YOHAN 10:28 - Lacid Common Language Bible

²⁸ Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 10:28 交叉引用

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

YOHAN 18:9

(Hid: su" ga: tid da" khyoo: gi phoo we"- ngoo nang ngoori ab byid: too" mo, mo dayug we' byug loo" zi aboo baja" ga: da dang byeung" loo wa shid re" nyang: tid to" ziyo' dakhyoo" bue" loo wa shid' re" tid zi nghoid.)

PHILIPI 1:6

Hougsu" nghoid yoomo nanu" moohe: da" ge moozoo" ri zei: shed" too" byid: su: Mangsoo gi Khristu Yesu doem gyoo" loo wa bidnyid moo hau: moo" ri joeb byeung" sho' zei: too" goo" wa" ein: ngoo myid loem nyid.

ESAIA 54:17

Nghoid loug we' nang ri ce: gyi jonu" wigi we' dam ayo" tab wa. Nang ri yooboo zhug da" bang: dangain" ri phug tid wa dang: nang yo" loo wa. Ngoo gi nga" dei zoo: yiri goem loem byid: wigi Nyangnu" ri oung: doid nhang: wa» ga: tid Aseing tid bye:.

1YOHAN 2:25

He: khyoo: gi Khristu nyang: ngoonu" ri dang: soo" khoin" byid: too" khare" da" atoo: moo kang: so' ri yo" yu khyoo: nyang: nghoid bye.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

Roma 8:1

Hougsu" yoomo Khristu Yesu dadeing: za: nyid mo gi tarha" dang: phyed' khyoo: aboo loo.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 5:24

Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

1YOHAN 5:11

Hau: sagsi dang: koem gi he: zi nghoid- mangsoo gi ngoonu" ri athang agoin da" kangso' ribyid: bye: yoomo hau" kangso' da" apoem: ayang: gi nya: zoo: nyang: nghoid nyid.

YUDA 1:21

Mangso da" jheddab khoug: moo daloung" jo, ge'- Hougsu" Aseing Yesu Khristu gi-nya: nheig khyeig shoo" myen: da" khoug: moo nanu" ri byid: wa da" apyaid' ato: kangso' ri dalang" nyid ge'.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

COUNG" NGHEI 37:28

Khasu" wim ga: ri Aseing gi deungmain" da" khyoo: ri jheddab nyid wigi nheigloem: zung" da" nya: byumyu" yiri ashe: pyam. Nyang: gi nyangnu" ri apyaid atoo: moo lhoug zung" goem loem byid: nyid loug we' akhyeing" ashoeb su: da" amyed, ashen yi rigi koin" thu' pyam zi shau" boem wa nghoid.

TARHA" TID POIN" 33:3

Aseing gi nya: byumyu" yiri jheddab wigi nyang: wigi seing: da" bang: ri goem loem byid: nyid. Houg: yoomo ngoonu" gi nya: khyid: yang: moo goeb pid wigi nya: amyeing" dang: joem ri tam" gyo: cang yhe: nyid boem.

ESAIA 45:17

Nghoid loug we' Israela ri Aseing wigi khyoid yu zi shau" da:. Israela da" oung: doid zigi apyaid atoo: moo deing jo, wa. Israela byumyu" yigi khanham we' ngi: yoem' zi ashoug" wa.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

YEREMIA 31:3

Ve: da" joyoo mo ngoo nyangnu" ri yhe: nyid shug bye:. Israela byumyu" yi we"- Ngoo nanu" ri khanham we' jheddab nyid. Houg: lho: xo' lho: nga" abyo, abei: da" jheddab myid nanu" ri ci: shug byid: wa.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

DANG: ZHOEM 24:16

Nheigloem: deingmain" su: gi khamyhoo lheing: jhoid leung nghoid loug we' nyang: gi khanham we' yo" doem to' yab. Nghoid loug we' byo, yoin' khyoo: gi akhyeing" ashoeb bang: ri phyo' shoin' pyam nyid.

2 THESALONI 2:13

Aseung: da" jheddab mang nhung" yi we"- nanu" yoomo ngoonu" gi Mangso da" jeju" ri khanham we' yo" coung" nghei nyid baja"- Khasu" wim gari mangsoo: gi ngoonu ri gyeungshang: da" byu yi bue" loo nhang: da" venyi yoem: so' khyo" we'-deing main" khyoo: ri loem" jeung da" nanu" laloem lakhoug: we' xang: shed" mo, khyoid yu shau" bang: khyo" wigi nanu' ri khyen: yu bye.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

Roma 5:21

Yooboo gi byu ri yo" shid nhang: da" dangkang: nghoid ziyo' dakhyoo" ti" ngoonu" Aseing Yesu Khristu khyo" wigi Mangso: da" jeju" akhyoo" again gi ngoonu" ri apyaid' ato: kangso' khyoo: shu" yhe: lo" lho: deingbyeing" mo yo" bue" loo nhang: da" dangkang: nghoid.

YOBA 17:9

Phoug" myang: wa moin: yi" ga: tid fu" bang: gi Nyangnu" jo, ga: je je myid loem lo da:.

1 TIMOTHI 1:16

Nghoid loug we' Mangsoo ngoori nheig khyeug yu da" khyoo: gi thang: phyang" pyaid Aseing: ri loem" jeung" wigi apyaid' ato: kangso' yo" yu wa bang: dangain" mo, shid re" yu" yu ge da" khoo" shid: daloem: bue" jo, baja"- Khristu Yesu gi ngoo yhang: te" da" yooboo yoo" mo, mo ca" thang su: da" atho' moo nya: da" nheigloem: gyi: sheung: kham, zeung: khyoo: ri toin" shid' byid: nyid zi nghoid.

Roma 6:23

Yooboo da aphoug" gi shid: lo" khyoo: nghoid. Nghoidloug we' Mangsoo: da" phoug" asang: jeju" jhungshug koem' gi - ngoonu" da Aseing Yesu Khristu yo" dadeing: daloem khoug mo yo" da" apyaid' ato: kangso' nghoid.

Roma 5:17

Byu dayug shoid' da" yooboo gi - shid: lo" da khyoo: ri bue" loo nhang: nghoid rigi gootu byu dayug nghoid da" Khristu Yesu koid' da" moozoo" gi khayhi' je gyi: myo: tham: wa lha". Mangsoo: da" joeb byeung" da" jeju" zeing ri we' Mangso: da" shid' khoin" moo deingbyeing" mo yo" bue" lo da" jeju" ri we' shau" kham: yu da byu dangain" mo gi Khristu khyo" oung: doid lo" da" kangso' yo" dei boem wam bye.

Roma 5:2

ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

ACTS 7:59

Nyang: nu" gi Stepain ri houg: su" lug go' wigi du" go" nyid da" uri stephain gi Aseing" we" Aseing: we" - nga" Venyi ri kham: yu byid: we' ga: Aseing: ri mho' yoid nyid.

YOHAN 14:19

Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

YOHAN 6:47

Deing" deing nanu" ri ngoo tid zigi ngoori loem: jeing" su: gi apyaid' ato: kangso' yo.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YEREMIA 32:40

Ngoo gi nyangnu" yo' apyaid atoo: dang: theing koid wa. Nyangnu" shid re" gi koid ziri ngoo athang nhang: wa. Nyangnu" ngoo mo aphoug loo" wa shid re" nyangnu" da" nheigloem: dangain" wigi ngoo ri gyoug phoug" da" myid nyangnu" ri kaid byid: wa.

1 SAMUELA 2:9

Nyang: gi loem khau: da" byumyu" yi da" kangso' ri lhoug zung" nyid. Nghoid loug we' akhyeing" ashoeb bang: ri koem' gi moug: coid khoug: moo byug lo" boem wa zi nghoid. Byu gi nyang: nya: yoem: yo' oung: doid khyoo: ayoo" nghoid da:.

Roma 5:9

ngoonu" gi Khristu shid: kham da" khyoo: khyo" Mangso: da" shid' khoin" moo deingbyeing" mo khyo" yo" vang loo" wa nghoid bye: yoomo Mangsoo: nheig yo: nyid jang" mo nyang khyo" yo" loid byoin loo" wa zi deing" deing nghoid nyid bye.

YOHAN 6:68

Simun Petru gi Aseing: we" ngoonu" gi hang" jhang khyoo: se' loo" wa Aseing: dayug kyeing" za: apyaid' ato: kangso' yo" sen: da" khyoo: ri dakho" kyo.

LUKA 23:46

Yesu gi O" nga" phoo we"- Aseing: da" lo, moo nga" Venyi: ab byid: bye" ga: thui: zeing: yo" gyi" sho' nyho: lho: kang: gyoo" khari" bye.

YEREMIA 31:34

Nyangnu" mo hang" dayug we' nyangnu" da" yhoem: kyoo" cang" yiri Aseing ri si' wa shid re" jhau" shid byid: aca" loo wa. Ciwim gari: nge thang yug mo gyi: thang yug ju" sho' dangain" bang: ngoo ri se' loo goo" wa. Nyangnu" yooboo joem ri ngoo khyoid pyam byid: wigi nyangnu" shoid da" lo, moo" joem ri khanham ngoo amyid boin: loo wa. Ngoo Aseing tid too" bye:.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

COUNG" NGHEI 31:5

Ngoo gi ngoo nya: gung du: ri re" da" lo, khoug: moo: ab too" bye:. Aseing nang gi ngoo ri khyoid yu wa zi nghoid. Nang gi nga" deingmain" da" Mangsoo nghoid nyid.

MARKU 13:22

Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

ESAIA 55:3

«Nga" byumyu" we"- akhid" tam" gyoo: ge' nga" jhang loo ge'. Nga" jhang loo we'. Nanu" kangso' yo" yu wa. Ngoo gi nanu" yo' dang: theing myang" sho' koid wa. David ri ngoo dangsoo" byid: to" da" mainkaid jeju joem ngoo nanu" ri byid: wa.

ESAIA 27:3

«Ngoo gi hau: ziri zung" wigi byeing abyid loo: gyid shoin" da:. Hang" we' hau ziri dam ayo" tab wa shid re" ngoo gi myen" ri nyid" ri lhoug zung" nyid.

YEREMIA 23:4

Nyangnu" ri goin coung: byid: wa shid re" vhoebkhang" bang: ri ngoo moo" foin: too" wa. Nga" byumyu" yigi gyoug zi dain zi khanham we' ashoug" loo goo" wa. Ngoo nyangnu" ri yooboo dam adoem byid: loo wa. Ngoo Aseing tid too" bye:» ga: tid da:.

YOHAN 10:29

Nyangnu" ri nga" lo, moo ab byid: to" da" Phoo gi dangain" tho' moo je gyi: su: nghoid yoomo hang" nghoid loug- nyangnu" ri pho da" coung: goem nyid jang" mo ayo" lhoid yu loo.

1YOHAN 1:2

Hau: da" kangso' gi thu' myhang lo da" uri ngoonu' hau: ziri myang yu" boem bye- houg: yoomo nanu" gi hau: khyoo: ri sagsi: kham, byid: boem bye. Nya: phoo yo' dage" nyid yu" bye- hau: apyaid ato: da" kangso' gi ngoonu" jang" moo thu' lo wigi ngoonu" gi hau" kangso' da" khyoo: nanu" ri sho' kyo" boem bye.