Roma 8:3 - Lacid Common Language Bible

³ Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

Roma 8:3 交叉引用

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

HEBRE 10:14

Khasu" wim gari nyang: gi to' byid: da" xoin" daja: yo' za: ced" yung" ced" shang: yu zi shau" bye: mo, ri Pyaid' didu mo shid re" joeb, byeung" nhang: bye.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

Roma 6:6

Hau: tho' moo gootu: ngoonu" da" byu xoug" nheigloem: ri Khristu yo" dage" pyang" zeing moo baid jen" said' pyam' nhang: bye: da" khyoo: - hidsu" baid jen" said' pyam' nhang: da" khyoo: gi yooboo da" yoem: so' da" byuxoug" nheigloem: ri phyo' koid pyam' khyo" wigi yooboo join pyaid mo lhoid' byoin loo" nhang: wa zi nghoid da" khyoo: ngoonu" se boem.

GALATI 3:21

Hougsu" wigi toung: to" da" tarha" gi Mangso da" dang: soo" khoin" joem yo' adu goo" ein: tid nau la". Hougsu" anghoid o"- Khasu" wim gari kangso' yo" dei loo nhang: da" tung: to" tarha" ri xangsu: byu yi yo" yu to" nghoid boem rigi nyangnu" hau" tarha" ri cang pyeing" yoomo Mangsoo shid moo yo" deing byeung" loo" goo" wa.

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

Roma 3:20

Tarha" ri cang lo" khyo" - hang" we' Mangso: da" shid' khoin" moo deingbyeing" jang" moo ayo" ju. Tarha" gi - nyang: nyang: shoid' da" yooboo ri nyang: nyang: si wa shid' re" nghoid.

HEBRE 2:14

Nya: zoo: yi ga: nyang: nyangnu" ri myheung byid: ziyo' dakhyoo" ti"- suid" shoo" kham: voin, da" byu yi nghoid ago- Yesu nyang: we' suid" shoo" kham: voin, da" xang: su: byugung re" kham: yu bye. Hougsu" kham: yu khyoo: gi shid: loo" no lo" da" khyoo: ri vhoeb khang" nyid da- yu join: da" yoem: vho" ri lhu: phyo' lhu: shoin, pyam byid: wa shid re" nghoid nyid.

PHILIPI 2:7

Hougsu" koid wa gung khoo:- nyang: nya: kang: lung bu, ziyo' dakhyoo" ti"- Nyang: nya: yoo" moo yoo" ri tu: mhoug pyam' kho' lho: join, mhug ri re" zhoung" yu wigi xangsu: byu yo' du sho' bue" thu' loo bye.

HEBRE 10:12

Khristu koem gi youg: noo yooboo ri khyoid pyam byid: wa shid' mo pyaid didu moo akyu" bo da' xoin" daja: yo' za: bain to' byid: pyam' thang: ri Mangso lo, yo shoid moo lo" zhoung: jo, bye.

HEBRE 4:15

Khasu" wim gari ngoonu" da" khainjung agyi moo" gi ngoonu" ca" nyid da" gung nham, yoem: nu: khyoo: ri nheig ase' khyeig su: anghoid- ngoonu" yhang: ti"- khyoo: khaid khang" moo" moo gung" lau" thoung" shau" yu" nghoid loug we' youg: noo yooboo akoid yu" da" khainjung moo" nghoid.

HEBRE 2:17

Hougsu" nghoid yoomo nyang: gi byu yi da" yooboo ri yo" khyoid pyam byid: wa shid re" nheig se' khyeug deung byeung" da" khainjung moo" bue" lo khyo" Mangsoo moozoo" ri yo" voin, vu, baja"- khyoo: khaid zoo: khang" moo" moo Nya: mang: nya: nhung" yi thoung" shau" zo: nyid da" khyoo: ri nyangnu" yo' dage" bo shau" kham zoo: bye.

Roma 9:3

Ngoonu" da" akyu" shid' re" - ngoo gi Mangso: da" nheing" myeing" ri we' - Khristu mo gang: goo" nau da" nheigloem: bo.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 9:24

Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.

MARKU 15:27

Houg: su" wigi-nyangnu" gi nyang yo' dage" khyangtoug: eig yug ri we'-nya: lo, yo shoid khyoo: dayug lo, koung" shoid, khyoo: dayug pyang" zeing moo jen" tab to" boem.

GYUNG: SOO" 28:22

Coidbaid loo: dadu: ri we' yooboo khyoid xoin" khyo" shugbyid: ge'. Hid: su" khyo" byumyu" yi shid re" laloem lakhoug khyo" younglho' khyoo: koid ca" da:.

Roma 7:18

Xangsu: byu nghoid da" ngoo moo ge da" moo" ri yo" zei: wa da" yoem: so' abo zi ngoo se'. Khasu" wim ga ri ngoo moo ge da" moo" ri zei wa da" amyeing" boo nghoid loug we' yo" zei: wa yoem: so' aboo.

GYUNG: SOO" 21:9

Houg: yoomo Moshe gi gyid: mid" lhangmyu koid wigi zeing phyoo" moo hau: ziri tab too" bye:. Lhangmyu thei" byid: da" yugkhang" moo" hau: gyid: mid" lhangmyu lhoo: ri yu" wigi ge lo" boem ago".