YOHAN 6:27 - Lacid Common Language Bible

²⁷ Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 6:27 交叉引用

KOLOSE 3:2

Moug: myid tho' moo jo, da" zi joem ri anghoid loo: za: moug: khung: tho' moo jo, da" ziyoo joem moo nheigloem: zug jo, ge'.

ESAIA 55:2

Nheig atho shid: da" ja: shid re" ciwim yoomo ngei ri yhung: pyam boem la". Ciwim nanu" da" vhu" kung: phoug" ngei ri yhung: pyam wigi zooyoid nyid boem shi" go" la". Ngoo tid ziri tam" gyo: wigi ngoo tid khyo" koid ge'. Nanu" gi ge thang da" zoo: noem dangain" yo' yo" pyo: boem goo" wa.

YOHAN 6:54

Nga" da shoo" rizo: lho: nga" da suid" ri shug su: gi-apyaid ato: kang: so' yoo" bye. Ngoo we lo" thang da bidnyid moo-hau: yug ri shid: jo, jang" mo doem dei loo nhang: wa.

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

YOHAN 6:40

Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

Roma 6:23

Yooboo da aphoug" gi shid: lo" khyoo: nghoid. Nghoidloug we' Mangsoo: da" phoug" asang: jeju" jhungshug koem' gi - ngoonu" da Aseing Yesu Khristu yo" dadeing: daloem khoug mo yo" da" apyaid' ato: kangso' nghoid.

YOHAN 10:28

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

MATHE 6:19

«Nhau: yo" zo: wi zo: shoin, lho: khoug" mo, yo" khau" baid' thoid yu lo" se' da:- myidjang: tho' moo nanu" da" ziyoo jonu" ri ayoung: too" goo.

YOHAN 6:58

Houg" su" wigi he: da" zoo yho' gi mougkhung: khyo" gyoo" lo da" zoo: yho' nghoid. Nanu" da" nya: phoug" nya: phyid" yi zo: lho: shid lo" zoo: yho' ti anghoid he zooyho' ri zoo: su: gi khanham we' dadei nyid wa ga: tid.

2PETRU 1:17

Nyang: ri phoo Mangsoo mo nyang- myonhoo: ngalang" phung" yoeb byid: da" uri we' je" gyi: thang da" phung" yoeb khoug: mo wigi nya: jang" moo ju" re" da" thui: gi He" yug gi ngoo vho" ngei da" ngoo jheddab da" nga" zoo: nghoid, ga: wigi tid uri we' ngoonu" houg moo nyang: yo' dage" nyid.

PHILIPI 2:13

Khasu" wim ga: ri Mangsoo gi nya: da" myid vho: khyoo: ri nanu" tam" gyo: cang loo" nau, da" myid yo' cang lo" nhang: da" yoem: vhoo" ri nanu" yo" yu goo" baja" ga- Mangsoo gi nanu" moo khanham we' moo" dazei: byid: nyid.

YEREMIA 15:16

Nang ngoo ri dang: tid wigi ngoo gi dang: khoin" khang" moo" ri tam" gyoo: bye:. Myhang: thang Aseing Mangsoo we"- ngoo gi nang wigi seing: su: nghoid. Houglho: re" dang: khoin" joem gi nga" nheigloem: khoug: moo: gau yi ngei pyo: ziyo' bo jo, da:.

PHAJHI" DANG: 6:7

Byu dayug gi zoo: wa shug wa toeb za: yoo" wa shid re" moo" zei: nghoid loug we' khanham we' tham: zo: ga: zi ajo,.

1PETERU 1:24

Xang: su: byu yi dangain" mo, gi vu, fu" myo, yhang: ti" we' nyangnu" da" myonhoo: ngeilang: gi siyo myid: vhoeb, bain: boo" yo' we' du nyid vu, fu" myo, gi kyoug nyhau" lo" lho: bain: boo" we' te: shoem: lo.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

1THESALONI 1:3

Khasu" wim ga: ri nanu" da" loem" jeung" khyoo: moo zei: nyang: khasu" zei: yhe: lo" nyid boem ziri we' nanu" da" jheddab e" myed yo' khayhi' gyeing" - moozoo" ri zei: so' nyid boem bye: ziri we' Aseing Yesu Khirstu moo nanu" da"

KOLOSE 1:29

Hougsu" hau: khyoo: yo" bui" sho' ngoo gi Khristu wigi byid: da" mau" pho" yoem: moo" yo' jam, jau kham lho: yoem: kaid' zei: nyid hau: yoem: so' gi ngoo moo moo" zei: nyid.

YOHAN 3:33

Nghoid loug we' nya: da" mungdang: ri kham: yu su: koem gi Mangsoo gideing main" su: nghoid khyoo: ri lhoem: kham: yu khyo" geing: teing nhang: su nghoid.

ACTS 2:22

Israela mang: nhung" yi we' He: da" dang: ri tam" gyo: yu" ge'- Nazared voobyu Yesu gi-Mangso phung" yoem: vhoo" khyo" nghoid ziri Yesu da" lo, khyo" mau" pho" alhoo: again yo' mau" pho" moozoo" joem ri zei: shug abye:. He: khyoo: gi nanu" nya: da" phung: moo bue" lid lo ziri nanu" nyang: myang se' boem bye.

YOHAN 6:68

Simun Petru gi Aseing: we" ngoonu" gi hang" jhang khyoo: se' loo" wa Aseing: dayug kyeing" za: apyaid' ato: kangso' yo" sen: da" khyoo: ri dakho" kyo.

LUKA 9:35

Jhoem: thei" khoug: mo thui: daleom: gi He: yug gi nga" rizoo: nghoid- Nyang: ngoo khyen: to" zi nghoid- nya: jhoug" myeing" ri tam" gyoo: ge' ga: da" thui: daloem: myeung thu lo.

COUNG" NGHEI 40:7

Ngoo gi" «Ngoo hid: moo: nyid nyid. Nga" da" shid re" re" da" jhoug" myeing" joem gi tarha" mougsoug" pug moo: bo jo.

COUNG" NGHEI 2:7

Khokham phoo ri «Aseing khasu" ga: tid nyid da" khyoo: ri ngoo tid fu" byid: wa zi nghoid» ga: tid. Hau: lho: nyang: gi ngoo ri ‹nang gi nga" zoo: nghoid nyid da:. Akhid" nyid" ngoo gi re" phoo bue" nyid bye:.

HEBRE 12:16

Aved age ziyo' Venyi laloem lakhoug: abo mo, voem: damyo: da" shid mo nya: mang: mo" aya: ri ung" zo: pyam da" Eso" yhang: ti"- nanu" hang" moo we' abui" baja" zed" nyid ge'.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

HEBRE 4:11

Hougsu" nghoid yoomo nyangnu" aloem" ajeung" jang" mo wigi doug noo: jang: moo ayo" vang lo" da" Israela byumyu" yi yhang: ti"- ngoonu" hang" we' houg: su" abue" loo" baja"- hau" doug noo: joyoo khyoo: yo" vang loo" wa shid mo yha" da" yoem: vhoo" bain' sho' yoem: kaid boem shang.

KOLOSE 2:22

Hau" tarha" joem dangain" gi dalheing: ci: yhung: bye: thang: rigi ce: akyu" aboo lo: ziyo' sen: da" tarha" za: nghoid lho: byu xangsu: yi koid thu' da" tarha" ri jhoug" byid: khyoo: joem za: date: nghoid.

1Korinthians 9:2

Byu gooji ngoori lagyoo: dayug khyo" alhoem: kham: yu boem nghoid ri lang" gi nanu" gi gyeing" gyeing" nyang: lheom: kham: yu eung: nyid. Khasu" wim ga: ri Khristu yo' daloem: za: bue" lo wigi- kangso dei nyid mo, nanu" nyang- ngoo lagyoo: dayug nghoid deung da" sagsi: yi nghoid.

1Korinthians 6:13

Zoo: noem gi voem: shid re"- voem: doug: gi zoo: noem shid re, ga: wigi: byu dayug yug tid wa nghoid- nghoid houg: gi deung nyid- nghoid loug we' Mangsoo gi hau: eig ja: goin" ziri: lhu: phyo' shoin pyam wa zi nghoid. Hau" gung deom: koem gi aved avhu: moozoo" shid re" anghoid loo: za: hau: Aseing ri coung" nghei wa shid re" nghoid- Mangsoo we' gung shoo" moo: ca" nyid khyoo: ri dabyid: nyid.

Roma 4:11

Nyang: ri Mangsoo: houg: su" soin: byid: thang: ri Abraham: gi sho" yid thang: yham" da: khyoo: ri kham bye. Hau: sho" yid thang: yham" da moo" gi Mangsoo: Abraham: da' loem" jeung" khyoo: ri yu" lho: sho" yid thang: ayham" shi" mo deingbyeing" da byu ga: soin: byid: shau" da" thang" cab' nghoid. Hougsu" nghoid yoomo Abraham: gi athang: yham" da" moo" akham: yu nghoid loug we' Mangsoo: ri loem" jeung" shoid' khyo" deingbyeing" su: nyang: nghoid bye. Deingbyeing" mo ga: Mangsoo: soin: byid: shau" byu dangain" mo da" venyi phoo jhung: bui" loo bye.

YOHAN 15:24

Gyeing" nyang: ngoo gi goo" ji hang" we' akoid; da" moo" joem ri nyangnu" da" shid' moo akoid; shug loo: nyid rigi nyangnu" moo yooboo aboo wa zi nghoid. Akhid" koem gi nyangnu" gi ngoo koid; shug da" moo" ri myang boem bye. yoomo ngoori we' nga" phoo ri we' ngheing" boem bye.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 11:42

Khanham we' nga" da" akyu" mho' dang: ri tam" gyoo: byid: da" khyoo: ri ngoo se' nyid. Nghoidsho' loug we' nang gi ngoori nhang: kaid su: nghoid ziri he: da" byu yi dangain" mo, loem" jeing" loo nhang: wa da" shid' re" ngoo mho' nyid zi nghoid.

YOHAN 8:18

Ngoo gi ngoo nya: khyoo: ri sagsi: kham lho:. Ngoo ri nhang: kaid da" Pho we' nga" da" khyoo: ri sagsi: kham: byid: nyid ga: tid.

MARKU 9:7

Hau thang; ri Jhoem: moug" dathei" thu' lo wigi nyangnu" ri lo shoem" nghoeb pyam da:- jhoem: thei" khyoug: mo He: yug gi ngoo jhedab da" nga" zoo: nghoid- nya: dang: ri tam" gyoo: ge' ga: thui: meung thu' lo.

MARKU 1:11

Houg: lang: moug khung: mo thui: tid thu' re" zigi nang gi ngoo jheddab da" nga" zoo: nghoid- nang ri; ngoo gye" vho: ngei nyid ga: tid.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

YAKU 1:11

Gye" nge" da" bid dug gi bain: gam ri lhab, nyhau" pyam' lho: aboo" ri shu: gyo" loo" nhang: pyam. Hougsu" nghoid yoomo hau: bo" young" to" da" bain: boo" byo, yoin" lo" yhang: ti" yoo" zoo: yoo" shug mo, gi nyang: nya: da" moozoo" zei: nyid uri shid: joem: byo, yoin" loo" goo" wa zi nghoid.

2~KORINTHU 4:18

Ngoonu" gi myo, jid" yo' yu" myang ja" - zi ri za: vhoo: bo nyid zi anghoid loo: za: myo, jed" amyang: ja: ri she- dayu" whoo: bo nyid boem. Khasu" wim gari myojid" myang nyid da" zijoem gi daso' dadam za: jo lho: myo jid" ayo" myang ja: gi apyaid atoo: moo dageung: jo, jo.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

HABAKU 2:13

Nang khyo" ung: pyam' da" byumyu" yigi akoem: moo zei: myung: pyam' lho: nyangnu" zhug to" zi dangain" myi: nge" pyam' bye:. Yoem: moo" bo da" Aseing gi he: moo" ri koid bye:.

DANG: ZHOEM 9:5

«Ri" ge'. Nga" zoobui" moo: zoo: ge'. Ngoo phoung: to" da" zabyid yhid: ri shug we'.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

YOHAN 3:15

Houg su" nyang ri loem jeung" mo, hang" we' apyaid ato: Kangso' ri yo" yu boem wa.

YOHAN 6:47

Deing" deing nanu" ri ngoo tid zigi ngoori loem: jeing" su: gi apyaid' ato: kangso' yo.

YOHAN 6:53

Aseing Yesu gi deing" deing ngoo nanu" ri tid zigi Byu nya: zoo: da" shoo" ri nanu" azoo:- nya: da" suid" ri we' ashug nghoid rigi nanu" gi kangso' yoo" wa zi anghoid.

YOHAN 6:62

Byu da" nya: zoo: gi nyang: nyid da" moug: khyoo: doem do, lo" ziri myang lang" nanu" khasu" myid: goo" wa lha".

TARHA" TID POIN" 30:13

Hau: zigi panglai: thu: tab shoid moo: jo, ziwe' anghoid. Nanu" gi ‹Panglai: thei: tab khyoo: hang" gu: yhe: wigi hau: ziri ngoonu" shau" gyo: wigi yo" tam" gyo: cang yhi: wa shid re" hang" yu loo byid: wa lug la" ein: amyed: ca" goo" wa.