YOHAN 12:28 - Lacid Common Language Bible

²⁸ Phoo we"- re" da" myonhoo: phung" yoeb' ri dathu' ri" nhang: we' ga: tid nyid. Houg: lang" mougkhung: mo thui: thu' lo zigi ngoo gi nya: myeing ri myonhoo: phung" yoeb' ri thu' ri" nhang: bye. thang: ri dalheing: we doem thu' ri" nhang: shi" wa" ga: tid.

YOHAN 12:28 交叉引用

MATHE 26:42

Houg: mo Yesu gi da lheing: doem yhe: lho: «nga" phoo we" he: kyi" khyeug da" goem ri ngoo mo ayo" lhed: kaid lang" gi nang vho: khyo" za: nghoid baja"» ga: akyu" doem mho' nyid.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

2PETRU 1:17

Nyang: ri phoo Mangsoo mo nyang- myonhoo: ngalang" phung" yoeb byid: da" uri we' je" gyi: thang da" phung" yoeb khoug: mo wigi nya: jang" moo ju" re" da" thui: gi He" yug gi ngoo vho" ngei da" ngoo jheddab da" nga" zoo: nghoid, ga: wigi tid uri we' ngoonu" houg moo nyang: yo' dage" nyid.

Ephesu 3:21

Mangsoo gi phung: tho' moo we' Khristu Yesu da" tho' moo we' apyaid' atoo: moo phung" yoeb, dabo jo, baja" o"- Amen.

Ephesu 3:10

Hougsu" koid da" khyoo: gi akhid" pyaid moo vhoeb khang" nyid da" moug: lagyoo: yi yo' moug: khung: moug di mo yoem: so' yoo" mo, gi Mangso phajhi" aja: ja: ri noku phung mo se' yu wa shid re" nghoid.

Ephesu 2:7

Nyang: hidsu" koid da" khyoo: gi Khristu Yesu moo ngoonu" ri toin" shid da" nya: jhed khyeing: kang: khyeing: khyo" wigi nya: da" jeju" gi gooki" lid' gyi: sheung: jo, da" khyoo: ri myang se' loo wa shid re" toin" shid nyid.

YOHAN 18:11

Aseing Yesu Petru ri tid zigi sham: ri sham: byang moo doem xang too" we'. Nga" Phoo gi ngoori shug nhang: da" kyi" khyeug goem ri ngoo ashug wa ein: nang soin: rhe"

YOHAN 11:4

Yesu hau: ludang: ri shaug" gyoo: long" nyang: gi he: noo gi Lazaru ri shid: nhang: wa da" noo anghoid. Mangso da" myonhoo: phung: yoeb' bang loo nhang: wa ziyo' hau: noo yoomo Mangso da" nya: zoo: gi myonhoo: phung yoeb'- bug thu' sheing" jhu" loo wa"- shig re" nghoid ga: tid.

YOHAN 9:3

Aseing Yesu phougtu" zigi Nya: yooboo mo we' anghoid. Nya: myhi' nya: pho, yooboo mo we' anghoid. Mangso: da" phung" yoeb nyang: mo bang thu' loo nhang wa yoomo nghoid.

LUKA 9:35

Jhoem: thei" khoug: mo thui: daleom: gi He: yug gi nga" rizoo: nghoid- Nyang: ngoo khyen: to" zi nghoid- nya: jhoug" myeing" ri tam" gyoo: ge' ga: da" thui: daloem: myeung thu lo.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

MARKU 14:36

Nga"- phoo we"-nang gi dangain" ri yo" ze" bui" su: nghoid nyid-houg: yoomo hid: yaukhe" kyi" khyeug da" goem ri nga" jang" mo yu pyam byid we-nghoid loug we' ngoo vho: khyo" anghoid nang vho: khyo" za" nghoid baja"-ga: akyu" mho' nyid.

MARKU 9:7

Hau thang; ri Jhoem: moug" dathei" thu' lo wigi nyangnu" ri lo shoem" nghoeb pyam da:- jhoem: thei" khyoug: mo He: yug gi ngoo jhedab da" nga" zoo: nghoid- nya: dang: ri tam" gyoo: ge' ga: thui: meung thu' lo.

MARKU 1:11

Houg: lang: moug khung: mo thui: tid thu' re" zigi nang gi ngoo jheddab da" nga" zoo: nghoid- nang ri; ngoo gye" vho: ngei nyid ga: tid.

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 11:26

Nghoidbye: nga" phoo we"- Nang vho: da" khyoo: gi hid: su" nghoid nyid.