YOHAN 15:24 - Lacid Common Language Bible

²⁴ Gyeing" nyang: ngoo gi goo" ji hang" we' akoid; da" moo" joem ri nyangnu" da" shid' moo akoid; shug loo: nyid rigi nyangnu" moo yooboo aboo wa zi nghoid. Akhid" koem gi nyangnu" gi ngoo koid; shug da" moo" ri myang boem bye. yoomo ngoori we' nga" phoo ri we' ngheing" boem bye.

YOHAN 15:24 交叉引用

YOHAN 14:9

Yesu gi Philib, we"- ngoo gi nanu" yo" hid: myhang nyid lo ri ngoori nang asi shi" la". Ngoori myang yu su: gi phoo ri we' shau" myang zi nghoid bye. Houg: su" nghoid ri phoo ngoonu" ri toin" shid' we' ein: ci: koid; tid nyid go" lha".

YOHAN 5:36

Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid.

YOHAN 10:37

Phoo zei: nhang: nau da" moo" ri ngoo avoin, vu, nghoid ri ngoori aloem" jeing" goo"

YOHAN 10:32

Yesu gi nyangnu" ri Phoo koid nhang: da" - moo" gi ri nanu" da" shig khoin" moo zei: bye. Hau: moozoo" kha: loem: yoomo nanu" ngoori luggo, yo" du" noug go" la"» ga: myid.

YOHAN 9:32

Nya: myhi' da" ung: khoug: mo myo, amyang su: ri dayug yug wigi myo, myang loo nhang: ga: zigi mougmyid jo, shid" jang" mo wigi khanham we' hang" we' ashug" gyo: yu" da" khyoo: nghoid.

YOHAN 7:31

Meing: byu yi da" akhoug: mo Nyang: ri loem" jeing" mo, myoo" sho' gi Meshia gyoo" lo da" uri he: youg tho' moo mau" pho" khyoo: je yo" koid; shug wa la"» ga: myid: ago".

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

MATHE 9:33

Hau: yu ri khaid thu' pyam' byid: lang" nhoid jed su: gi dang: se' tid lo. Houg: su" yoomo mung" byu yi gi dajha" mau" lo wigi «Israela byumyu" moo he: yug te" zi gi khanham we' myang yu».

TARHA" TID POIN" 5:9

Ce: ja: soolhoo: ri we' agoeb pid ano' goo". Ciwim gari ngoo gi nanu" Aseing Mangsoo nghoid. Ngoo gi mi shi' bang: hang" ri we' ayo" zeing: kham: nghoid da:. Ngoo gi ngoo ri ngheing" da" bang: ri yooboo dam byid: wigi nyangnu" amyed ashen yiri we' soem" xeig myid: xeig ju" sho' yooboo dam byid: wa.

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.

2 TIMOTHI 3:4

Khoug: zoug" myhang moid mo, khoug: vhoid' loo: zhu: zoo: noug mo, nheigloem: azoung" ziyo' nheigloem: myhang: yoomo phau: khuang nghoid boin: wigi nyangnu" gi Mangsoo ri jheddab wa gung khoo:- nyang: nya: da" pyo: khyoo: ri je" vhoo: bang: nghoid boem wa.

Roma 1:30

Dang: soso' subi" myo nhoo: shoem: nhang: Mangsoo: ri we' ngheung" avhoo: mo nghoid. Nyang: cang" nyang: juang" go" - nghoid boin: yung" thui: gyo: - phau: fain" vo: ngeig se: subi" ri aphoug"- age khyoo: aja: ja: ri - nyheing soin: zei so' se' boem. Nya: myhi' nya: pho dang: ri we' atam" gyo: boem.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 2:22

Israela mang: nhung" yi we' He: da" dang: ri tam" gyo: yu" ge'- Nazared voobyu Yesu gi-Mangso phung" yoem: vhoo" khyo" nghoid ziri Yesu da" lo, khyo" mau" pho" alhoo: again yo' mau" pho" moozoo" joem ri zei: shug abye:. He: khyoo: gi nanu" nya: da" phung: moo bue" lid lo ziri nanu" nyang: myang se' boem bye.

YOHAN 12:45

Ngoori myang su: gi ngoori za: anghoid. Ngoori nhang: kaid da" Aseing: ri we' myang zi nghoid bye.

YOHAN 6:36

Akhid" nanu" ri tid ba- Nanu" gi ngoori myang bye: nghoid loug we' loem" jeing" boem wa zi anghoid.

LUKA 24:19

Nyang: Yesu gi «ce: noem moo" bue" lha"» ga: doem myid: Hau: eig yug gi Nazared mo Yesu yo" sen: da" moo" nghoid ga: tid kyo. Hau: yug gi Mangsoo yo" byu dangain" mo, da" shid' khoin" moo lo, moozoo" yoem: boo su:- nhoid tid sang: ziyo' dakhyoo" ti" koinsu nghoid.

MARKU 2:12

Houg: lang" jang: nyang to' lo wigi na: yhoeb yoo koid: vu, lho: nyangnu" da" shid' khoin" mo myab phang: thu' loo" khare". Houg: lang" nyangnu" dangain" mo, mau" hang" to" boem wigi Mangsoo ri coung" nghei zoore"- ngoonu" gi hid: te" gyeing" moug" phau" khyoo: kha" nham we' amyang yu" shi" ga: tid boem.

MATHE 21:32

Yohan gi nanu" jang" moo re" lho: deung main" da" khyoo: ri jhoug" byid: nghoid loug we' nanu" nya: dang: ri aloem" jeung" boem. Nghoidloug we' khyu: zoo: mo, yo' shava myiyi: yigi nya: dang: ri loem" jeung" boem bye. He: da" akhyoo" again ri shau" myang uri lang" nanu" gi nheigloem: thed' lho: Yohan da" dang: ri loem" jeung" lo da" khyoo: abo boem nghoid da.

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

DANG: ZHOEM 8:36

Ngoo ri ashau" sho: da" byumyu" yigi noophyoo" shoug" nyid boem wigi ngoo ri ngheung" nyid bang: hang" we' shid: lo" khyoo: ri jheddab nyid boem ga: wigi tid nyid.

COUNG" NGHEI 81:15

Ngoo ri: ngheung" nyid bang: gi nga" shidkhoin" moo: gyoug voem ziyo' goeb pid lo boem wigi nyangnu" da" yooboo dam shoug" zo: da" khyoo: gi apyaid atoo: moo: jo, jo, wa zi nghoid bye:.

THU' LO" MOUGSOUG" 20:5

Ce: ja: soolhoo: riwe' agoeb pid- ano' goo". Ciwim gari ngoo nanu" Aseing Mangsoo nghoid wigi ngoo gi mishi' mo, ri ayo" zeing: kham. Ngoo ri ngeing" mo, ri ngoo yooboo dam byid: wigi nyangnu" byuxeig soem" myid: xeig ju" sho' zang" wa zi nghoid.

YOHAN 12:10

Khainjung agyi yi gi Lazaru ri we' said wa ga: soin' nyid boem ago".

YOHAN 9:41

Aseing Yesu gi nanu" myo, amyang mo, jen" nghoid rigi yooboo yo" boem wa zi anghoid. Akhid" nanu" gi ngoonu" myo, myang mo, nghoid ga: tid boem yoomo hau: zigi nanu" moo yooboo yo" nyid zi nghoid bye.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

YOHAN 15:22

Ngoo gi jure" lho: nanu" ri akho" kyo" nghoid rigi nyangnu" yooboo shoid vhang goo" wa zi anghoid. Akhid" nyangnu" gi nyang: nya: da" yooboo ri shoid vhang: ci: boem yoomo ci" we' ayo" ga: boem loo.

YOHAN 15:23

Ngoori ngheing" su: gi nga" phoo ri we' bo ngheing" zi nghoid bye.

YOHAN 16:9

Houg: bang: gi ngoori loem" jeing" da" khyoo: aboo yoomo yooboo yo" sen: lho nyangnu" shoid nyid boem.