YOHAN 14:26 - Lacid Common Language Bible

²⁶ Nghoidloug we' Phoo gi nga" myeing mo nhang: kaid wa da" pang" thoug su: ein: da" gyeungshang: da" Venyi: gi nanu" ri ja: khang" moo" jhoug" byid: wigi ngoo tid kyo" da" khyoo: dangain" ri doem myid boin: loo nhang: wa zi nghoid.

YOHAN 14:26 交叉引用

YOHAN 15:26

Mangso da" deung main" khyoo: ri phang shug da: pang" thoug wa da" Mangso: jang" mo gyoo lo da" pang" thoug Aseing: ein: da:- gyeungshang: venyi nghoid. Ngoo gi nyang: ri Pho jang" mo nhang: kaid' lho: nga" khyoo: ri sagsi: kham: wa zi nghoid.

YOHAN 14:16

Ngoo gi phoo ri mho' lho: nanu" yo" khanham we' dage" nyid nyid wigi nanu" ri pang" thoug byid: wa da" yug- nanu" da" jhang khyoo: nhang: kaid wa.

1YOHAN 2:27

Nghoid loug we' nanu" koem gi Khristu da" Venyi ri nanu" da" atho' moo foid shoin" byid: ziri shau" kham: yu boem bye: yoomo nanu" moo hau" Venyi danyid nyid gi hang" we' nanu" ri jhoug" byid: mhoo, byid: aca" loo. Khasu" wim gari nya: da" Venyi gi nanu" ri khyoo: khaid khang" moo" moo jhau" mhoo, byid: nyid bye: yoomo nyang: jhoug" byid: da" khyoo: gi deingmain" da" khyoo: nghoid bye- mhau' fain" vo khyoo: gi ci" we' aboo loo:- houg: su" nghoid yoomo nanu" gi hau: Venyi wigi jhoug" byid: bye: ziyo' dakhyoo" ti"- tam" gyo: cang lo" lho: Khirstu yo' dadeing: daloem: za: bue" nyid ge'.

YOHAN 16:7

Nghoidloug we' nanu" ri ngoo Deing" deung tid nyid da: zigi nanu" shid' re" je ge'. Ngoo alo" nghoid rigi pang" thoug wa su: gi nanu" jhang gyoo" loo wa zi anghoid. Ngoo lo" thang: hau: da" zi: nanu" jhang khyoo: nhang: kaid wa nghoid.

1YOHAN 2:20

Nghoid loug we' Yesu Khristu gi nanu" da" atho' moo hau: gyeungshang: da" Venyi ri foid shoin" byid: zi shau" boem bye: wigi nanu" dangain" bang: gi hau: deingmain" khyoo: ri yo" se' yu boem bye.

1Korinthians 6:19

Nanu" da" gung doem: gi nanu" moo: bo nyid da" Mangsoo byid: hau: gyeungshang: da" Venyi noku yhoem: nghoid ziri- nanu" asi' loo goo" la"

ACTS 2:33

Nyang: gi nya: pho, lo, yo shoid' moo zhoung: jo, wa shid re" to' yu zi shau" lho: Nya: pho, dang: soo" khoin" byid: too" bye: ziyo' dakhyoo" ti" Nya: pho jang" mo gyeungshang: da" Venyi ri yo" shau" kham: yu bye. Akhid" nanu" shau" myang ziyo' shau" gyo: nyid khyoo: gi nyang: nga" da" atho' moo foid shoin" byid: da-nya: jeju" jhung: shug nghoid bye.

Ephesu 1:17

Nanu" Mangsoo ri je" se' loo goo" baja"- nanu" ri phajhi" boo nhang: lho: Mangsoo khyo" yo" pang shug da" Venyi nanu" ri byid: wa shid re" phung" yoeb, bo da" phoo- nanu" da" Aseing Yesu Khristu da" Mangsoo moo ngoo mho' nyid.

Roma 15:13

Gyeungshang: da" Venyi: phung" yoeb gi nanu" da" loem" jeung" nheig shid: nheig deig da" khyoo: ri geing: teing tho' moo geing: teing loo wa shid' re" loem" jeung" nheig shid: neig deig nhang: da" Mangsoo: gi nanu" da" loem" jeung" yoomo nanu" ri gau yi ngei pyo: joeb byeung" nhang: zi yo" myenjham" khyoo: ri byid: baja" o".

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

YOHAN 2:22

Houg: yoomo Nya: cangzoo: yi gi Yesu shid: jang" mo doem dei to'' lo da" uri he: khyoo: ri doem myid boin: boem lho: Jhoem: mungdang: ri nghoid loug we' Yesu tid kyoo" khare" da" mungdang: ri nghoid loug we' loem" jeing" lo ago".

ESAIA 54:13

Re" voobyu yiri ngoo nyang: jhau" shid wa. Nyangnu" ri yoo" zoo: yoo" shug khyoo: yo' ngei pyo: yug yo khyoo: ri byid: wa.

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

1YOHAN 5:7

Sagsi: soem" ja: bo.

TITU 3:5

Ngoonu" gi loem goem khyoo: shau" yu boem bye:. Hid: yhang: ti" loem: jeung" khyo" shau" yu zigi ngoonu" nyang: zei: so' yoem kaid da" ge da" moozoo" daja: ja: mo yo" yu zi anghoid. Ciwim gari nya: da" nheig khyeug je ju yoomo za hid: yhang: ti" doem khu: yu ziyo' sen: gyid yo' ced" kyeing shed" shang: pyam ziyo' nyang: gi nyhang" nu" ri khyoid' yu bye.

LUKA 24:49

Nga" phoo Mangsoo byid: wa ga: dang: theing" to" akyu" jeju" joem gi nanu" ri ngoo yo" yu nhang: wa zi nghoid. Nghoidsho' loug we' Nanu" gi mougkhung: mo yoem: vhoo" ri ayo" kham: yu yu gi Yerusalem voo moo dalang" nyid shi" ge" ga: tid.

YUDA 1:20

Nghoid loug we' bidnoem yi we"- nanu" gi nanu" nya: da" gye" yung" lho' gyeungshang: da" loem" jeung" khyoo; moo ayang: zug jo, lho: nanu" da" kangso' dei khyoo; ri gyi: sheung: loo nhang: ge'. Gyeungshang: da" venyi yoem: vhoo: ri nghe: khau: lho: akyu"- mho' nyid ge'.

HEBRE 9:8

Hau: da" thung" yo' dakhyoo" ti"- xang: shed" ju" vang lo" da" yab, goin" dageung: jo, jo, gi gyeungshang: da" yab, khyoo: khoem" aphang shi" wa da" khyoo: hau: gyeungshang: da" venyi gi bang bang jhoug" byid: nyid.

HEBRE 3:7

Hougsu" nghoid yoomo hau: gyeungshang: da" Venyi tid ziyo' dakhyoo" ti"- Akhid" nyid" nanu" Mangso dang: shau" gyo: nghoid rigi

1THESALONI 4:8

Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.

1Korinthians 12:3

Mangsoo ri nghoid loug we'- Mangso Venyi wigi: khyoo: shid' vhu" she: zi shau" kham: yu nghoid rigi-" Aseing Yesu ri mau: goin' baja",, ga: avoem" tid. Gyeungshang: da" Venyi wigi- khyoo: shid' vhu" she: ziri: ashau" kham: yu su: gi Aseing Yesu gi Aseing nghoid ga- hang" we' ayo" yhen: yu nyid wa khyoo- ngoo nanu" ri si' nhang: nau.

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".

LUKA 11:13

Nanu" akhyeing" mo lang" nya: zoo: yi ri ge zi se' byid: rigi Mougkhung: Aseing:- Nanu" da" nya: phoo gi mho' mo, ri gyeungshang: Venyi: je wigi byid: wa anghoid goo" la"» ga: tid.

COUNG" NGHEI 51:11

Re" da" myo, shid ti: mo ngoo ri akhaid thu pyam, shi". Re" da" gyeung" shang: Venyi nga" jang" mo ayoeb yu byid.

Roma 15:16

Hau: da" amyeing" zeing gi nghizain byumyu" yi jang" moo moo" voin wa shid' re" Khristu Yesu da" dei zoo: yo" bue" da" khyoo: nyang: nghoid bye. Gyeungshang: Venyi: khyo" tungbau byumyu" yi Mangsoo: vhoo: ngei da" xoin" du: bue" loo wa shid' re" ngoo gi khainjung dayug yhang: ti" - Mangso: ngei bu: lu dang: ri kho" kyo" moo" voin vu nyid.

LUKA 1:41

Elisabed gi gyeungshang: Venyi: yo" byeung" zoore.

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

HEBRE 2:4

Houg: mo xo' lho: Mangsoo gi nyang: nya: alhoo: again joem- mau" pho" moozoo" aja: ja: toin" shid khyo" we' gyeungshang: da" venyi yo' sen: da" jeju" jhung: shug joem ri nyang: vho: ngei ziyo' dakhyoo" ti"- gam byid: khyo" we' nyangnu" da" sagsi: joem moo poug lung: byid: khyo" we' toin" shid nyid.

2 TIMOTHI 1:14

Nang ri loem, wigi ab, byid: too" bye: ge, da" ziyoo joem ri nyhang" moo bo loung" jo, bye: da" hau" gyeungshang: venyi yoem: so' khyo" dazoem: ci: nyid we'.

Ephesu 4:30

Hau: tho' moo gootu- gyeungshang: da" venyi ri nheig akug nhang: goo"- Khasu" wim gari hau: gyeungshang: da" venyi gi nanu" ri Mangso seung: nyid khyoo-sagsi: dazid' nghoid lho: Mangso wigi nanu" ri lhoid pyoin kaid' shau" da" bidnyid ju" loo wa ziri koo" kham: kham: byid: su: nghoid nyid.

Roma 14:17

Ngoonu" ri Mangso: mungdain: ein: da" zi gi zoo: zoo: shug shug koid' khyoo: anghoid loo za: gyeungshang: Venyi: khyo" byid: da: deingbyeing" khyoo: - myenjham" yug yo khyoo: yo" gau yi ngei pyo: khyoo: nghoid nyid.

Roma 5:5

Hidsu" nheig deig nheig byu khyoo: gi - ngoonu" ri neig loem: byo yoin" nhang: wa zi anghoid - Khasu" wim ga ri Mangsoo: gi ngoonu" ri nyang: byid: da jeju" gyeungshang: venyi: dang khyo" nyang khayhi' jheddab khyoo: ri toin" shid' too" yoomo nghoid.

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

ACTS 11:16

Houg: lang" Yohan gi gyid moo babtisma byid: bye- Nghoid loug we' - nyangnu" gi gyeungshang: da" Venyi mo babtisma kham: yu boem wa ga: Aseing: tid to" dang: ri ngoo myed boin: lo.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

YOHAN 20:22

Houg: su" bain tid thang: ri Yesu gi cangzoo: yi da" tho' moo so' moid kaid lho: gyeungshang: da" Venyi: ri kham: yu ge" ga: tid.

YOHAN 6:45

Lapi: yi da" jhoem: dang: moo Houg: bang: dangain" gi Mangso da" jhoug" myeing" jhoug" thui: ri kham: yu boem wa ga: bo. Houg: su" nghoid yoomo Phoo Mangso da" jhoug" myeing" ri shau" gyo: lho: phoo jang" mo, thung" lid kham: yu mo, dangain" gi nga" jang" moo jure" boem bye.

MARKU 13:11

Nanu" ri myheug lho: tarha" yung" khyoo: ab byid: pyam da" uri khasu" tid wa la" ein: shid mo amyid ci' nyid goo"- ayo, ju" lang" nanu" ri dang tid nhang: ziyo' dakhyoo" tid ge". Khasu" wim ga: ri hau: dang: joem gi nang tid dang: anghoid- gyeungshang: venyi: mo thu re" dang: nghoid wa.

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

HEBRE 10:15

Hau: gyeungshang: da" Venyi we' ngoonu" ri sagsi: bo kham byid: bye- xang: shed" ri nyang: gi

YOHAN 12:16

Nya: cangzoo: yi gi hau: yo, moo he: jhoem: dang: ri ase' gyo: boem. Nghoid loug we' Yesu gi phung yoeb myo nhoo: yo' coung" nghei tu: to shau" thang: ri she' he: jhoem: mungdang: gi nya: khyoo: ri tid to" zi yo; dakhyoo" ti" nyang: ri koid' abye: go" ziri doem myed boin: so" lo boem.

MARKU 12:36

Re" gyivoo joem ri re" khyid: voo: khoug moo ngoo atoo" byid: byid: gi nga" lo, yo shoid moo dazhoung: jo, we' ga: hau: Aseing: gi nga" Aseing: ri tid da:› ga: David gi gyeungshang: Venyi: vang lho: tid da.

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Ephesu 1:13

Nanu" ri khyoid yu khyoo: byid: da" hau: deungmain" da" mungdang: ein: da" ngei bu: lu dang: ri nanu" tungbau byumyu" yi shau" gyo: boem da" uri nanu" we' Mangso da" byumyu" yi bue" lo abye: go- Khristu ri nanu" loem jeung" boem bye: nghoid rigi nyang: tid too" khare" da" gyeungshang: venyi: ri byid: yoomo nyang: gi nanu" da" Aseing: nghoid nyid bye: khyoo: ri dazid thung" byid: bye.

2~KORINTHU 6:6

nheigloem: young" khyoo:- yeug se' koung khyoo:- kham: zeung: khyoo: yo' nheung khyeug shoo" myen: khyoo: khyo" we' gyeungshang: da" Venyi da jeju" khyoo: khyo" -afain" da" jheddab myid khyo" we'

ACTS 20:35

Ngoonu" gi moo" zei: yoem: kaid' lho: wigi yoem: neing: bang: ri pang" thung ca" ein: da" khyoo: ri nanu" we' gyeing" nyang: hougsu" koid lo yu" boem bye. Houg: lang" Aseing Yesu nyang: tid zigi kham: yu tho' moo gam byid: zigi je" ngilho- ga: tid khare" dang: ri myed boin: ge" ga: tid.

ACTS 15:8

Byu yug khang" mo" da" ung: khoug: nheigloem: ri se' da" Mangsoo gi ngoonu" ri gyeungshang: da" Venyi byid: bye: ziyo' dakhyoo" ti" tungbau byumyu" yi ri we' - gyeungshang: Venyi byid: bye: ziyo' dakhyoo" ti" nyangnu" ri we' vho: nghei nyid bye: da" khyoo: ri toin" shid' too" bye.

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

ACTS 1:4

Nyang: nu" gi dage" zeung: lo boem uri Yesu gi lagyoo: yi ri Yerusalem voomoo" mo a thu loo" goo- nanu" ri tid kyo" too" gu nghoid- nga" phoo Mangsoo byid: to" jhung: shug ri dalang" nyid ge'.

ACTS 1:2

Yesu gi moug: khung: khyoo: to' yu zi ashug" shi" uri nya: lagyoo: yi ga: nyang: khyen: yu too" mo, ri-Nyang: gi gyeungshang: da" Venyi khyo" wigi pyein: dang: joem ri byid: too" khari" bye.

YOHAN 7:39

Aseing Yesu hid: su" tid da" zigi Nyang: ri loem" jeing" mo, yo" yu wa da" gyeungshang: venyi da khyoo" ri tid zi nghoid. Nghoidsho' loug we' Yesu gi Myo, nhoo: phung" yoeb' ri ayo" yu shi"- houg yomoo gyeing shang Venyi: ri abyid: shi" zi nghoid.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

LUKA 1:67

Houg: lang" nya: phoo Zakhari gi gyeungshang: da" Venyi yo" byeung" lho: Lapi: dang: khyo" tid zigi

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

LUKA 1:15

Nyang: gi Mangso da" shid' khoin" moo gyi: sheung: su: nghoid wa. Nyang: gi zabyid yhid: yo' yed coid ja: yhid: ri shug wa su: anghoid.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

ESAIA 63:10

Nghoid loug we' nyangnu" gi thougtheung gyi koid boem wigi nya: gyeung" shang: da" Venyi: ri nheig koug nhang: ago". Houg: yoomo Aseing nyangnu" da" gyivoo bue" re" wigi nyangnu" ri gyi koid da:.

ACTS 28:25

Houg: yoomo nyang: cang" nyang: aveing" goo" loo: za: thu' lo" nyid boem da" uri Polu doem tid zigi Lapi: Esaia nhoid khyo" gyeungshang: da" Venyi wigi nyangnu" da" phoug" phyid" yi ri tid da" dang: gi gye" nyang: jo, da" dang: nghoid.

ACTS 16:6

Houg: lang" gyeungshang: da" Venyi gi nyangnu" ri Asha mung" gyoo: moo mungdang: ri kho" kyoo" wa akhang" abyid: yoomo nyangnu" gi phrugi mung" yo' Galile mung" gyoo: khyo" so" lid lo.

ACTS 15:28

Phara" soolhoo: ri ngei" byid: bye: da" zoo: noem- suid" yo' leung zeung: mo cu" said' da" gougnyhoug shoo" ri azoo: goo". Gain: tho' zung" da" moo" ri we' akoid goo" ein: da: jang" mo jain" lho: nanu" ri yoovoin, gootu: afoin: wa shid re" gyeungshang: da" Venyi moo ngoonu" e" myed, sham: coem, shoin" to" boem bye.

ACTS 13:4

Houg: su" gyeungshang: da" Venyi wigi nhang: kaid' ziyo' dakhyoo" ti" Barnaba yo' Sholu eig yug gi Seluki voo khyoo: yhe: lo" wigi hau: voo mo zi Kupru, gugyoo: kang: khyoo: lhid' yo' gu: yhe: lo" ago".

ACTS 7:55

Nghoid loug we' Stephain gi gyeungshang: da" Venyi byeung" jo, yoomo moug: khung: khyoo: tu: yu" kaid' ri Mangso phung" yoeb, yo' yesu gi Mangso lo, yo shoid moo yab, jo, ziri myang kaid.

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

MATHE 1:18

Akhid" Yesu Khristu khu: lo da" khyoo: gi hid: su" nghoid. Nya: myhi' Mari gi Yoseb dang: myed: too" bye: nghoid loug we' nya: eig yug gi dage" azoem" nyid shi" ri Mari gi gyeungshang: Venyi: khyo" zoonu" gung bue" loo bye.

YOHAN 1:33

Nyang: gi hang" su: nghoid zi xang: shid" ri ngoo asi- nghoid loug we' gyid yo" Babtisma kham: byid: wa shid' re" ngoori nhang: kaid da" Mangsoo: tid zigi gyeungshang: Venyi: gi gyoo" lo lho: dayug yug da" atho' moo zhoung: jo, ziri nang shau" myang wa. Hau: yug gi gyeungshang: da" Venyi: yo" Babtisma byid: wa su: nghoid.

YOHAN 14:25

Nanu" yo" dage" nyid shi" da" uri he: khyoo: ri ngoo tid kyoo" bye.