Roma 3:4 - Lacid Common Language Bible

⁴ Gyeing" ga: rigi houg: su" ayo" tid. Byu yug khang" moo" mhoug nghoid loug we' - Mangsoo: gi deingmain" wa zi nghoid. Jhoem: mungdang: moo- nang tid to" dang: gi deing byeung" loo wa. Tarha" dang: phyed nyid" ri nang za: oung: loo" wa.- ga: lhid" to" ziyo' dakhyoo" ti" nghoid.

Roma 3:4 交叉引用

COUNG" NGHEI 51:4

Ngoo gi nang ri yooboo koid shoid bye:- nang ri za: shoid bye:. Nang myid yu" da" akhyeing" ashoeb khyoo: ri ngoo zei: shoid pyam bye:. Houg: yoomo ngoo ri tarha" dang: phyed khyoo: moo nang gi deungbyeung" nyid da:.

COUNG" NGHEI 116:11

Ngoo gyoug ci zi shoug" nyid yoomo loem ge" byu dayug we' anyid, ein: tid uri we' ngoo loem khau: nyid.

GALATI 2:17

Hougsu" nghoid yoomo ngoonu" gi Khristu yo' dadeing: daloem: za: bue" loo bye: khyo" Mangso shid moo yo" deing byeung" loo baja"- ein: yoem: kaid jang" moo ngoonu" nyang: we' tungbau byumyu" yi yhang: ti"- yooboo yoo" mo, nghoid khyoo: bang thu' lo rigi Khristu nyang: yoobo da" moozoo" ri voin, vu, nyid su: nghoid ein: yo" tid wa la". Kha: khyo" we' age tid.

HEBRE 6:18

Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

TARHA" TID POIN" 32:4

Aseing gi nanu" da" myhang: thang da" goem loem yu su: nghoid. Nyang: gi khyoo: khaid khang" moo" mo joeb byeung" ziyo' tarha" nyeung veung" da:. Nanu" Mangsoo gi jhug zug ziyo' deingmain" da:. Nyang: gi jo ziyo' tarha" ziri koid da:.

YOBA 36:3

Nga" lasi phajhi" gi gyi: sheung: da:. Nga" phain" so: su: Mangsoo gi deingmain" ziri ci: shug wa shid re" ngoo se' ziri ci: yhung: wa

YOHAN 3:33

Nghoid loug we' nya: da" mungdang: ri kham: yu su: koem gi Mangsoo gideing main" su: nghoid khyoo: ri lhoem: kham: yu khyo" geing: teing nhang: su nghoid.

COUNG" NGHEI 119:160

Re" da" tarha" akang gi deingmain" da" khyoo: nghoid- re deingmain" da" tarha" dang: phyed khyoo: dangain" gi apyaid atoo: moo: dageung: teung jo,.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

Roma 9:14

Houg: su" koid' da' khyoo: ri Mangsoo: gi - atarha" ein yo" tid wa la". Ce: khyo" we' hougsu" ayo" tid.

COUNG" NGHEI 138:2

Ngoo gi re" da" gyeung" shang: Noku Yhoem: Moo" khyoo: myonhoo: shu"- goeb, pid lho: nang nheig khyeug shoo" myen: khyoo: jeju" boin: coung" nyid wa nghoid. Khasu" wim ga: ri re" myeing khyang" yo' re" da" amyeing" dang: gi dangain" tho' moo: je gyi: je nghoid thang nyid.

MIKHA 7:20

Nang gi goonham' gooco' ayo, mo wigi ngoonu" da" phoug" phyid" bi" ri dangsoo" too" bye: ziyo' dakhyoo" ti" Abraham yo' Yaku da" amyed ashen yi nghoid da" re" byumyu" yiri re" da" nheigloem: zung" khyoo: yo' geung: teing da" jhed khyeing: kang: khyeing: ri toin" shed wa zi nghoid.

COUNG" NGHEI 100:5

Aseing gi su: nghoid wigi nya: jheddab da" emyed gi pyaid moo: too moo dajo, jo, ziyo' Nya: da" nheigloem: zung" khyoo: we' byu ngoug xiyam: moo: dageung: jo, o".

1YOHAN 5:10

Houg: su" nghoid yoomo Mangso nya: zoo: ri loem" jeing" bang: hang" Nghoid loug we' he: da" sagsi: kham, dang: ri nya: nheugloem: ung: khoug: moo xoem" to. Nghoid loug mangsoo ri aloem" ajeung" bang: hang" nghoid loug we' nya: zo: khyoo: mangsoo nyang: sag si: kham, byid: ziri aloem" jeing" yoomo Mangsoo gi mhoug su nghoid ga: jho: boem ago".

GALATI 2:21

Ngoo gi Mangso jeju" ri he: ngeug pyam wa zi gyo: nyid su: anghoid- Khasu" wim gari byu yi gi toung: to" da" tarha" yo' Mangso shid khoin" moo yo" deing byeung" lo" nghoid rigi Khristu gi amyed aji moo akoem: za: te: shid: kham: pyam bye.

Roma 6:15

Hougsu" nghoid yoomo ngoonu" gi Moshe da tarha" vhoo moo anyid loo yoomo ngoonu" gi ciwim yooboo koid' shi" wa go" la". Hougsu" koid' wa shid' re" dangkang: ajo, loo.

Roma 3:31

Hougsu" nghoid ri ngoo nu" gi loem" jeung" khyoo: khyo" tarha" ri she: lhei" pyam boem wa la". Ashe: lhei" tarha" ri je geing: teing nhang: wa khyoo: nghoid.

MATHE 11:19

Byu da" nya: zoo: gi zo: shug lho: re" ri we ‹Yu" ge, he: yug gi zo: myo, no su:- zabyidd" shug lid: su: nghoid- Kheing" khyu: zoo: mo, yo' yooboo yoo" mo, da" bidnoem phoo nghoid› ga: doem tid ago". Nghoidsho' loug Mangso da" phajhi"- deung main" khyoo: rigi Hau: phajhi" zei: thu' lo da:- nya: ashi" yo" sagsi: toin" shid' nyid» ga: tid.

YOBA 40:8

Nang gi ngoo ri shoid ga: wigi nang nyang: gi jo ga: khyo" too" wa shid re" ngoo ri atarha" ein: sagse: ci: shug byid: wa soin' nyid rhe".

GALATI 6:14

Ngoo koem gi ngoonu" da" Aseing Yesu Khristu da" pyang" zeing mo goo tu:- ce: noem khyoo: moo we' myonhoo: sho: phau: khuang jang: ajo- Khasu" wim gari nya: pyang" zeing yoomo he: moug myid gi nga" shid mo shid: mang bue" byug wigi ngoo we' he: mougmyid shid re" shid: mang bue" byug bye.

Roma 11:1

Hougsu" nghoid yoomo - ngoo gi myid kaid' bye. Mangsoo: gi nya: da byumyu" ri she: lhei" pyam' bye: la". Gyeing" nyang: ashe: pyam. Ngoo nya: gung du: nyang: lang" Israela byumyu" dayug nghoid nyid. Ngoo gi Abraham mo ko' gyoo" loo su Benyamin kung: moo boo su" dayug nghoid.

COUNG" NGHEI 62:9

Xangsu: byu yi dangain" gi- so, thid she: da" lid ti" za: date: nghoid nyid boem. Gye" nghoid ga: su: yo' nge nyhoem: jo, su: we' dakhyoo" te" ce" phoug" we' adab. Nyangnu" ri jang mo leug yu" uri nyangnu" ce: jang myo, we' anang: boem. Nyangnu" gi so, thid she: da" lid tho' ri soem" tang" lhang" nghoid nyid boem.

2~KORINTHU 1:18

Gyeung" nyang: Mangsoo gi deungmain" khyoo: ri tid nyid ziyo' dakhyoo" ti"- ngoo nanu" ri byid: da" dang: theung khoin" we'-nghoid zi' anghoid zi lhu: lheug da" dang: bya: gi anghoid.

Roma 11:11

Hougsu" nghoid yoomo - Yuda byumyu" yi gi - Mangso: mungdang: ri she: pyam' boem lho: - apyaid' atoo: soem" joem: shid: lo" boem bye la". ein: ngoo myid nau. Khasu" nghoid loug asoem" ajoem: loo" wa. Nyanu" yooboo shoid' nyid yoomo tungbau byumyu" yi gi khyoid' yu shau" lo. Hidsu" bue" loo yoomo Yuda byumyu" yi gi tungbau byumyu" yi ri - noo" zo: nheigloem: bolo boem.

Roma 7:7

Hougsu" nghoid rigi ngoonu" khasu" ein: tid boem wa lha". Moshe da" tarha" gi yoobo da" tarha" ein: wa la". Hougsu" age tid. Nghoidloug we' yooboo ga: zi ri Moshe tarha" wigi ngoori si nhang:. Gyeing" nyang: Moshe da" tarha" gi myo no, vhoo: age boo ga: atid' to" nghoid rigi myo no, vhoo: bo ga: zi ci: nghoid zi ngoo si wa zi anghoid.

Roma 6:2

Hougsu" anghoid o"- yooboo yoomo ngoonu" bain shid: bye: mo ngoonu" gi khasu" wigi yooboo khoug: moo daloung" jo, shi" wa la".

LUKA 20:16

Nyang: gi re" lho: houg: bang: dangain" ri bain said pyam wigi zabyid khyam: ri we' byu gooji ri nghoo" byid: pyam wa ga: tid. Hau: da" dang: ri shaug" gyoo: boem lang" byu yi gi hid: su" age koid ga: tid boem.

Roma 7:13

Hougsu" nghoid ri gye ge da" zi gi ngoonu" ri ciwim shid: nhang: la". Ashid: nhang: nghoid da: - ngoori shid: loo" nhang: zi gi yooboo nghoid da. Yooboo gi shid: lo" khyoo: ri kang kaid' lho: - agung yab shug loo nhang: wa shid' re" ge da" tarha" ri ci: lho: ngoori shid: nhang: da" khyoo: za nghoid. Hougsu" nghoid yoomo yoobo gi khayhi' gyoug ge da" khyoo: ri Moshe tarha" wigi toin" shid' nyid.

1Korinthians 6:15

Nanu" da" gung doem: joem gi-Khristu da" gung doem mo akung: ako'' joem nghoid ziri- nanu" si' go" la" Hougsu" nghoid ri Khristu da" ako' dakung: ri khyu, yu lho: shava myhi' da" akung: ako'' moo: xo' loo" nhang: wa la" Hougsu" we' age bui" wa.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.