RUTHA 3:13 - Lacid Common Language Bible

¹³ Akhamyen gi hougsu" nyid nyid shi" we'. Nab yo nyid" khyoo: eung: ziyo' dakhyoo" ti" hau: yug nyang: koid: nau ri koid: yu baja". Akoid: nau ri we' gi bye:. Anau koid: ga: nghoid rigi Aseing gi ngilho' nyid ziyo' dakhyoo" ti" ngoo koid: wa. Myo, myang sho' dayhoeb jo, shi" we'» ga: tid.

RUTHA 3:13 交叉引用

YEREMIA 4:2

Nanu" gi nga" da" myeing lang: wigi jham' tang: zigi jo boem wa. Houg: lang" byumyu" dangain" bang: gi nyangnu" ri mainkaid byid: wa shid re" ngoo ri tid loo goo" wa. Houg: lho: nyangnu" gi ngoo ri coung" loo goo" wa» ga: tid da:.

RUTHA 4:5

Houg: lang" Bua gi hau: mougmyid ri Naomi da" lo, mo qei yu da" nyid" ri shid: loo" su: da" mid mougmyid nghoid yoomo nya: myeing abyug wa shid re" nya: yhoem: seing: myhi' Moba myiyi: cougmoo" myhi' Rutha da" lo, mo we' nang qei yu ca" wa zi nghoid» ga: tid.

RUTHA 2:20

Hau: thang: ri Naomi gi «Aseing gi Bua ri mainkaid byid: baja" O"» «Dei nyid mo, ri we' shid: jo, mo, ri we' jeju" byid: wa angheung" da" Aseing gi mainkaid byid: nyid baja"» ga: tid. Hau: lho: Naomi gi «Hau: su: gi nyhang" yo' je" jhang da" byumyu" akung: mo yha" yhoem: dakhyam" bang: nghoid» ga: nyang: ri tid kyo".

HEBRE 6:16

Byu yi gi jham, tang: go" da" uri nyang: nya: tho' moo je gyi: su: dayug yug da" myeing ri lang: lho: lhoung tang: go" ziyo' nyangnu" nyang: ngeig goo" gyang: go" da" khyoo: dangain" ri hau: jham, tang: go" dang: yo' lhoung zei: pain pyam ago".

TARHA" AGYI 8:19

Gideon gi «Nyangnu" gi nga" mang: nhung" yi nga" myhi' seing: da" yuggi zoo: yi nghoid. Re" eig yug nyangnu" ri asaid nghoid rigi ngoo re" eig yug ri asaid wa ein: ziri deing" deing jham' tang: da» ga: tid da:.

2~KORINTHU 1:23

Korinthu voo khyoo:- ngoo adoem ri loo: wa" ein: ngoo myid phyed, to" khyoo: gi-nanu" ri khyam" sa byid: noug yoomo nghoid da" khyoo:- nga" nheigloem: ri si' byid: da" mangsoo gi nga" da" sagsi" nghoid nyid.

RUTHA 3:12

Ngoo we' nang ri coug" koid: wa da" yoovoin boo su: nghoid ziyo' bidnoem seing: nghoid. Nghoid loug we' nga" tho' je jhang da" bidnoem seing: dayug nyid ashi".

YEREMIA 12:16

Goonham' dalheing: nyangnu" nga" byumyu" ri Bala yu phara" myeing lang: lho: jham' tang: nhang: ziyo' dayhang: ti" nyangnu" gi nyangnu" nheigloem: dangain" yo' Israela byumyu" da" laloem lakhoug: ri khab yu wigi ‹Aseing kangso' dei nyid› ga: jham' tang: boem nghoid ri nyangnu" gi nga" byumyu" yi mo dadu dakhyam" khyo" bo bo wigi nyid gi yab ge loo goo" wa.

RUTHA 4:6

Houg: lang" hau: mang: nhung" phoo gi «Hougsu" nghoid rigi mougmyid ri ngoo ayo" qei yu wa. Ciwim ga: ri houg: mougmyid yi nga" zoo: ri ayo" seing: yu wa nghoid yoomo nghoid. Nang dajha" qei yu we'» ga: tid.