YOHAN 15:20 - Lacid Common Language Bible

²⁰ Join gi yhoem: seing: tho' moo je gyi: zi anghoid. Ngoo nanu" ri tid yu" bye: ziri myid boin ge'. Mougmyid byu wi gi ngoori shen" yhen nghoid rigi nanu" ri we shen" yhen wa zi nghoid. Nyangnu" gi nga" da" dang: ri cang lo" boem wa nghoid rigi nanu" da" dang: ri we' cang lo" boem wa zi nghoid.

YOHAN 15:20 交叉引用

2 TIMOTHI 3:12

Gyeing" nyang: Khristu moo kangso' dei lho: tarha" ri phau" cang khyoo: moo kangso' dei nyid noug mo, hang" nghoid loug we' shen" yhen kyi" khyeug da" jam, jau ri shau" boem wa zi nghoid.

YOHAN 13:16

Deing" deing nanu" ri ngoo tid nau da" zigi join, gi yhoem: seing: tho' moo je gyi su: anghoid. Lagyoo: we' nhang: kaid su: da" tho' moo je gyi: zi anghoid.

MATHE 10:24

«Cangzoo: gi sara: tho' moo je gyi: zi anghoid. deizoo:, phoo we' nya: yhoem: seing: tho' moo je gyi: zi anghoid.

EZEKIEL 3:7

Nghoid loug we' Israela byumyu" yi mo dayug we' anau tam" gyoo: wa. Nyangnu" gi nang rilang" anau tam" gyoo: wa. Nyangnu" dangain" bang: gi nheigloem: thain: wigi pyi: sho: boem ago".

2~KORINTHU 4:9

Ngoonu" ri gyi koid mo, myoo" sho' nyid boem- nghoid loug we' bidnoem dayug we' aboo loo- khanham we' anyid yu' boem, dalheung: lheung: noophyoo" gye" shau" boem- nghoid loug we' lhu: phyo' lhu: shoin, pyam zi anghoid.

1Korinthians 4:12

Ngoonu" nya: lo, yo' yoem: kaid lho: moo" zei: zo: boem- ngoonu" nheing" myeing" nheing" thui: shau" boem loug we' mainkaid byid: da" dang: gi tid. Pyi: sho: shen" yhen zi shau" boem nghoid loug we' kham zeung: nyid boem.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

LUKA 6:40

Cangzoo: gi sara: tho' moo aje gyi:- nghoid loug we' Phajhi" bain jhau" yu lang" gi cangzoo: we' sara: yhangti" bui" wa nghoid.

1THESALONI 2:15

Yuda byu yi ein: bang: gi Aseing Yesu ri we' Lapi: yi ri we' said' pyam nyid bang: nghoid wigi ngoonu" ri we' shen" yhen nyid bang: nyid nyangnu" gi Mangsoo vho: ngei khyo" akoid boem- yug khang" mo" da" aveing" go" da" gyi bue" nyid boem.

YOHAN 10:31

Houg: lang" mung" byu yi gi Asing: ri du" wa da" luggo, doem koid: ci: boem bye.

YOHAN 11:57

Khainjung agyi zoug: moo" yi yo"- Pharishe yi gi hang" nghoid loug Yesu nyid da" joyoo se' ri Nyang: ri yo" myheig tei" wa shid' re" lo tid kyoo" ca" ga: wigi amyeung" khyo, too" gu nghoid.

YOHAN 8:59

Houg: lang" nyangnu" gi Yesu ri du" wa ga: luggo, joem: ri koid: zei: ci: boem. Nghoidloug we' Yesu gi no ku" yhoem moo" khoug: mo gau" lheing thu' lo" byug.

YOHAN 7:32

Houg: su" Yesu da" khyoo: ri Meing: byu yi so' so' ga: doem go" nyid khyoo: ri Pharishe shau" gyo: boem. Houg: yoomo nyangnu" yo" khainjung agyi yi gi zung" lhug: nyid da" pyada: yi dayham" ri Yesu ri myheig wa shid' re" nhang: kaid boem.

YOHAN 5:16

Houg: su" wigi Dougno: Bidnyid moo noo gi nhaung moo" zei: yoomo Yuda zoug: yi gi hau: nyid mo Yesu rishen" yhen' wa soin' lo boem.

LUKA 2:34

Simun gi nyangnu" ri mainkaid byid: lho: Israela byumyu" moo byo, yoin" joem: thang loo" mo, yo' khyoid yu shau" mo, po" thu' loo wa shid' re" He: zoonu" ri Mangsoo khyen: nyheing too" bye. Nyang: gi Mangso da" thang" cab alhoo: nghoid wigi nyang: ri byu myoo" sho' mo, ngeig se: yooboo foin: khyo" nyangnu" nya: da" nheigloem: mo myid khyoo: ri thoid shug goo" wa.

1 SAMUELA 8:7

Aseing tid zigi «Byumyu" yi nang ri tid lo da" khyoo: dangain" ri nang tam" gyoo: byid: we'. Nyangnu" he: pyam zigi nang ri anghoid nyangnu" da" khokham nghoid da" ngoo ri he: pyam nyid zi danghoid nyid.

YOHAN 8:52

Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

MARKU 10:39

Houg: lang" nyang: tang: gi ngoo tang yo" bue" ga: tid ago" Yesu gi nyang tang: ri ngoo shug ca" da" goem ri natang: shug ca"- goo" wa Ngoo kham: yu wa da" Babtisma ri shau" kham: yu ca" goo" wa.