Pang Shug 19:7 - Lacid Common Language Bible

⁷ Nyhang" nu" gau yi lho: vho: ngei nyid boem shang- Nya: da" myonhoo: phung" yoeb ri coung" byid : nyid boem shang. Khasu" wim gari hau: Yang nu" da" loxo' pui" zeing gi ju" loo bye: ziyo' nya: da" myhi, seig we' nya: gung ri lhoo, bain yhoug ci: bye: yoomo

Pang Shug 19:7 交叉引用

Pang Shug 21:9

Hau: thang: rilo" thang da" shid: gyoin, noogyoin, nyhed loem: yo' byeung" da" goem, nyhed loem: ri ci: moug: lagyoo:- nyhed yug mo dayug nga" jang" moo re" tid zigi Ri" we' hau: yang nu" da" yhoem: seing: myhi' ein: da" myi: yi: seig gi ngoo nang ri toin" shid' ba- ga: tid.

Pang Shug 21:2

Hau: lho: gyeungshang: da" voogung seig Yerusalem gi nya: yhoem: seing: phoo yo' shau" goo" wa shidre" - jen" jen" lhoo, yhoung to" da" myhi, seig yhang: ti"- Mangso moug: khung: moug: di mo gyoo" lo ziringoo myang.

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.

MATHE 22:2

Mougkhung: mungdain: gi nya: yuggi zoo: shid re" loxo' pui" ri soin to" da" khokham" dayug yo" du nyid.

Pang Shug 19:9

Hau: thang: moo mouglagyoo: ngooritid zigi " Hau yang nu" da" loxo' pui" khyoo: khe: too" shau" mo, gi ngilhoo, mo, nghoid ein: lhid" too" we' Hau: lho: hau: " moug: lagyoo: doem, xo' tid zigi " He: dang: gi Mangso da" deungmain" mungdang: nghoid. ga: wigi ngoori tid.

Ephesu 5:32

He: khyoo: gi jhoem: mungdang: moo tid shed to" da" deingmain" khyoo: dakhaid nghoid wigi Khristu yo' phung: da" khyoo: ri yeung lho: tid zi nghoid ein: ngoo se' gyoo: bye.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

Ephesu 5:23

Khristu gi hau: phung: da" atho' moo vhuloem bui" wa da" amyeing" akhang" yo" ziyo' dakhyoo" ti"- hau" yhoem: seing: phoo we' yhoem: seing: myhi' da" atho' moo vhuloem bui" wa da" akhang" yo"- Khristu gi nya: gung doem: nghoid nyid da" hau: phoung: da" khyoid yu Aseing: we' nghoid nyid.

ESAIA 66:10

He: voomoo" ri jheddab bang: nanu" we" Yerusalem yo' dage" ngei pyoo: ge'. Nya: shid re" gau ge'. Nya: shid re" koug ngau nyid bang: nanu" we" akhid" nyang: yo' dage" ngei bu: ge'.

LUKA 12:36

Lo, xo' pui" mo doem lo da" nya: yhoem: seing: gi khoem" lo ko, da" uri phyed' yo" phang byid: wa shid' re" lang" nyid da" dei zoo: yi yhangti"- lhed nyid ge'.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

ESAIA 52:1

Yerusalem we"- yoem: bo wigi doem gyi: sheung: loo we'. Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'. Tarha" tungbau yigi re" khoem" moo khanham we' ayo" doem vang goo" wa.

SHOLUMON JIKHOIN" 3:11

Ziun myiyi: zoo: yi we"- re" wigi khokham Sholumon ri yu" ge'. Nyang: gi lo, xo' pui" koid da" pyo: thang goug thang nyid" ri nya: vhuloem moo nya: myhi' zhung" byid: da" bidmug ri zhung" ci: da:.

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

COUNG" NGHEI 9:14

Houg: lang" ngoo gi Yerusalem voo byu yi shidkhoin" moo yo" yab jo, lho: ngoo nang ri coung" nghei khyoo: dangain"- nyangnu" ri yo" tid kyoo" wa zi nghoid.

1 SAMUELA 2:1

Hana akyu" mho' khyoo: gi «Aseing gi nga" nheigloem: moo gau yi ziyo' pyeing byid: bye:. Nyang: bain koid bye: moo" zoo" yoomo khayhi' pyo: lha". Nga" gyivoo joem shidkhoin" moo ngoo yo" yi bye:. Mangsoo ngoo ri pang" thoug yoomo ngoo khayhi' pyo: lha".

DANG: ZHOEM 29:2

Deingmain" da" Khokham toin" shed yu" ge'- nanu" ri ngoo ngei pyo: nyid da" mung" byu yi toin" shed ba- akhyeing" ashoeb, da" zoug: ngoo ri toin" shed ge'- koug shu: nyid da" mung" byu yi ngoo toin" shed wa.

COUNG" NGHEI 107:42

Deungbyeung" da" byu yigi hau: khyoo: joem ri myang wigi gau yi nyid boem nghoid loug we' akhyeing ashoeb bang: dangain" ri koem gi no: jham" loo" nhang: pyam bye:.

COUNG" NGHEI 48:11

Ziun da" byumyu" yi gau yi ngei pyo: nyid goo" baja" jo da" dang: phyed khyoo: ri nang byid: nyid wigi Yuda meing: mo voogung joem moo gau yi ngei pyo: khyoo: gi dajo, jo, baja" o".

TARHA" TID POIN" 32:43

Byumyu" yi we"- nanu" gi Aseing da" byumyu" yiri coung" byid: ca" wa. Nyangnu" ri said pyam bang: dangain" ri nyang: yooboo dam byid: nyid. Nyang: gi nya: gyivoo yiri latoo: phug wigi nya: byumyu" yi da" yooboo ri khyoid pyam byid: da» ga: zhang: kyo" da:.

ESAIA 66:14

Hid su" bue" ziri nang myang lang" nang ngei bu loo wa. Hau: zigi nang ri yoem: boo nhang: wigi yang" zain: nhang: wa. Houg: lang" ngoo Aseing gi nga" tid dang: gyoo: byid: bang: ri pang" thoug byid: yug nghoid wigi nga" gyivoo yiri nga" nheig yo: thougtheung zi ci: shug byid: su: nghoid ziri nanu" se' loo goo" wa» ga: tid.

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.