YOHAN 7:26 - Lacid Common Language Bible

²⁶ Yu" ge' nyang: gi bang bang kho" kyo" nyid da" hang" dayug we' nyang: ri atoem boem nhung: lha". He: yug gi Meshia nghoid zi zoug: myeing" ci: mo, gi gyeing" nyang: se' boem bye: go" la". Nghoidloug we' he: yug kha: moug: mo, nyid lo zi ngoonu" se.

YOHAN 7:26 交叉引用

YOHAN 7:48

«Ngoonu" da" vhu" jhung: yi Pharishe bang: da" akhoug" mo, dayug we' hau: yug ri loem" jeing" yu" zi nanu" si' go" la".

PHILIPI 1:14

Hau: tho' moo gootu: ngoo thung: lung" yoomo mang: nhung" yi myoo: loo boug gi Hau: Aseing: moo loem" jeung" nheug loem: je, to' lo wigi Mangso mungdang: ri agyug avoem loo: za: tid kyoo" wa da" khyoo: je" wigi voem lo ago".

ACTS 4:13

Yuda tarha" yab, do, moo nyid mo, gi-Petru yo' yohan eig youg da" voem" nheigloem: ri zheung: myang boem yoomo nya: eigyug gi phajhi" abo da" yu" maya" byu nghoid ziri se' boem yoomo mau" hang" to" boem ago". Hau: thang: ri nyangnu" gi Petru yo' yohan eig yug gi shid phyang" Yesu da" luzoem" cang" yi nghoid ziri se' boem.

YOHAN 12:42

Yuda zoug: myeing" ci: mo, myoo" sho' nyang:- Yesu ri loem" jeing" lo boem. Houg: su: nghoid loug we' Pharishe" yi yoomo Tarha" jung mo khaid thu' pyam wa zi gyoug yoomo nyangnu" loem" jeing" da" khyoo: ri bang bang ayhen: yu boem nghoid da.

YOHAN 9:22

Hid: su" ga: phoid: kyo" zigi Yuda zoug: myeing" ci: mo, ri gyoug yoomo nghoid. Aseing: ri Meshia nghoid ga: loem" jeing" mo, bain sho' ri Tarha" jung: mo khaid thu' wa ga: Yuda zoug: yi sham: phyid' go" too" bye.

LUKA 7:30

Nghoidloug we' Pharishe yo" tarha" sara: yi gi nyang: nya: da" shid' re" Mangsoo byid: to" da" soin nyheing adi ato' ri phyo pyam mo nghoid yoomo Yohan jang" mo babtisma ri akham: yu boem nghoid ago".

MATHE 22:16

Houg: yoomo nyangnu" gi nyangnu" da" cangzoo: dayham" yo' Herod da" phung: mo mo' dayham" yo" dage" Yesu jhang khyoo zheung: nhang: kaid. Hau: lagyoo: yi gi «Sara: we"- nang gi deung main" su: nghoid wigi Mangso da" khyoo: ri deung: main" khyo" jhoug" byid: nyid ziyo' byu gootu: yi ciga: wa ziri nang gung ayou loo: za: byu myonhoo: ri we' akhyen: su: nghoid ziri ngoonu" se.

ESAIA 42:4

Nyang: gi myidbyu zi anghoid lang" yoem: byid: khyoo: athang byug wa. nyang: gi mougmyid tho' mo tarha" deing byeung" ziri zhug too" wa. moug: vi: mo mungdain: joem gi nya: jhoug" shid khyoo: ri gau gau yi yi lang" nyid boem wa» ga: tid da:.

DANG: ZHOEM 28:1

Akhyeing" ashoeb bang: gi nyangnu" ri hang" wigi akhaid nghoid loug we' lhoung phang: lo" ago". Nghoid loug we' nheigloem: deingmain" nyid su: koem gi khang khyi yo" dakhyoo" ti"- seing" deing khid" yo" nyid nyid da:.

LUKA 23:13

Pilaid khokham" gi khainjung agyi moo" yi vhu" jhung: yi yo"- byu phun: joem ri zeing: foem: nhang.

YOHAN 3:1

Pharishe yi phung: moo boo su:- Nikodi ga: da Yuda vhu' jhung: dayug nyid.

YOHAN 4:29

Ngoo koid; da" khyoo: dangain" ri tid thu' byid: su: ri re" yu" ge'. Nyang: gi Meshia nghoid wa la"» ga: wigi lo" tid kyo.

YOHAN 7:25

Yerusalem mo, voo byu yi dayham" gi He: yug gi zoug: myeing" ci: mo, said pyam wa sho: nyid su: anghoid la".

YOHAN 7:31

Meing: byu yi da" akhoug: mo Nyang: ri loem" jeing" mo, myoo" sho' gi Meshia gyoo" lo da" uri he: youg tho' moo mau" pho" khyoo: je yo" koid; shug wa la"» ga: myid: ago".

YOHAN 18:20

Yesu phougtu" da" zigi Ngoo gi byu myoo" sho' mo da" shid' khoin" moo khanham we bang bang kho" kyo" jhoug" byid: loo bye. Khanham we' azoug" afu' ngoo akho" yu.