YOHAN 7:38 - Lacid Common Language Bible

³⁸ Ngoori loem" jeung" sugi jhoem: mungdang: moo bo ziyo' dakhyoo" ti"- nya: da" nheigloem: khoug: mo we' dei kangso' gyid gyung: joem myoo" sho' yau thu' lo nyid wa zi nghoid.

YOHAN 7:38 交叉引用

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

ESAIA 58:11

Ngoo gi nanu" ri khanham we' khyoo: shid byid: wigi ge da" ja: yo' nanu" ri nheugdeug nhang: wa. Ngoo gi nanu" ri yoem: boo nhang: lho: yang" zain: nhang: wa. Nanu" gi gyid khanham we' ayau thang lo" da" gyid bug yhang: ti"- gyid agoin agoo" yo" da" khyam: yhang: ti" du wa.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

ESAIA 12:3

Gyid jham" gi gyid shed yug ri ngei pyoo: nhang: ziyo' dayhang: ti" Mangso wigi nyangnu" ri khyoid yu da" uri nya: byumyu" yi we' ngei pyo: ago"» ga: jikhoin" khoin" wa.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

DANG: ZHOEM 10:11

Byu gi yi da" nhoid khoin" thui: joem gi kangso' gyid bug nghoid loug we' akhyeing" su: da" nhoid yhoo: khoin" thui: gi athoug" akhyoug: khyoo: ri nghoeb yhoem" to" nyid.

ZEKHARIA 14:8

Hau: bidnyid ju" loo lang" gi Yerusalem voomoo" mo gyid gyeing" yau thu loo wa. Dayham" gi xoo" thoem" khyoo:- dayham" gi Meing: gung panglai khyoo: yau loo" wa. Hau: gyid lang gi zain ri xung" ri dayau nyid wa zi nghoid.

DANG: ZHOEM 18:4

Byu dayoug da" dang: khoin" joem gi Nammugdara yhang: ti" no, lho:- yau nyid da" gyid zoo: lang yhang: ti" gyeung: da- phajhi" juyhi: da" apoem: ayang: ge bue" nyid.

ESAIA 59:21

Houg: lho: ngoo nanu" yo' dang: theing koid to". Nanu" ri ngoo byid: to" da" nga" yoem: so' yo' nga" jhau" shid khyoo: gi nanu" shid re" apyaid atoo: nghoid wa. Houglho: akhid" mo zi nanu" gi ngoo ri tid dang: gyo: wigi nanu" da" zoo: shang: yi yo' nanu" da" amyed ashen yiri ju" loo wa da" ayo, goin" moo ngoo ri tid dang: gyoo: wa shid re" jhau" shid ge'» ga: tid da:.

TARHA" TID POIN" 18:15

Hau: gungthid nyang: gi ngoo yhang: te" lapi: dayug ri nanu" nya: byu yi mo nhang: kaid byid: loo wa. Houg: lho: nanu" gi nya: dang: tam" gyoo: byid: ca" wa.

Ephesu 5:9

Khasu" wim gari hau: bidbang gi ge da" khyoo: aja: ja: deing byeung" ziyo' deingmain" khyoo: ri myoo" sho' bue" loo nhang: nyid.

ESAIA 35:6

Khyid gyoug: su: thau" byam wigi go" loo goo" wa. nhoid jed bang: gi ngei pyo: wigi nyho: loo wa. Gyidzoo: gyung: gi dain" pyoid yoo khyo" yau lid loo wa.

ESAIA 55:1

Aseing tid zigi «Gyid shid bang: yugkhang" moo" we' ri" ge' gyid hid: moo: jo,. Ngei ayoo" bang: we"- ri" ge'. Shivoo: qei wigi zoo: ge'. Ri" ge'. zabyid yhid: yo' nunoug" re" qei shug ge'. Hau: zigi nanu" shid re" ce: aphoug" aca" nghoid da:.