Pang Shug 6:13 - Lacid Common Language Bible

¹³ Moug: khung: mo kyi: joem we' ug lid' moo" hau, lid lo" ri houg: mo amyheing shi" da" lafoem, shi" joem shu: gyo" pyam yhang: ti"- myidjang: tho' khyoo: shu: gyo" pyam' gye:.

Pang Shug 6:13 交叉引用

ESAIA 34:4

Bid- Lhammoo"- Kyi:- joem gi pheilhoug: bui" sho' gyoeb byug wa. Mougkhung: gi mougsoug" deing: lhoem" byug yhang: ti" byug loo" wa. Kyi: joem gi zabyid nei mo anghoid lang" lafoem gam mo afu' joem shu: gyo" lo" yhang: ti" shu: gyoo" lo" byug wa.

MATHE 24:29

«Houg: te" da" gyoug dain' jam joug khyoo: bain thoug" shau" da" hau: nyid" ri Bid gi moug: coid bue" loo" khari" wa. Lham" moo" we bang loo: wa zi anghoid. Kyi" joem gi mougtho' mo byid gyoo" lo boem wa. Mougkhung: moo jo, da" yoem: so' dangain" we' nyangnu" da" khyoo" mo nain" yu: phang: lo" boem wa.

Pang Shug 9:1

Hau: thang: ri wim: yug ein: wa yug- moug: lagyoo: gi laboo" doem moid kaid lang" moug: khung: mo wigi myidjang: tho' khyoo: - kyi: zeing dacab, shu: gyo" jo, bye: ziri ngoo myang- Hau: kyi: ri no, athang da" dung: khuang" mo khoem" thoug" ri ab, byid: to.

DANIELA 8:10

Hau: zigi mougkhung: mo gyidab ri meing: yo" zain: wa yhi nghoid lho: kyi: joem rilang" yo" khaid zain: wa yhi' yoem: bo loo: wa. Houg: lho: nyang: gi nyangnu" mo dayham" gu: ri myidgung khyoo: du" khyo' kaid lho: nang nhe' pyam da:.

EZEKIEL 32:7

Ngoo nang ri phyo' shoin' pyam uri mougkhung: ri nghoeb to" lho: kyi: joem ri jhoid soid pyam wa. Bid gi jhoemmoug" thei" joem nungthang moo goug" jo, wigi lhammoo" gi bidbang ri abyid: loo: wa.

LUKA 21:25

Bid kyi: lham" moo" joem moo mau" pho" alhoo: again bue" thu' loo wa. Mougmyid tho' mo byumyu" bain sho' mo, gi Panglai gyid mung" mo being mhoid baid poug myheing go" da" thui:- shaug" gyoo: boem yoomo nheig coid coid lo" boem wa.

ESAIA 7:2

Suri gyidab joem Israela mougmyid moo re" ju" nyid boem bye: ga: da" lu dang: Yuda khokham jhang ju" loo" lang" nyang: yo' nya: mung" byu yi dangain" gi seiggam joem ri lid hau' nhoin' nyid yhang: ti" ko' ko' nain' wigi gye" gyoug nyid ago".

NAHUM 3:12

Re" da" gyi khau: zung: joem dangain" gi ashi" myheung jo, da" lafoem' gam joem yhang: ti" bue" loo wa. Shi" gam joem moo yhe: nhoid kaid ri ashi" gi re" nhoin khoug: moo nyang: gyo" vang loo wa nghoid.

DANIELA 4:14

Nyang: gi thui: zeing yo' ‹Hau: seiggam ri thug lheing: kaid lho: seig kung: joem ri khyau" pyam seig fu' joem ri kyid pyam wigi shi" joem ri phyo' pyam we'. Hau: seiggam yoeb mo gougnyhoug joem ri we' khaid tang" pyam lho: seig kung: joem mo ngho' joem ri we' khaid sain" pyam we'.

ESAIA 33:9

Mungdain: gi akyu" aboo jham" coug: youg bue" jo da:. Lebanon seig moo" yoo gi shoem: nyhau" lo" lho: myidxu: ge da" Sharon janggyoin: gi dain" pyoid yoo yo' dakhyo" bue" lo" wigi Bashan mung" yo' Khamela boem dang moo yug da" seiggam joem mo seig fu' joem shu: gyo" nyid ago".

ESAIA 13:10

Kyi: cab khang" moo" yo' kyi: phung khang" moo" bang zi theing: pyam boem goo" wa. Bid thu ri" loug moug: coid loo" khari" wa. Lhammoo" gi bang loo: wa zi anghoid.

YOELA 2:31

Aseing da" gye" gyoug dain pho" bidnyid aju" loo shi" uri bid moo" gi teing: no, lo" byug wigi lhammoo" we' suid" su" ne lo" byug wa nghoid.

MARKU 13:25

Kyi: joem we' moug: khung: mo byid, gyo" lo" byug wigi-moug: khung: mo yoem: so' joem gi noin" lo boem wa.

YOBA 15:33

Nyangnu" gi ashi" ayang" shi" ri shu: gyo" byug da" zabyid nei yhang: ti" Aboo" joem shu: gyo" byug da" zhainloin: gam yhang: ti" nghoid wa.