wa. «Zeig zo: khyoo:- aphoug" akhyoid da" avoid ja: khang" moo" yo' akhyeing" da" dang: khoin" khang" moo" ri nanu" thang loo" nhang: boem nghoid rigi

COUNG" NGHEI 143:10

nang gi nga" da" Mangsoo nyang: nghoid bye:- nang myid vho: khyo" yo" zei: wa shid re" ngoo ri jhau" byid: we'. Ge lho, da" khyoo: ri toin" shed byid: wigi gau: nyu: da" khyoo: khyo" ngoo ri vhu" shi: byid: we'.

APOEM AYANG: 20:7

Myiyi: myhi' ri nya: yhoem: seing: pho jhang akhid" nyang: doem tau" byid: re. Nyang: gi lapi: nghoid. Nyang: gi nang ri ashid: loo sho" re" shid re" akyu" yo" mho' byid: wa nghoid. Nghoid loug we' nang adoem toug" byid: nghoid rigi nang gi shid: wa. Nang yo' re" mung" byu yi dangain" gi shid: wa nghoid ein: ziri ngoo nang ri tid poin" bye:».

APOEM AYANG: 19:29

Nghoid loug Mangsoo gi Lod nyid nyid da" pa: dam voomoo" ri phyo' shoin' pyam uri nyang: gi Abraham ri boin: so" nyid yoomo Lod ri shid: wa jang" mo loid byoin loo" nhang: bye:.

COUNG" NGHEI 106:23

Nya: da" byumyu" yiri phyo' shoin pyam wa ga: Mangsoo tid nyid da: uri nya: da" khyen: yu dei zoo: Moshe gi Mangso shid, khoin" moo: to' yab lho: nyangnu" ri amhoin' pyam baja" ga: nyang: nheigloem: nge" nyid ziri jham" loo" nhang:.

COUNG" NGHEI 99:6

Nya: da" khainjung Moshe yo' Arun- nyang: ri akyu" mho' su nghoid. Samuela bi" gi Aseing gi nyangnu" ri tam" gyoo: byid: bye:.

COUNG" NGHEI 40:8

Nga" da" Mangsoo we"- nang myid vhoo: khyoo: ri koid wa ziri ngoo khayhi' vho: ngei nyid lha". Re" da" jhoug" myeing" jhoug" thui: joem ri nga" da" nheigloem: ung: khoug: moo ngoo xoin" to' ein: ngoo phoug tu" bye:.

HEBRE 10:7

Houg: lang" ngoo gi phoo Mangsoo we"- tarha" mougsoug" joem moo nga" da" khyoo: lhid" to" nyid ziyo' dakhyoo" ti"- nang myid vho: khyo" koid wa akhid" ngoo hid: moo ju" ri" bye- ein: tid bye"- ga: wigi tid.

TARHA" TID POIN" 1:45

Houg: yoomo nanu" gi bo pang" wa shid re" Aseing ri mho' yoid ago". Nghoid loug we' nyang: gi nanu" ri atam" gyoo: byid: loo: alheing: yu" loo: nghoid da:.

YOBA 35:13

Nyangnu" nyho: yoid zigi nyangnu" shid re" ce: akyu" aboo nghoid da:. Myhang: thang Mangsoo gi nyangnu" ri amyang byid:- gyoo: we' agyoo: byid: nghoid da:.

YOHAN 9:30

Myo, amyang led: lo yu" su: gi nyang: gi ngoori myo, myang loo nhang: su: nghoid. loug: nanu" gi hau: yug khayo re" zi asi ga: zigi moug" cang bo nyid nhung: lha"» ga: phoug tu.

YOHAN 9:32

Nya: myhi' da" ung: khoug: mo myo, amyang su: ri dayug yug wigi myo, myang loo nhang: ga: zigi mougmyid jo, shid" jang" mo wigi khanham we' hang" we' ashug" gyo: yu" da" khyoo: nghoid.

YOHAN 11:22

Akhid" nghoid loug we' Aseing: mho' da" khyoo: dangain"- Mangsoo tam" gyoo: byid: wa zigi ngoo loem" jeing" nyid. ga: wigi Aseing: Yesu ri lhoem: tid kyo.