Pang Shug 2:19 - Lacid Common Language Bible

¹⁹ Ngoo gi nang ci koid nyid ziri se'- re" da" jheddab khyoo:- loem" jeung" khyoo: we' re" da" moo" voin khyoo: yo' nheigloem: sheung: khyoo: ri ngoo se. Akhid" nang zei: nyid moo" gi xang: shed" tho mo je ge ziri ngoo se.

Pang Shug 2:19 交叉引用

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

2PETRU 1:7

Tarha" phau" cang jang" moo mang: nhung" ri jheddab zi mang: nhung" ri jheddab tho' moo" - athang agoin zi dakaid loung: nyid ge'.

YOHAN 15:2

Ngoo moo ashi" azei: da" akung: ako' dangain" ri nyang: cu: khyo, pyam lho: ashi" zei: da" akung: ako'' ri koem gi je zei: baja" ga: kyid shang: to.

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

1PETERU 4:8

Je" wigi nyang: cang" nyang:- gyeung" da" jheddab myid' yo' jheddab go" nyid ge, khasu" wim ga: ri jheddab da" nheigloem: gi yooboo myoo" sho' ri yo" nghoeb, pyam byid.

1THESALONI 3:6

Akhid" Timothi gi nanu" jang" moo doem ju" loo bye: nghoid rigi nanu" moo loem" jeung" khyoo: yo' jheddab khyoo: gi je myo: loo bye: ziri gau, kham: yu ge da" lu dang: ri voin, ju" loo bye-nanu" gi ngoonu" ri khanham nghoid loug we' goolhoo: za: myid' boin: jheddab nyid boem tho' moo agoo"- nanu" ri ngoonu" gye" shau" goo" nau, ziyo' dakhyoo" ti" nanu" we' ngoonu" ri shau" myang goo: nau nyid boem da" khyoo: ri lo tid kyoo" bye.

KOLOSE 3:14

Hau" yoem: so' dangain" da" atho' moo joeb, byeung" da" nheigloem: shikain" shoin" khyoo: bue" loo sho'-houg: dangain" tho' moo ziyoo jo, moo jo, ri yo" myeug deung: da" jhed' khyeing: kang: khyeing: ri pug void ci: ge'.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

Pang Shug 2:9

Nang thoung" shau" nyid da" sho" jhen: jamjau khyoo: ri ngoo se' nyid nang gi damyoug sho" jhen: nyid nghoid loug we' gyeing" nyang: ga: rigi nang yoo" su: di su: nghoid nyid. Nyang: nya: da" gung ri Yuda byumyu" nghoid ga: tid nyid mo, gi nang ri theung shang" gyi koid mo, nghoid nyid boem ziri ngoo se' nyid. Nyang: nu" gyeing" gyeing" ga: rigi Yuda byumyu" anghoid- satan: da" byumyu" yi danghoid nyid boem ago".

COUNG" NGHEI 92:14

Hau: seiggam' joem gi mang: lo" ayo, moo: lang" ashi" zei: nyid shi" wigi khanham we' nyau, young" lho: yeing" jo.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

YOBA 17:9

Phoug" myang: wa moin: yi" ga: tid fu" bang: gi Nyangnu" jo, ga: je je myid loem lo da:.

LUKA 1:23

Hau: thang: ri nya: da" moo" bain lang" gi yhoem: khyoo: lo.