Pang Shug 20:11 - Lacid Common Language Bible

¹¹ Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

Pang Shug 20:11 交叉引用

Pang Shug 21:1

Houg: lang" moug: khung: seig yo' myid' jang: seig ri ngoo myang- xang: shed" mo moug khung: yo' xang: shed" mo myidjang: gi byug loo" khare" lho: nammugdara we' bei: loo: khari" bye.

2PETRU 3:7

Nghoid loug we' Mangsoo gi akhid" jo, da" moug: khung: mougdi yo' Moug: myed yoosoo" ri myi: yo' phyo' soin' pyam wa shid re-goo" nham, da" mungdang: yo' nyang: dakhu: shoung: to. Nyangnu" gi Mangsoo: ayo" da" byu yi ri - tarha" ang: phyed' lho: phyo' soin' pyam wa bidnyid ju" sho' dakhu: myhu: too" shi.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

DANIELA 2:35

Houg: jang: joto'- zhoo" nhau:- gyid: mid"- ngei yo' sheing: joem gyoeb gyo" wigi xung" gung gug nang: jang: mo pheilhoug: yo' dakhyoo" ti" bue" lo ago". Houg: zi dangain" ri lid hau' wigi moid tang" pyam lho: ce: khoo: we' ateing too" khoo' nghoid da:. Nghoid loug we' hau: lugzeing gi gyi: re" lho: mougmyid dangain" ziri nghoeb pyam da" boem bue" lo da:.

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

MATHE 24:35

Mougkhung yo" myidjang: led: loo" nghoid loug we' nga" Mungdang: gi aled: loo" wa.

Pang Shug 16:20

Gu: gyoo: kang: joem yo' boem, lang joem dangain" we' byug. shang loo" khari" bye.

Pang Shug 6:14

Moug: khung: gi mougsoug" deing: ri deung: lhoem" lo" yhang: ti"- byug loo" khare" lho: - boem, lang yo" gugyoo: kang: joem dangain" gi nya: joyoo mo hei" loo" khare" zi shau" nyid.

Pang Shug 20:2

Nyang: gi yu yo' satan: nghoid da" goonham, mo lhang: myu, ein: da" main, jung: zeing ri tei" yu lho: zain, nyid dakhyeing" ju" sho' tei" too" bye.

Pang Shug 12:8

Nghoid loug we' main, jung: ni, zeing gi gyi zain: soem" loo" yoomo nyang: yo' nya: da" lagyoo: yi gi moug: khung: moo ashau" nyid boem loo.

COUNG" NGHEI 97:2

Jhoemmoug" joem yo' moug: coid gi nyang: ri lheung khoem to". Nyang: gi deingmain" ziyo' deingmain" khyo" vhoebkhang" nyid.

COUNG" NGHEI 89:14

Re" da" mungdain: gi deingmain" ziyo' nyeung vho, khyoo: moo zheung: tam" to". Nang zei: da" moo" ja: khang" moo" moo jheddab khyoo: yo' zung" da" nheigloem: ri toin" shed nyid.

COUNG" NGHEI 47:8

Mangsoo gi nya: da" gyeung" shang:- zhungtang tho' moo: zhoung: jo, wigi byumyu" yi bain sho ri nyang: vhoebkhang" nyid bye:.

Pang Shug 4:2

Houg: lang" su venyi moo ngoo bo cang: lo" byug bye- moug: khung: mo hau: zhung: tang moo jo, da" joyoo tho' moo byu dayug zhoung: jo,

YOBA 9:6

Mangsoo gi myid leig leig nhang: lho: myidgung ri lhei' nhoin' kaid da:. Nyang: gi myidgung ri thug to" da" zeing bung: joem rilang" lhei' nhoin' kaid da:.

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.

APOEM AYANG: 18:25

Nang gi deing" deing nyang: yooboo ayoo" mo, ri yooboo yoo" mo, yo' dage" said pyam wa su: anghoid. Nang gi hougsu" koid wa su: anghoid. Nang to' koid nghoid rigi yooboo ayoo" mo, gi yooboo yoo" mo, yo' dage" shen" yhen shau" boem wa nghoid. Hougsu" gi koid wa anghoid. Moug: gyab goin" mo tarha" agyi gi deing byeung" khyo" koid wa zi nghoid» ga: tid.

COUNG" NGHEI 102:26

Houg: bang: gi byoug shang loo" Nghoid loug we' nang gi dageung: jo Houg: bang: dangain" gi byimi joid yhang: ti" axoug" bue" lo" wigi byimi ri yhang: ti" nang hau: ziri thid pyam lho: bei: shoem: lo" byoug boem wa zi za: nghoid.

ESAIA 6:1

Khokham Uzia shid: da" zain ri ngoo gi Aseing ri shau" myang. Nyang: gi nyang: wigi ngi: shab to" da" nya: zhungtang moo zhung: jo, da:. Nya: byisheing: gi Noku Yhoem: Moo" goin" moo byeung" jo, da:.

DANIELA 7:10

Houg: lho: gyid gyung: zoo: yhang: ti" myiyham: gi houg: mo yau shoin: thu re" da:. Houg: joyoo moo nyang: ri dei byid: wa byu khyeing" su: nyid boem ago". Houg: lho: byu sen su: nya: shidkhoin" moo yab jo, ago". Tarha" dang: kho' shid" lho: mougsoug" pug joem phang to" ago".

MATHE 11:22

Houg: yoomo nanu" ri ngoo tid zi gi hau: Mangso da" dang: khoo' bidnyid moo Turu yo" Sidun kham: wa da" dam gi nanu" kham: wa dam tho' moo je soem" wa zi nghoid.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.