YOHAN 5:37 - Lacid Common Language Bible

³⁷ Ngoori nhang: kaid da" phoo Mangsoo nyang: we' nga" da" khyoo: ri sagsi: kham: nyid. Nanu" gi nya: da" myonhoo: yo' nya: da" thui: ri khanham we ashaug" gyoo: yu"- ashau" myang yu" boem.

YOHAN 5:37 交叉引用

YOHAN 8:18

Ngoo gi ngoo nya: khyoo: ri sagsi: kham lho:. Ngoo ri nhang: kaid da" Pho we' nga" da" khyoo: ri sagsi: kham: byid: nyid ga: tid.

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

1 TIMOTHI 6:16

Nyang: kyeing" za: ashid: abyug su: nghoid wigi nyang: gi hang" we' ayo" tain" tab yhe: da" bidbang moo loung" jo. hang" we' nyang: ri amyang yu" ziyo' hang" we' nyang: ri age myang. Nyang: moo myonhoo: phung yoeb, yo' apyaid' atoo: moo ashoem: apyang: zi dajo, jo, baja" o"- Amen.

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

YOHAN 14:9

Yesu gi Philib, we"- ngoo gi nanu" yo" hid: myhang nyid lo ri ngoori nang asi shi" la". Ngoori myang yu su: gi phoo ri we' shau" myang zi nghoid bye. Houg: su" nghoid ri phoo ngoonu" ri toin" shid' we' ein: ci: koid; tid nyid go" lha".

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

TARHA" TID POIN" 4:12

Aseing gi myikhoug" mo nanu" ri khasu" dang: tid ziyo' nyang: ri cite" alhoo: khyo" we' azang" myang nghoid loug we' nyang: tid da" dang: thui: ri nanu" khasu" shau" gyo: da" khyoo: nyangnu" ri tid kyoo" ge'.

THU' LO" MOUGSOUG" 20:19

Nyangnu" gi Moshe ri «Nang ngoonu" ri dang: tid nghoid rigi re" dang: ri ngoonu" tam" gyoo: wa. Nghoid loug we' Mangsoo ngoonu" ri dang: ji lang" ngoonu" shid: wa zi ngoonu" gyoug da:» ga: tid ago".

YOHAN 15:24

Gyeing" nyang: ngoo gi goo" ji hang" we' akoid; da" moo" joem ri nyangnu" da" shid' moo akoid; shug loo: nyid rigi nyangnu" moo yooboo aboo wa zi nghoid. Akhid" koem gi nyangnu" gi ngoo koid; shug da" moo" ri myang boem bye. yoomo ngoori we' nga" phoo ri we' ngheing" boem bye.

ESAIA 26:10

Akhyeing" da" byu yiri nang nheig khyeug sho' nghoid loug we' nyangnu" jo zi koid wa khanham we' ajhau" yu goo" wa. Deingmain" da" byumyu" yi nyid boem da" he: mungdain: moo lang" nyangnu" shoid khyoo: koid nyid ashi". Re" da" gyi: myhang: khyoo: ri xoem" byid: wa shid re" nyangnu" he: ngeug pyam ago".

MARKU 1:11

Houg: lang: moug khung: mo thui: tid thu' re" zigi nang gi ngoo jheddab da" nga" zoo: nghoid- nang ri; ngoo gye" vho: ngei nyid ga: tid.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

YOHAN 5:32

Nghoidloug we' nga" da" khyoo: sagsi: kham: su: dayug nyid. Nyang: nga" da" khyoo: sagsi: kham: da" zi gi deingmain" nyid zi ngoo se.

1YOHAN 5:9

Ngoonu" gi sube" da" sagsi: kham, dang: ri loem" se' nyid boem:- nghoid loug we' Mangso: da" sagsi: kham, dang: ri loem" se' nyid boem:- nghoid loug we' Mangso: da" sagsi: kham khyoo: gi je" geung: teung lho: nyang: gi nya: zo: da" khyoo: ri sagsi: kham, byid: nyid.