YOHAN 6:29 - Lacid Common Language Bible

²⁹ Yesu phougtu" zigi Phoo Mangsoo nanu" ri koid; nhang: nau da" khyoo: gi nyang: nhang: kaid su: ri loem" jeing" wa da" khyoo: nghoid.

YOHAN 6:29 交叉引用

1YOHAN 3:23

Nyang: ngoonu" ri byid: to" da" amyeing" tarha" khyoo: gi ngoonu" gi nya: zoo: Yesu Khristu ri loem" jeung" wigi Khristu gi ngoonu" ri byid: to" da" amyeing" tarha" yo' dakhyoo" ti"- nyang: cang" nyang: jheddab goo" ca" khyoo: nghoid.

ACTS 16:31

Nya: eig yug gi Aseing Yesu ri loem" jeing" we' - houg: lang" nang yo' re" da" yheom: khau: byu yi khyoid yu zi shau" wa nghoid- ga: phoug tu.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.

MARKU 16:16

Loem" jeung" lho:- Babtisma kham: su: hang" nghoid loug we' khyoid yu zi shau" goo" wa nghoid loug aloem" ajeung" su: gi hang" we' tarha" dang: phyed zi shug goo" wa.

YOHAN 5:39

Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

YOHAN 6:28

Byu yi gi Ngoonu" phoo Mang" soo: vho: da" khyoo: ri yo" voin vu, wa shid' re" khasu" koid; wa lha"» ga: myid: boem.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

YOHAN 6:57

Dadei nyid da" nga" phoo gi ngoori nhang: kaid bye. Nyang: yoomo ngoo kangso' dadei nyid. Houg: yo' dakhyoo" ti"-- ngoori zo: shug su: we' ngoo yoomo kangso' yo" dei nyid wa zi nghoid.

1THESALONI 1:3

Khasu" wim ga: ri nanu" da" loem" jeung" khyoo: moo zei: nyang: khasu" zei: yhe: lo" nyid boem ziri we' nanu" da" jheddab e" myed yo' khayhi' gyeing" - moozoo" ri zei: so' nyid boem bye: ziri we' Aseing Yesu Khirstu moo nanu" da"

YAKU 2:22

Nya: loem" jeung" khyoo: yo' moozoo" gi tei" xo' go" to" da" khyoo: ri nang asi amyang la". moozoo" koid yoomo nya: da" loem" jeung" khyoo: gi joeb, byeung" loo bye.

Pang Shug 2:26

Ngoo vho: da" khyoo: moo lo" thang nyid" ju" sho' beung: abyid cang nyid khyo" yo" oung: loo" mo, ri nga" pho, jang" mo ngoo yo" yu da" amyeing" akhang" yo' dakhyoo" ti" ngoo byid: wa. Hau: da" amyeing" akhang" gi joto' lham: dung: yo' vhoeb, khang" lho: myid' zhoo" yam: joem ri agang gang asi" si"- mhoin' pyam yhang: ti"- nyangnu" gi byumyu" bain sho' tho' moo yo" oung: pyam' wa zi nghoid. Hau: boo" myhu: ri we' ngoo nyangnu" ri byid: shi" wa