Pang Shug 6:16 - Lacid Common Language Bible

¹⁶ Boem yi yo' lug ug joem ri yoid khe: zigi " Ngoonu" da" atho' moo gyo" baid' zeug lho:-m zhung: tang moo zhoung: jo, su: yo' yang nu" da" nheigkhoo" yo: nyid da" myonhoo: mo ngoonu" ri nghoeb, too" byid: ge, o"- ga: mho' yoid nyid boem ago".

Pang Shug 6:16 交叉引用

LUKA 23:30

Hau: da" bidnyid moo byu yi gi boem lang joem ri ngoonu" tho' moo re" byo, gyo" du" boem" too" byid: ge' ga: we' bouggung joem ri ngoonu" tho' moo re" boid zeig too" byid: ge' ga: wigi we' mho' yoid da" ayo, gi ju" lo boem wa.

HOSEA 10:8

Israela byumyu" yi soolhoo: ri no' byid: da" joyoo- Aven mo bouggung tho' mo jo, da" phoin: yhoem: joem gi phyo' shoin' pyam zi shoug" goo" wa. Nyangnu" da" phoin: tho' moo zu: kyen: yo' myo, yug nghoeb pyam byid: loo goo" wa. Byu yigi boem joem ri «Ngoonu" ri shoung: pyam ge'» ga: bouggung joem ri we" «Ngoonu" ri lo nhe' pyam ge'» ga: mho' yoid loo goo" wa.

Pang Shug 4:2

Houg: lang" su venyi moo ngoo bo cang: lo" byug bye- moug: khung: mo hau: zhung: tang moo jo, da" joyoo tho' moo byu dayug zhoung: jo,

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

YEREMIA 8:3

Houg: lho: ashid: lho: nyid deing nyid wigi ngo wigi khaid sain" kaid da" joyoo moo nyid boem da" he: akhyeing" da" byumyu" mo mung" byu yigi xo' lho: nyid wa gungthid- shid: wa loem: je vho: loo goo" wa. Ngoo- Myhang: thang Aseing tid bye:.

Pang Shug 19:15

Byumyu" bain sho' bang: ri oung: pyam' wa shid re" nya: da" nhoid mo tho' da" lhab, sham: thu' lo nyid. nyangnu" ri we' joto' lham: doung: wigi vhoeb, khang" nyid wa zi nghoid. Gyi: sheung: myhang: thang Mangsoo nheig gyed" da" - zabyid xoem: zhung: zeing moo nyang: nang: jhoeb, kaid' wa.

Pang Shug 10:6

Apyaid' atoo: moo dadei nyid lho: moug: khung yo' myid jang- panglai yo' ziyoo jo, moo jo, ri phain" to" da" Aseing: ri nghe: lho: jham, tang: yu zigi myang" loo: wa zi anghoid.

Pang Shug 6:10

Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.

Pang Shug 4:9

Hau: da" gougnyhoug myid: ja: gi zhung: tang tho' moo zhoung: jo, da" apyaid atoo: moo dadei nyid su: ri myonhoo: phung" yoeb yo' phoug" tab ngi shab, byid: lho: jeju" so" da" jikhoin" dang: seig joem yo' khoin" khang" moo"-

Pang Shug 4:5

Hau: zhung: tang mo lhab, myeug nyid ziyo' moug: goem: myheung da" thui: yo' thui: moo" thui: zeing myeung thu lo nyid zhung: tang shid' moo Mangso da" venyi nyhed yug ga: da" myi: bung: nyhed loem: we' dab, jo.

COUNG" NGHEI 14:5

Nghoid loug we' Mangsoo gi nya: dang: tam" gyoo: mo, yo' dage" nyid wigi akhyeung" bang: gi gyoug dain lo" boem wa.

ESAIA 2:10

Nyangnu" gi Aseing da" nheig joem: yo: jang" mo nya: da" yoem: so' mo yo' nya: da" phung" yoeb mo phang: loid wa shid re" bouggung lugpyo' yoin" mo lug khyung: cang anghoid lang" myidgung moo duang: du: lho: gau" nyid boem wa nghoid.

MARKU 3:5

Nyangnu" da" nheigloem: thain: lho: shoid vhang: nyid yoomo nyang nheug yu" koug wigi nheug yo: ziyo' ayam aqei: cang yu" zhoug to". Hau thang: hau: yug ri re" lo, yhoin" kaid we' ga: tid. Nyang: lo, yhoin" kaid yo' - nya: lo, ge loo" khari" bye.

Pang Shug 5:1

Zhung: tang tho' moo zhoung: jo, su: da" lo, yo lo, moo mougsoug" deing: ci: nyid ziri ngoo myang- hau: mougsoug" deing: moo dazid' nyhed loem: yo' thoung" tab to" lho: athi" atho' moo mougsoug" byeing sho' lhid" tab to.

Pang Shug 9:6

Hau: lham" moo" wim: khyab, da" ayo, gu: moo nyangnu" gi shid: khyoo: sho: nyid boem wa zi nghoid- nghoid loug we' shau" sho: boem wa zi anghoid. nyangnu" gi gye" shid: nau boem nghoid loug we' shid: zoug: gi nyangnu" riphang: lhei" too" khari" wa zi nghoid.