Pang Shug 7:17 - Lacid Common Language Bible

¹⁷ Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.

Pang Shug 7:17 交叉引用

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

YOHAN 4:11

Hau: myiyi: gi ‹‹Aseing: we" gyid thung" gi gye no,- Aseing: nang gyid pung" we' aci:- nang khayo kangso' gyid se' yoo" wa lha".»

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 21:4

Nyang: gi nyangnu" da" myojid" mo ngoug byid' thu' moo thu' ri soid' pyam byid: wa nghoid. Hau: jang" moo gi shid: zi no, zi koug shu: da" khyoo: yo' ngoug myeing" shu: thui: khanham we' ajo, loo. Axau" gu: gi bei: lo" byug bye, ga: tid nyid ziri ngoo shau" gyo.

COUNG" NGHEI 23:5

Gyivoo joem dangain" mo, yo" myang da" joyoo moo- nang gi nga" shid re" zo: shug jang: nyeung to". Nang gi ngoo ri myonhoo: bo da" being" voo ri yhang: ti" pang" thoug yu lho: nga" shug goem moo: byeung shoin: sho' kaid byid nyid.

Pang Shug 21:6

Hau: lho: nyang: doem, tid zigi Hau: gu: gi bain koid bye"- ngoo gi xang: shed" mo su: yo' thang: thang mo su- gam shid" shi: su: yo' gam thang: theing su: we' nghoid- gyid shed' su: ri hau" kangso' gyid ' bug moo shug gyid ri aphoug" amho, loo: za: ngoo byid: wa zi nghoid.

YOHAN 10:11

Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YEREMIA 2:13

Ciwim gari nga" byumyu" yigi yooboo eig ja: shoid abye: go". Nyangnu" gi kangso' gyid bug gyid gyeing: nghoid da" ngoo mo lheing: phug lo" da:. Gyid ayo" deing jo, da" gyid teing thoem"- jo, gyam: byug da" gyid teing thoem" joem ri du: ago".

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

Pang Shug 5:6

Hau: thang: ri yang nu" dadu: gi dei noem, gougnyhoug myid: ja: yo' Ludaid yi khyam, lheung to" da" zhung: tang mo agung moo yab, jo, ziri ngoo myang- said' pyam' shau" bye: da" yang nu" yo' du nyid da- nyang: moo khyoug: nyhed khyoug: yo' myojid" nyhed loem: dab. Hau: zigi mougmyid gyab, goin" jang" khyoo:- nhang: kaid' da" Mangso venyi nyhed yug nghoid.

MATHE 2:6

‹Yuda mung" mo nang Bedlehem we"- Yuda voogung yi tho' moo Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi nang mo thu' loo wa ga: wigi nyang: ri tid kyo" boem.›»

ESAIA 12:3

Gyid jham" gi gyid shed yug ri ngei pyoo: nhang: ziyo' dayhang: ti" Mangso wigi nyangnu" ri khyoid yu da" uri nya: byumyu" yi we' ngei pyo: ago"» ga: jikhoin" khoin" wa.

COUNG" NGHEI 28:9

Aseing we" re" byu phung: yiri khyoid yu lho: nang seung: ci: mo, ri mainkaid jeju" byid: we'. Nyangnu" ri yang lhoug su: yhang: ti" pyaid didu moo: yu" lhoug zung" byid: nyid we'.

MIKHA 5:4

Nyang: ju" ri" lang" nyang: gi Aseing jang" mo yo" yu da" yoem: vhoo" yo' Aseing Mangsoo nyang: nya: da" yoem: so' moo" yo' nya: byumyu" yiri vhoebkhang" loo wa zi nghoid. Moug: gyab goin" mo byumyu" dangain" bang: gi nya: gyi myang: khyoo: ri boin loo wa yoomo nya: byumyu" yi gau: nyu: za: shoug" nyid wa nghoid wigi

ESAIA 60:20

Re" gyoug ngau da" bidnyid joem gi thang lo" byug wa. Ngoo Aseing gi re" apyaid atoo: bidbang nghoid wigi Bid yo' lhammoo" tho' je myang jo, jo, wa.

ESAIA 49:9

Ngoo gi thung: byu yiri ‹Loid byoin loo" ge'› ein: tid lho: moug: coid khoug: moo nyid bang: ri ‹Bid bang khyoo: thu ri" ge'› ein: tid wa. Nyangnu" gi bouggung moo mhain" lham" zo: nyid da" yang joem yhang: ti" nghoid loo wa.

ESAIA 35:10

Nyangnu" gi Yerusalem khyoo: ngei pyo: ziyo' jikhoin" khoin" lho: gau yi wigi nyho: lho: ju" loo wa. Nyangnu" gi apyaid atoo: moo ngei pyo: yug yoo loo goo" wa. Nheig koug ziyo' koug ngau zi apyaid atoo: moo ajo, loo wa.

ESAIA 30:19

Yerusalem moo nyid boem da" byumyu" yi nanu" gi khanham we' akug ngau loo goo” wa. Aseing gi nheig khyeug myid boo su: nghoid yoomo pang" thoug yu wa nanu" mho' yoid lo uri nyang: nanu" ri tu" byid: wa.

ESAIA 25:6

Myhang: thang Aseing gi mougmyid dang mo byumyu" dangain" shid re" zoo: noem gi zabyid yhid: gi yo' he: Ziun boem tho' moo zooshug pui" zeing daloem: soin' too" wa.

Pang Shug 4:11

Ngoonu" da" Aseing: yo' Mangso- Nang gi jo, moo jo, ri phain" so: to" lho: wigi hau: gu: dangain" ri nang nyang: myid vho: khyo" dajo, jo, nhang: ziyo' kangso' dei nyid boem nhang: yoomo Nang gi phung" yoeb, myonhoo: yo" lho: phoug" tab ngi shab, byid: da" myonhoo: yoo" moin: nyid o"- ga: coung" nghei nyid boem ago".

1PETERU 5:2

Mangso da" yang phung: ri Mangsoo nanu" ri koid nhang: nau ziyo' dakhyoo" ti"- yu" coung goin, zung" lhug nyid ge, anoug akhyoid' khyo" akoid loo: za: nu" nham, vho: ngei da" myid' yo' koid nyi ge'- La, ga, nyho, khyo" anghoid loo: za: zhoo: gyi: zei: nau, khyo" gau yi ngei pyo: ziyo' zei: so' vhoin, wu, nyid ge'.

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

MIKHA 7:14

Aseing we"- nang nyang: khyen: yu to" da" re" byumyu" yi moo yang zung" su: bue" nyid we'. Nyangnu" gi siyoo dain" pyoid khung" moo yhe: nyid yen" boem nghoid loug we' nyangnu" da" ayam aqei: moo myid xu: ge da" mougmyid lheung khoem to". Nyangnu" ri goonham' gooco' pyaid mo wigi koid lo boem ziyo' dakhyoo" ti" Bashan yo' Gilead mo ge da" mhain" nu" yoo moo nyangnu" ri yhe: lham" zoo: nhang: we'.

YEREMIA 31:9

Nga" byumyu" yigi ngoo nyangnu" ri shu" tau" lo uri ngau zoo" re akyu" mho' wigi tau" loo goo" wa. Ngoo gi nyangnu" ri gyid zoo: gyung: khyo" nyangnu" khyid: vhu" azang" thung" wa da" khyoo: dam khyo" shu" yhi: wa. Ngoo gi Israela da" nya: phoo nghoid wigi Ephrim gi nga" zooshid" yuggi zoo: nghoid da» ga: tid.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

COUNG" NGHEI 22:26

Sho" jhen mo, gi gyi" gyi: shoug" zo: boem wa. Aseing jhang khyoo: yu: tain" ri" mo, gi nyang: ri coung" ngei boem wa zi nghoid. Houg: bang: gi khanham we' yoo" zoo: yo" shoug nyid boem baja".

ESAIA 30:25

Nanu" da" gyivoo yi da" gyidab joem seing: yu shau" wigi nyangnu" byu yiri said pyam shau" da" bidnyid moo boem khang" moo"- bouggung khang" moo" mo gyid gyung: zoo: joem yau: thu loo wa.

ESAIA 51:11

Nang wigi khyoid yu too" bang: gi Yerusalem khyoo: ngei: pyo: ziyo' jikhoin" khoin" ziyo' gau wigi nyho: zoo" ri ju" loo" goo" wa. Nyangnu" gi apyaid atoo: moo ngei pyo: loo goo" wa. Apyaid atoo: moo nheig koug ziyo' koug ngau zi loid byoin loo goo" wa.

ESAIA 65:19

Yerusalem yo' nya: byumyu" yi yoomo ngoo nyang: we' ngei pyo: khyoo: byeung" jo, wa. Hougmoo ngau ga: zi ajo, wa. Pang" thug mho' ga: zi ajo, wa.

MATHE 5:4

«Koug shu: shau" mo, gi ngilho' boem wa Khasu" wim gari Mangsoo nyanu" nyang: ri nheig teing byid: zi shau" boem wa.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

Pang Shug 14:4

Houg: bang: gi myi: yi: yi yo' gung shoo" zoem" go" khyoo: akoid loo: sho' nyang: nya: gung ri zeung: kham' nyid mo, zoolu: gyeing" yi zheung: nghoid wigi yang nu" yhe: lo" da" joyoo khang" moo khyoo: yo" bo cang yhi: mo, nghoid- nyangnu" gideung nyid da" xang: su" byu yi dangain" khoug: mo khyen: khyoid yu zi shau" mo, nghoid boem yoomo Phoo, Mangsoo yo' yang nu" shid re" xang: shed" xoin" ngei" byid: zi shau" mo, nghoid ago".

Pang Shug 21:22

Hau" voogung khoug: moo gi noku yhoem: moo" ri ngoo amyang- Khasu" wim gari yoem: moo" bo da" Aseing: Mangso yo' Yang nu" gi hau" voogung mo noku yhoem moo" nghoid nyid.

Pang Shug 21:23

Hau" voo gung moo doug bang wa shid re" bid we' lham" moo" we' aca" loo. Khasu" wim gari Mangso da" myonhoo: phung" yoeb, gi hau: voogung ri thoin" pang byid: nyid lho: Yang nu" gi houg: mo myibung: nghoid.