Pang Shug 6:9 - Lacid Common Language Bible

⁹ Hau: thang: ri nyangnu" gi wim: loem: ein: da" dazid' ri doem phang kaid' uri Mangso mungdang: ri kho" kyo" yen" ziyo' jhug zug loem" jeung" da" sagsi: ri kham, yoomo said' pyam' shau" mo, da" soobyoo venyi: joem ri hau: xoin" to' da" phoin: gyid" moo ngoo myang.

Pang Shug 6:9 交叉引用

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

YOHAN 16:2

Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

Pang Shug 16:7

Hau: thang: ri xoin" to' phoin: mo thu lo da" thui: gi " Athang agoin yoem: moo" bo da" Aseing: Mangso- Nang dang: phyed' nyid da" khyoo: gi deingmain" da" khyoo: yo' deing nyeung" khyoo: nyang: nghoid bye"- ga: tid nyid ziri ngoo shau" gyo.

Pang Shug 14:18

Hau: thang: ri myi: ri vhoeb, da" moug: lagyoo: dayug gi xoin" to' phoin: khoung: mo thu lo. Nyang: gi gye: tho' da' gyen: goem: ri zhoeb, ci: da" moug: lagyoo: ri " re" da" gyen: goem: ri ci: lho: «mougmyid da" zabyid khyam: mo ashi" ri yham" yu re" zabyid shi" joem bain myheung jo, bye"» ga: thui: zeing yo' tid kaid.

Pang Shug 1:2

Yohan ginyang: shau" myang yu khyoo: ri doem tid khyo" hid: moo bo da" khyoo: joem gi Yesu Khristu khyo" Mangsoo jang" mo pang shug da" mungdang: joem nghoid.

PHILIPI 1:23

Ngoo gi khyoo; eig khaid da" agyoo: moo nghoid nyid wigi shoid' khang" moo" khyo" lang: lo" nyid ziri ngoo shau"- ngoo gi akhid" dei nyid da" kangso' khyoo: ri to" pyam kho' lho: Khristu yo' dage" kang: so' dei nyid noug bye- houg: gi nga" shid re" je" ge zi nghoid.

2~KORINTHU 5:8

Ngoonu" gi yoem: moo" so' zeing yo' byeung" jo, boem yoomo gungdau: da" yhoem: ri to" pyam kho' lho: hau: Aseing: yo' dage" nyid nyid wa ziri je" vho: ngei nyid boem.

XOIN" NGEI" 4:7

Hau: thang: nyang: gi suid" dayham" ri zoem" khoug: mo nam pyo: ja: ngei" byid: da" phoin: jhoin: joem mo zeing vhu" joem moo gyoid: pyam wa zi nghoid. Nyang: gi deing da" suid" ri zoem" khoem" duang: moo jo, da" xoin" ngei" byid: jang" moo ci: da" phoin: zeing khyid: moo: foid khyo pyam wa zi nghoid.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.

Pang Shug 8:3

Hau: thang: rimau: lagyoo: gootu: dayug gi xoin" to' phoin: nam, moo sheing: yo' koid to" da" nam, pyo: shoem: nghe, ja" lang: goin: rici: lho: re" yab, kaid. Nyang: gizhung: tang shid khoin" mo sheing: yo' koid to" da' xoin" to' phoin: tho' moo Mangso byu yi dangain" mo, akyu" mho' da" dang: yo' dage" myi: nghi, xoin" to' nyid jang moo lung: byid: wa shid re" nam, pyo: ja" shoem: myoo" sho' hau: yug ri byid: to.

2 TIMOTHI 4:6

Nga" shid' re" koem gi ngoo nya: kangso' ab, byid: pyam wa da" ayo, ju" loo bye- akhui" hid: moo lang" nga" mougmyid' kangso' ri to" pyam' khoo, wa yo, gi ju" lo nyid bye.

Pang Shug 9:13

Hau: thang: ri khyug yug ein: da" moug: lagyoo: gi nya: laboo" ri moid kaid. Mangso shid' khoin" moo jo, da" sheing: xoin" to' phoin: myid: jhoin: mo thu' lo da" thui: ri ngoo shau" gyo.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

APOEM AYANG: 4:10

Hau: thang: Aseing gi «Nang gi ce: gang mo he: da" gyoug pho" mo" zei: la"- re" nhung" da" suid" gi latoo: phug byid: wa shid re" mho' yoid da" thui: yhang: ti" myidjang mo ngoo ri yoid ngau nyid.

THU' LO" MOUGSOUG" 29:12

Nuloo: zoo: suid" dayham" ri yu wigi phoin: khyoug: moo re" lo, nyoug" yo' joid too" we'. Deing gu: rigi phoin: khyid: moo foid khyo' pyam we'.

HEBRE 12:23

Nanu" gi moug: khung: mo zhayen" moo bo da" - Mangsoo yi da" gau yi phung foem: moo we' byumyu" yi dangain" da" dang: kho' su: ein: da" Mangso jang" moo we' joeb, byeung" nhang: zi shug bye: da" deing: byeung" mo, da" venyi joem jhang khyoo: we' ju" nyid boem abye: go.