Pang Shug 2:26 - Lacid Common Language Bible

^26-28 Ngoo vho: da" khyoo: moo lo" thang nyid" ju" sho' beung: abyid cang nyid khyo" yo" oung: loo" mo, ri nga" pho, jang" mo ngoo yo" yu da" amyeing" akhang" yo' dakhyoo" ti" ngoo byid: wa. Hau: da" amyeing" akhang" gi joto' lham: dung: yo' vhoeb, khang" lho: myid' zhoo" yam: joem ri agang gang asi" si"- mhoin' pyam yhang: ti"- nyangnu" gi byumyu" bain sho' tho' moo yo" oung: pyam' wa zi nghoid. Hau: boo" myhu: ri we' ngoo nyangnu" ri byid: shi" wa

Pang Shug 2:26 交叉引用

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

DANIELA 7:27

Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

COUNG" NGHEI 2:8

Mho' we' ngoo nang ri byumyu" yi yo' nyangnu" da" mungdain: dangain" ri ab byid: wa zi nghoid. Moug: gyab, goin" re" da" moug: bue" loo wa nghoid.

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.

1YOHAN 5:5

Yesu gi Mangso nya zoo nghoid ga: loem" jeing" su: za: anghoid rigi mougmyid ri hang" su: yo" se' oung: loo" wa lha".

YOHAN 6:29

Yesu phougtu" zigi Phoo Mangsoo nanu" ri koid; nhang: nau da" khyoo: gi nyang: nhang: kaid su: ri loem" jeing" wa da" khyoo: nghoid.

MATHE 24:13

Nghoidloug we' lo" thang bidnyid ju" sho' zeung: kham: nyid su: gi khyoid yu zi shau" wa nghoid.

DANIELA 7:22

Hau: thang: apyaid atoo: moo dei nyid yug re" lo lho: gyi: sheung: myhang: thang Mangso da" byumyu" yi shoid bo dab wigi dang: phyed zi tid kaid da:. Mangso da" byumyu" yi khokham yoem so' yo" yu wa yo, ju" loo bye:.

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 3:12

Oung: doid loo" su: rigi nga" Mangso noku yhoem moo" khoug: mo khung: voin, zeing bung: daloem: bue" jo, nhang: wa nyang: gi houg: mo khanham we' thu' loo" loo: wa zi anghoid. Moug: khung: tho' nga" Mangso jang" mo ju" gyoo" lo da" Yerusalem voo gung seig ein: da" voo myeing ri we' nga" Mangso myeing ri we' ngoo nya: da" myeing seig ri we' nya: da" tho' moo lhid" tab too" byid: wa xo' lho: nya: da" tho' moo ngoo nya: myeing seig ri we' lhid" tab too" byid: wa.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

1YOHAN 3:23

Nyang: ngoonu" ri byid: to" da" amyeing" tarha" khyoo: gi ngoonu" gi nya: zoo: Yesu Khristu ri loem" jeung" wigi Khristu gi ngoonu" ri byid: to" da" amyeing" tarha" yo' dakhyoo" ti"- nyang: cang" nyang: jheddab goo" ca" khyoo: nghoid.

YAKU 2:20

Hau: tho' moo gootu: hang: su: we"- moozoo" abo da" loem" jeung" khyoo: gi akoem: za: danghoid ziri si' nau la".

Roma 8:37

Nghoidloug we' agang: alain loo" nhang: tho' moo gootu: ngoonu" gi hau khyoo: dangain" yo" thoung" shau" goo" wa jang" moo ngoonu" ri jheddab da Aseing: khyo" wigi atho' tid oung: doid loo" bye.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

DANIELA 7:18

Houg: lho: gyi: sheing: myhang: thang Mangso da" byu yigi khokham yoem: so' ri shoug" yu wa wigi hau: ziri apyaid atoo: moo zoem: ci: loo goo" wa» ga: tid da:.

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

COUNG" NGHEI 49:14

Nyangnu" gi yang joem yhang: ti" shid: loo" wa bang: za: danghoid. Shid: zoug: gi nyangnu" ri zung" da- yang zung" su: nghoid wa. Nyangnu" da" gung du: gi nyangnu" da" yhoem: yoo yo' ve: da moo: vo moug: moo myab myab boeb loo" wa zi nghoid.

Pang Shug 3:5

Oung: loo" su: gi houg: yhang: te"- phyu: young" da" byimi shau" void lho: nya: myeing ri we' Kangso' mougsoug" pug mo ngoo soid, pyam byid: wa zi anghoid. Nyangnu" gi nga" da" lagyoo: yi nghoid ein: nyang:- nga" phoo yo' nya: moug: lagyoo: yi da" shid khoin" moo- ngoo yhen: yu wa nghoid.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

1THESALONI 3:5

Ngoo gi xo' lho: atho' lang" nyid loo: yoomo nanu" da" loem" jeung" khyoo: khasu" bue" nyid da" khyoo: ri se' yu wa shid re" Timothi ri ngoo nhang: kaid' bye- gyeing" nyang: nanu" gi yu zhadain gung" lau" jang" moo bo cang lo" byug boem wigi ngoonu" da" yoem: kaid' loo bye: khyoo: joem gi akoem: be: be: abue" loo" nhang: noug.

COUNG" NGHEI 2:9

Nang gi nyangnu" ri jo, to' lhamdung: yo' baid sain" kaid wigi nang nyangnu" ri myidzhoo" yam: daloem: ri yhang: ti" ajab, amoin' bue" loo" sho' youg khyoeb sain" pyam wa nghoid.»

MATHE 10:22

Byu myoo" sho' mo, we' nga" myeing yoomo nanu" ri ngheing" lo boem goo" wa. Hang" nghoid loug lo" thang bidnyid ju" sho' yoem: kaid geing: teing nyid nghoid rigi hau: yug gi Mangso wigi khyoid yu zi shau" wa nghoid.