PHAJHI" DANG: 4:1 - Lacid Common Language Bible

¹ Houg: lho: ngoo gi he: mougmyid tho' moo xo' lho: bue" nyid da" tarha" adain: ziri myang bye:. Doin: zeig zoo: shoug" bang: gi nyho: ngau nyid ago". Nghoid loug we' nyangnu" ri hang" anau pang" nghoid ago". Ciwim gari nyangnu" ri doin zeig zoo: mo, gi yoem: so' yoo" bang: nghoid ago".

PHAJHI" DANG: 4:1 交叉引用

PHAJHI" DANG: 3:16

Hau: tho' agoo"- he: mougmyid dang moo tarha" ziyo' jo zi shau" myang wa da" khoo: moo akhyeing" ashoeb da" khyoo: shau" myang ziri ngoo xoem" ci:.

PHAJHI" DANG: 5:8

Asuya wigi myung shoo" mo, ri doin: zeig lho: nyangnu" shid re" tarha" deing byeung" ziyo' nyangnu" yoo" eung: da" akho: akhang" ri abyid: ziri shau" myang ri ayu" moug". Gyizoug: khang" moo" ri nya: dang mo su: wigi goem loem byid: lho: nya: eig yug goin" ri je gyi: da" zoug: wigi goem loem byid: to" ago".

ESAIA 5:7

Israela gi myhang: thang Aseing da" zabyid khyam: nghoid da:. Yuda byu yigi nyang: sho" to" da" zabyid nei nghoid da:. Nyangnu" ge da moo" zei: wa ziri nyang: myid lang" da:. Nghoid loug we' hau: gungthid nyangnu" gi byu said moo" koid ago". Nyangnu" jo zi koid wa ziri nyang: myid lang" da:. Nghoid loug we' nyangnu" dam kham zoo: bang: gi tarha" deing byeung" ziri mho'’ yoid nyid ago".

YAKU 5:4

Nanu" gi nanu" nya: da" tung yoo yoothung" joem moo moo" zei: nyid da" byu yi gi ce" vhu" kung: phoug" we' ashang" kaid boem. Nyang: nu" nheig yoo: nheig jhug nyho: nyid thui: ri tam" gyo: yu" ge'. Nanu" da" shivoo: shiloem, shung: byid: nyid mo da" thui: gi athang agoin da" yoem: moo" bo da" Aseing: Mangso nukhyab' moo khyang: vang loo" bye.

MATHE 26:56

Nghoidloug we' he: moo" dangain" bue" loo zigi jhoem: pug moo lapi: yi lhid" to" ziyo' dakhyoo ti" deing byeung" loo wa shid re" bue" lo zi nghoid» ga: tid. Hau: uri nyang: nya: cangzoo: yi dangain" mo, myeung: too" khare" lho: phang: sain" lo" byug boem bye.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

NGOUG JI: 1:9

Nya: da" ayoung" ashang: khyoo: ri lei lei yo" myang. Nghoid loug we' nyang: gi: nya: vhu" pi: lo, kyo' shid re" loem zoo: wa khyoo: ri cishu: anhang: nghoid da:. Nyang: leung gyo" lo" da" khyoo: gi yu" gyoug yu" lhoung: khyoo: nghoid nyid. Nyang: ri hang" we' nheig ayo" teing byid. Nya: gyivoo joem gi nyang: ri oung: pyam yoomo nyang: gi Aseing jhang khyoo: nheig khyeug shoomyen: byid: shi" wa shid re" yoid ngau nyid abye:.

NGOUG JI: 1:2

Nyang: gi damyen, goin" ngau, nyid. Ngoug byid gi nya: booloid moo: yau gyo" loo bye:. Xang: shi" mo nya: byencang" yi we' nyang: ri nheig teing zi dayug we' aboo loo. Nyang: yo' zoem" khau: lo da" bidnoem yigi nyang: ri ngeug he: pyam boem lho: akhid" dangain" mo, nyang: ri thougtheung lo boem bye:.

ESAIA 51:23

Ngoo gi hau: ziri nanu" ri doin: zeig zoo: bang: Fu" moo" khyoo: moo nanu" ri leung gyoo" loo" nhang: bang: nanu" ri pheilhoug: yhang: ti" nang: nhe" pyam bang: ri byid: wa» ga: zi nghoid.

COUNG" NGHEI 42:9

Nang gi ci yoomo ngoo ri to" myhed pyam nyid lha". Nga" gyivoo joem akhyeung" da" khyoo: mo ngoo gi ci yoomo xo' phu" zoo: ca" wa lha" ein: wigi nga" da" goem loem Mangsoo ri ngoo myid: bye:.

COUNG" NGHEI 42:3

Ngoo gi nyid" ri myen" ri dangau nyid. Houg: yoomo ngoug byid gi nga" da" zoo: noem bue" nyid. «Re" da" Mangsoo khayoo: nyid la"» ga: wigi nga" gyivoo joem gi ayo, khang" moo ngoo ri damyed: nyid boem.

COUNG" NGHEI 12:5

Aseing gi «Nghoid loug we' akhid" ngoo re" loo wa. Khasu" wim ga: ri ca" yo' sho" jhen: mo, doin: zeug zi shoug" ziyo shen" yhen zi shoug" nyid yoomo nookyeing" kyeung" nyid boem. Nyangnu" vho: nyid da" lhoug zung" shoem" goem khyoo: ri ngoo byid: wa» ga: tid nyid.

YOBA 35:9

Byu yi doin zeig zoo: shoug" uri nyangnu" noo kyeing" kyeing" ago" Nyangnu" gi nyangnu" ri khyoid yu wa shid re" byu dayug yug ri mho' yoid ago".

ESAIA 59:7

Nanu" gi khanham we' akhyeing" da" moo" daja: ja: ri koid wigi nanu" hau: ziri koid wa atheing: loo: lang" nyid ago". Nanu" gi khanham we' ce: yooboo abo da" bang: ri said wa hain: bang: nghoid. Nanu" yhe: da" joyoo khang" moo" moo byo, yoin" ziyo' phyo' soin' khyoo: za: teing too" kho' da:.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

MALAKHI 2:13

Nanu" koid da" moo" zoo" gootu: daja: gi nanu" to' byid: da" xoin" ri Aseing gi akham: yu byid: yoomo nanu" gi ngoug khyang" fang" ziyo' ngoug byid: thu nhang: wigi Aseing da" phoin: moo jhu' loo" nhang: bye:.

PHAJHI" DANG: 7:7

Phajhi' boo su: dayug gi byu dayug yug ri mhoug wa uri nyang: gi koopyoid yhang: ti" koid ci: da:. Nang khougvhoid ri yu nghoid rigi re" da avoid lo, moo" ri byo, yoin" loo" nhang: wa.

DANG: ZHOEM 28:3

Sho" jhen: mo, ri doin: zeig zo: nyid da" zoug: yigi shivoo: gug shi" ri baid sain" pyam, nyid da" moug: moo" yu: yo' du nyid.

COUNG" NGHEI 142:4

Nga" lo, qei: lo, yoo khyoo: yu" kaid ri ngoo ri pang" thoug wa su:- dayug we' amyang. Ngoo ri goem loem byid: wa su: dayug we' anyid: ziri: ngoo myang- ngoo ri yu" coung: su: dayug we' anyid.

COUNG" NGHEI 80:5

Nang gi ngoonu" ri koug shu" ziri zoo: noem ti" byid: zho" wigi ngoug byid ri khu zeing mo kaid jhoug nyid da:.

COUNG" NGHEI 69:20

Aphoug" akhyoid koid da" khyoo: gi nga" nheigloem: thang bye:. Nheug se' khyeug da" byu ri ngoo nheug byu lang" nyid. Nghoid loug dayug we' anyid. Nheug teing ung: teing byid: wa shid re" nheug byu lang" nyid nghoid loug we' ngoo hang" ri we' amyang.

YOBA 16:4

Nang nga" joyoo moo nyid wigi ngoo re" joyoo moo nyid nghoid rigi Nang tid nyid dang: ngoo dangain" yo" tid wa. Ngoo gi phajhi" boo boo za: nga" vhu" pyi: pyi: lho: nang ri dang: khoin" joem wigi yo" tid zeig pyam wa.

YOBA 6:29

Nanu" sung lid abye:. Atarha" ziri theing: too" loo ge'. Ngoo ri yooboo abyid: goo". Ngoo gi deungmain" nyid.

TARHA" AGYI 4:3

Yabin gi joto' gyi myang: rheing" gau: shoo: yo" da:. Nyang: gi Israela byumyu" yiri zain loem: eig xi: nyang: gye" thain: da" khyo" athoug" akhyoug: vhoeb da:. Hau: thang: Israela byumyu" yigi Aseing ri pang" thoug yu wa shid re" yoid mho' ago".

TARHA" TID POIN" 28:48

Hougsu" yoomo nanu" gi nanu" ri thougtheung wa shid re" Aseing wigi nhang: kaid wa gyivoo yiri yhe: dei byid: ca" wa zi nghoid. Nanu" gi voem yoid gyid shid ziyo' shoo" cen: doem: nyid wa zi nghoid. Ja: khang" moo" ca" goo" wa. Aseing gi nanu" ri nanu" joem: loo" sho' anoug akhyoid yhen' wa zi nghoid.

TARHA" TID POIN" 28:33

Tungbau byu damyu" gi nanu" gye" yoem: kaid wigi sho" to" da" gugshi" meishi" dangain" ziri yu pyam byid: wa. Nanu" nyang: gi ci: ashau" yu wa. Nghoid loug we' ayo, byeung" sho' moo doin: zeig ziyo' anoug akhyoid koid zi shau" boem wa.

THU' LO" MOUGSOUG" 1:22

Lo" thang moo khokham phoo gi nya: mung" byu dangain" mo, ri «Hebre zoonu" yuggi zoo: yugkhang" moo" ri shu" yu lho: Nila gyid lang khoug: khyoo: yhe: she: pyam zei kaid we'. Nghoid loug we' myiyi: nu" dangain" rigi dei nyid nhang: too" ge'» ga: amyeing" daloem: khyo' kaid da:.

THU' LO" MOUGSOUG" 1:16

Nyang: gi «Re" eig yug Hebre myiyi: yiri zoonu" pang" khu: byid: lang" yuggi nu" nghoid rigi hau: zoonu" ri said pyam ge'. Nghoid loug we' myiyi: nu" nghoid rigi teing too" ge'» ga: nya: tang: ri tid da:.

DANG: ZHOEM 19:7

Sho" jhen: su: rigi nya: mang: nya nhung" yi lang" cishu: anhang: nghoid nyid ago- nyangnu" bidnoem ayo" zigi ce: moug" cang aboo. Nyangnu" khayhi' yoem: kaid loug bidnoem age yoo.

PHAJHI" DANG: 8:9

Mougmyid tho' moo koid nyid da" khyoo: joem ri ngoo myid yu" uri hau: gu: dangain" ri ngoo shau" myang. Mougmyid tho' mo byu dayham" gi yoem: so' yo" wigi dayham" gi nyangnu" da" vhoo moo kyi" khyeug yo' kham zo: nyid da:.

YEREMIA 16:7

Jheddab da" byu dayug shid: lo" ri nyangnu" nheig teing byid: wa shid re" nyang: yo' hang" ci: azoo: ashug goo" wa. Hang" we' nheig khyeug seing" no zi aci: shug goo" wa. Nya: myhi' yo' nya: phoo tang: shid: byug da" su: shid re" lang" nheig khyeug khyoo: aci: shug byid: wa.

NGOUG JI: 1:16

Houg: yoomo ngoo ngau wigi nga" myojid" mo ngoug byid byeung" shoin: yau gyo" nyid. Hang" we' ngoo ri nheing teung lho: yoem: ayo" lung: byid:. Gyivoo joem gi ngoo ri oung: pyam bye:. Nga" byumyu" yigi ci" we' ayoo" loo.

YOBA 9:24

Mangsoo gi akhyeing" bang: lo, moo mougmyid ri ab byid: da:. Nyang: gi tarha" agyi dangain" ri myo, jid nhang: da:. Houg: lho: hau ziri Mangsoo akoid ri hang" koid la".

COUNG" NGHEI 69:21

Ngoo zooyoid nyid uri nyangnu" gi ngoo ri myoono, byid: zho" ago". Ngoo gyid shed nyid uri nyangnu" ngoo ri gyid jhen: yeung byid: jhoug ago".

COUNG" NGHEI 142:5

Aseing we"- pang" thoug wa shid re" ngoo nang ri mho' yoid ngau, nyid Aseing nang gi nga" goem loem su: yo' nang kyeing" za: he: pyaid goin" moo ngoo vho: yhouggyen: nyid su: nghoid.

DANG: ZHOEM 29:2

Deingmain" da" Khokham toin" shed yu" ge'- nanu" ri ngoo ngei pyo: nyid da" mung" byu yi toin" shed ba- akhyeing" ashoeb, da" zoug: ngoo ri toin" shed ge'- koug shu: nyid da" mung" byu yi ngoo toin" shed wa.

NGOUG JI: 1:17

Ngoo gi nga" lo, ri yhoin" kaid nghoid loug we' ngoo ri: hang" we' pang" yu zi anghoid. Aseing gi nga" shoid zoo: shoid zeing khyoo: gyivoo joem ri khe: kaid byid: bye:. Nyangnu" gi ngoo ri aco' ajhoid da" ziri yhang: ti" zoem" kau boem.

AMO 3:9

Egutu yo' Ashdod khokham khoo" vang khoug: moo nyid mo, ri tid fu" we'. «Samari bouggung joem tho' moo phung: foem: lho: houg: moo abyoo asain" wim jo, ziyo' youg: noo yooboo moo" shoid vhang: nyid ziri yu" ge'».

AMO 3:10

Aseing tid zigi «He: byumyu" yigi youg: moo" yo' athoug" akhyoug: khyo" lhoid yu da" zi joem ri nyangnu" da" yhoem: moo" joem moo kaid pyeung to" ago". Nyangnu" gi khasu" yo" deingmain" wa zi lang" atho' si' loo nghoid da:.