Pang Shug 21:6 - Lacid Common Language Bible

⁶ Hau: lho: nyang: doem, tid zigi Hau: gu: gi bain koid bye"- ngoo gi xang: shed" mo su: yo' thang: thang mo su- gam shid" shi: su: yo' gam thang: theing su: we' nghoid- gyid shed' su: ri hau" kangso' gyid ' bug moo shug gyid ri aphoug" amho, loo: za: ngoo byid: wa zi nghoid.

Pang Shug 21:6 交叉引用

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

COUNG" NGHEI 36:9

Nang ri gi kangso' dangain" da- ajhung: nyang: nghoid bye: Re" bidbang yoomo ngoonu" bidbang ri shau" myang boem bye:.

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.

Pang Shug 1:8

Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Roma 3:24

Xangsu: byu yi ri yooboo mo loid' byoin loo: nhang: da" Khristu Yesu khyo" Mangsoo: gi ce: phoug" asang: da" jeju" jhung: shug khyo" wigi xangsu: byu yi ri deing byeung" mo ga: lhoem: kham: yu bye.

Pang Shug 22:13

Ngoo gi xang: shed" yug yo' lo" thang yug- gam, shid" shi: su: yo' gam, thang: theing su: nghoid,, ga: wigi Yesu tid.

Pang Shug 16:17

Hau: thang: ri nyhed yug ein: da" moug: lagyoo: gi nya: da" goem, ri lid' moo foid tang" kaid- houg: lang" noku yhoem: moo" khoug: moo jo, da" zhung: tang mo thu' lo da" thui: moo" da thui: gi " Moozoo" bain' bye",, ga: tid thu' lo.

ESAIA 12:3

Gyid jham" gi gyid shed yug ri ngei pyoo: nhang: ziyo' dayhang: ti" Mangso wigi nyangnu" ri khyoid yu da" uri nya: byumyu" yi we' ngei pyo: ago"» ga: jikhoin" khoin" wa.

Pang Shug 1:17

Hau: yug ri myang lang" nya: da" khyid: yang: moo shid: su: yhang: ti" ngoo leung lo- nyang: gi nya: lo, yo lo, nga" tho' moo ki" byid: lho: Agyug- ngoo gi xang: shed" mo su: we' - lo" thang mo su: we' nghoid- ga: tid.

1Korinthians 2:12

Ngoonu" koem gi he: moug: myid yo' sen: da" Venyi: ri shau" kham: yu bye: zi anghoid- Mangsoo ngoonu" ri byid: to" da" jeju" dangain" ri yo" si' baja" ga- Mangso nhang: kaid da" Venyi ri ngoonu" yo" yu mo, nghoid nyid.

YEREMIA 2:13

Ciwim gari nga" byumyu" yigi yooboo eig ja: shoid abye: go". Nyangnu" gi kangso' gyid bug gyid gyeing: nghoid da" ngoo mo lheing: phug lo" da:. Gyid ayo" deing jo, da" gyid teing thoem"- jo, gyam: byug da" gyid teing thoem" joem ri du: ago".

Pang Shug 10:6

Apyaid' atoo: moo dadei nyid lho: moug: khung yo' myid jang- panglai yo' ziyoo jo, moo jo, ri phain" to" da" Aseing: ri nghe: lho: jham, tang: yu zigi myang" loo: wa zi anghoid.

YOELA 3:18

Hau: bidnyid moo boem joem gi zabyid nei joem yo' nghoeb pyam wa. Boug gung dangain" jang" moo nu: kyung joem ri shau" myang wa. Yuda mung" dangain" shid re" gyid agoin agoo" yau wa. Aseing da" Noku Yhoem: Moo" mo gyid bug yau thu lo wigi Shug gam lang: khung" gyid yo" loo wa.

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

1Korinthians 3:12

Byu dayham" gi hau: apoem: ayang: da" atho' moo- ngei sheing: lug nyoug joem yo' zhang qei" do, loo" goo" wa nghoid. Byu dayham" gi seig- mhain"- khoofoo:- yo' zhang qei" do, loo" goo" wa nghoid.

Pang Shug 1:11

Hau: da" thui: gi nang yo" myang yu bye: da" khyoo: joem ri mougsoug" bug moo lhid" kaid to" lho: Ephesu voo- Samurna voo Pegamu Thuatira Sardi Philadephia yo' Ladoki voo moo zheung: nyid da" phung nyhed loem: bang: jhang khyoo: foin: kaid' we' ga: tid.

1Korinthians 3:21

Hougsu" nghoid yoomo hang" nghoid loug we'- byu wigi: yo" koid da" yoem: ri myonhoo: age, shoo:- gyeing" nyang: ga: rigi- jo, moo: jo, ri- nanu" seung: nyid bye: zi nghoid.

1Korinthians 3:5

Tid shang ein: rigi- Apolo gi hang" nghoid la" Polu gi hang" nghoid la" Ngoonu" gi Mangso dei zoo: yi za: danghoid nyid boem ziyo' nyang: tu: nyang: ri byid: to" da" moo" ri zei: nyid mo, za: nghoid. ngoonu" khyo" wigi- nanu" Mangsoo ri shau" loem" jeung" loo goo" baja"- khyoo: shid' shu" vhu" shi: bang: za: da nghoid. Hougsu" nghoid yoomo ngoonu" dayug yo' dayug gi Aseing wigi: nyang: tu: nyang: ri byid: to" da" moo" voin mo, nghoid.

YOHAN 4:11

Hau: myiyi: gi ‹‹Aseing: we" gyid thung" gi gye no,- Aseing: nang gyid pung" we' aci:- nang khayo kangso' gyid se' yoo" wa lha".»

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.