YOHAN 20:17 - Lacid Common Language Bible

¹⁷ Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 20:17 交叉引用

YOHAN 16:28

Ngoo gi phoo jang" mo moug myid moo gyoo" lo. Akhid" he: moug myid ri kang" lho: pho jhang khyoo: doem loo" loo: wa ga: tid.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

GALATI 3:26

.Khasu" wim gari Khristu Yesu khoug: moo loem" jeung nyid boem bye: yoomo nanu" dangain" bang: gi Mangso da" nya: myid: nya: zoo: yi nghoid boem bye.

YOHAN 17:11

Akhid" Ngoo gi re" jhang khyoo: doem loo wa nghoid yoomo ngoogi mougmyid moo anyid loo. Nghoid loug we' nyangnu" houg: bang: koem gi moug myid moo nyid wa zi nghoid. gyeungshang: thang da" nga" phoo we"- nang yo" ngoo dadeing: daloem: za: nghoid nyid yhangti"- nyangnu" we' dadeing: daloem: za: nghoid wa shid' re" nang ngoori ab byid: to" da" re" voolang myeing da" yoem: vhoo" phung yoeb' khyo" nyangnu" ri zung" lhug byid: we' o".

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

MARKU 16:19

Aseing Yesu gi hougsu" ga: cangzoo: yi ri bain tid lang" nyang: gi moug: khung: khyoo: to' yu zi shau" lho: Mangso lo, yo shoid moo zhoung: jo, bye.

COUNG" NGHEI 68:18

Gyipui" mo myheug lo da" byu yi myoo" sho' yo' hau: myhang: da" boem khyoo: nyang: do' lo" nyid. Nyang: gi tu: lhoin" da" byu yi jang" mo jhungshug joem ri lhoem: yu to". Aseing Mangsoo gi hau: joyoo moo: danyid nyid wa nghoid.

Pang Shug 21:3

Hau: lho: wigi zhung: tang mo thui: zeing dakhoin" tid thu' lo da" zigi Yu" ge" - noku yhoem: gi xangsu: byu yi yo' dage" nghoid bye- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid.

2~KORINTHU 6:18

Nanu" da" nya: phoo ngoo byui" wa nghoid wigi nanu" gi nga" da" yuggi zoo: yo' myiyi: zoo: yi bui" wa zi nghoid- ga: wigi athang agoin yoem: moo" bo da" Aseing: gi da tid nyid.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

YOHAN 17:25

Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

MATHE 28:7

Nya: cangzoo: yi jhang khyoo myab myab lo" tid kyoo" ge'. Nyang: gi shid: jang" mo dei loo bye. Nanu" da" shid moo Galile mung" khyoo: yhe: loo" bye nanu" Aseing yo" houg: moo doem myang goo" wa. Ngoo nanu" ri tid da" dang: ri ato" myhid goo"» ga: pyeung: kaid.

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.

HEBRE 8:10

Akhid" he: da" dang: soo" khoin" gi ju" loo wa da" bidnyid yi thang: moo Israela byumyu" yi yo' ngoo too" too" wa da" dang: soo" thang" cab, nghoid nyid. Nyang: nu" da" nheigloem: e" myed khoug: moo nga" da" tarha" kaid' byid: too" wa zi nghoid. Nyang: nu" da" Mangsoo gi ngoo koid wa nghoid wigi nyangnu" gi nga" da" byumyu" yi bue" lo boem wa nghoid.

YOHAN 20:27

Hau: thang: Thoma ri re" lo, nyoug" yo" hid: moo thau" yu" we' nga" lo, joem ri we yu" we' Re" da" lo, yhoin" kaid lho: nga" nam joug moo soeb yu" we' aloem" jeing" loo: loem shoid khyoo: akoid. Loem" jeing" nyid we' ga: tid.

YOHAN 17:5

O" nga" phoo we"- he: mougmyid ajo, aboo shi" re- phoo yo" ngoo dage" kham: yu nyid da" myonhoo: phung" yoeb ri akhid" uri pho da" shid' khoin" moo ngoori byid: we'.

YOHAN 14:28

Ngoo gi akhid" loo" nghoid loug we' nanu" jang" moo doem ri" wa ein: wigi tid da" dang: ri nanu" shaug" gyoo: bye. Phoo gi nga" tho' agoo" je gyi: su: nghoid. Houg: su" nghoid yoomo nanu" ngoori jheddab nghoid rigi pho jhang khyoo: ngoo lo" ziri gau yi boem wa zi nghoid.

YOHAN 14:2

Nga" pho da" yhoem: moo yab myoo" sho' jo. Houg: ajo, nghoid rigi ajo, ein: ngoo atid loo: za: nyid wa anghoid. Ngoo gi nanu" da" shid' re" joyoo nyheing wa ein: lo" zi danghoid.

YOHAN 13:3

Aseing Yesu gi nyang: ri phoo Mangso wigi amyeing" bain sho' ab byid: to" ziri we' nyang: gi Mangso jang" mo gyoo" lo lho: Mangso jhang khyoo: doem loo" loo: wa da" khyoo: ri we' si' gu nghoid.

YOHAN 13:1

Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 7:33

Aseing Yesu tid zigi Ngoo gi nanu" yo" daso' za: byam nyid lho: Ngoori nhang: kaid da" Aseing: jhang khyoo: doem loo" wa su: nghoid.

LUKA 10:4

Nanu" gi ngei thung: nghui"- khyidbaid- ri aci: goo"- khyoo: moo yab lho: hang" yo" we' adoem goo" goo.

EZEKIEL 37:27

Ngoo gi houg moo nyangnu" yo' dage" nyid wa. Ngoo gi nyangnu" da" Mangsoo nghoid wa wigi nyangnu" gi nga" byumyu" yi nghoid wa.

EZEKIEL 36:28

Hau: thang: nanu" gi nanu" da" phoug" phyid" ri ngoo byid: to" da" mougmyid moo nyid lo boem goo" wa. Nanu" gi nga" byumyu" nghoid wigi ngoo gi nanu" da" Mangsoo nghoid wa.

YEREMIA 32:38

Houg: lang" nyangnu" gi nga" byumyu" bue" lho: ngoo gi nyangnu" da" Mangsoo nghoid loo wa.

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

COUNG" NGHEI 89:26

Nyang: gi ngoo ri nang gi nga" phoo yo' nga" Mangsoo nghoid da- nang gi nga" da" goem loem su: yo' ngoo ri khyoid yu da" Aseing nghoid nyid ga: wigi tid wa nghoid.

2 KHOKHAM 7:9

Nghoid loug we' hau: thang: ri nyang: cang" nyang: «Ngoonu" hidsu" age koid wa. Ngoonu" gi lu dang: gi yo" lho: ngoonu" za: age zau" too" nghoid da:. Ngoonu" gi he: ziri tid wa nab kyoo' ju" sho' lang" nyid ri ngoonu" gi gyeing" nyang: yooboo dam byid: zi shoug" wa nghoid. Akhid" nyang: lo" lho: khokham pho da" zoug: phoo yiri lo" tid kyo" boem shang» ga: tid ago".

MATHE 25:40

Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

COUNG" NGHEI 48:14

He: Mangsoo gi pyaid didu mo ngoonu" da" Mangsoo nghoid. Nyang: gi ngoonu" ri ju" loo wa da" kangso' dei khyoo: dangain" moo khyoo: shed vhu" shu" she: loo" wa zi nghoid ga: wigi thang: phyang" pyaid mo byu yiri yo" tid kyo" boem wa.

COUNG" NGHEI 43:4

Houg: lang" gi Mangsoo we"- re" da" phoin: khyoo: ngoo yo" yhe: loo" wa zi nghoid. Nang gi nga" ngei pyo: khyo: da" jhung: shoem: nghoid nyid. Mangsoo we"- nga" Mangsoo we"- nga" teung ri baid lho: ngoo nang ri coung" nghei jikhoin" khoin" nyid wa zi nghoid.

COUNG" NGHEI 22:22

Nang zei: da" moo" zoo" ri nga" byumyu" yiri ngoo tid kyoo: wa nghoid. Nyangnu" da" zoebphung: moo: ngoo gi nang ri coung" nghei wa nghoid.

2 KHOKHAM 4:29

Elisha gi Gehazi jhang khyoo: shu: wigi «Myab myab koid we' nga" lhamdung: ri yu ci: wigi yhe: loo" we'. Nang shau" go" da" byu yo' doem goo" wa atheing: nyid. Nang ri dayug yug dang: lhoem: tid ri doem phug tid wa ayo, abyid:. Yhoem: khyoo: dain: za: yhe: lho: nga" lhamdung: ri yuggi nu" adang moo yhe: ke" too" we'» ga: tid da:.

HEBRE 11:16

Akhid" koem gi hau: tho' mo je" pyo: da" moug: khung: moug di mo voogung mungdain ri nheig nge nyid boem- houg: su" nghoid yoomo Mangsoo gi nyangnu" da" Mangsoo ein: wa ziri sho: nyid zi anghoid. Khasu" wim gari Mangsoo gi nyangnu" nyid wa da" joyoo daloem: ri nyheung too" byid bye.

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

MARKU 12:26

Houg: yoomo shid: mo, doem dei to'' lo da" khyoo: yo' sen: wigi myi: nge" nyid da" mhain pung yo' sen: da" khyoo: ri tid da" Mangsoo gi Moshi ri ngoo gi Abraham da" Mangsoo- Isag da" Mangsoo- Yaku da" Mangsoo ga: tid da" jhoem: dang: ri lhid" to" da" Moshi lhid pug ri nanu' anghab yu" goo" la".