Pang Shug 19:6 - Lacid Common Language Bible

⁶ Hau" thang: rigibyu phung moo" zeung thui: yhang: te" zi gyid lung" gyo" myheung da" thui: yhang: te" zi moug: goin' myheung da" thui: yhang: te" ziri ngoo shau" gyo. "Nyang: nu" Mangsoo ri coung" nghei boem zigi Ngoo nu" da" yoem: moo" bo Aseing: Mangsoo gi Khokham" nghoid nyid.

Pang Shug 19:6 交叉引用

COUNG" NGHEI 97:1

Hau: Aseing gi khokham nghoid- mougmyid yoosoo" we' gau yi nyid we' Panglai: joem mo gugyoo: kang: joem we"- nanu" we' gau yi ngeibu: nyid loo we'.

Pang Shug 14:2

Hau: lho: gyid lung" gyoo" thui: yhang: ti" ti"- moug: goem: thui: yhang: ti" ti" ga: da" thui: zeing gi moug: khung: mo myeung thu' lo ziri ngoo shug" gyo. Hau" da" thui: gi myheung yhang: da" sarhi' yi nyangnu" da" teing joem ri baid' myheung da" thui: yo' du nyid.

Pang Shug 19:1

Hau: thang: ri moug: khung: moug: di mo, byu phung: moo" zeing thui: yhang: te" ziri ngoo shau" gyo. Houg: bang: da" thui: gi " Mangsoo ri coung" byid: ge'. Ngoonu" da" Mangsoo gi khyoid yu da" khyoo:- myonhoo: Phung" yoeb, yo' yoem: so' yoo" su: nghoid.

COUNG" NGHEI 99:1

Aseing gi khokham nghoid- byumyu" yi gyoug nain" nyid boem. Nyang: gi: dung dab da" dei noem tho' moo: zhoung: jo- mougmyid yoosoo" gi nain" nyid.

COUNG" NGHEI 93:1

Aseing gi khokham nghoid. Nyang: gi zoug: myeing" yo' yoem vhoo" ri void ci: su" nghoid. Moug gyab, ri geing: geing: teing teing zhoug to" wigi hau: zigi ayo" loeb ayo" dei loo.

Pang Shug 6:1

Hau: thang: ri nyangnu" gi dazid' nyhed loem: mo daloem: ri phang kaid boem rigi ngoo myang da" gougnyhoug myid: ja: mo daja: gi moug: goem: thui: ti" ga: da" thui: khyo" loo we',, ga: ziri ngoo shau" gyo.

Pang Shug 1:15

Nya: da" khyid: gi myi thung: moo nhe, kyeung to" da" gyid: gyeing" yhang: ti" ne, jo. Nya: da" thui: gi gye" gyi: da' gyid lung" gyoo" thui: yhang: ti" myeung nyid.

EZEKIEL 1:24

Ngoo gi nyangnu" dang: lo" uri nyangnu" dung phab thui: ri shau" gyo: da:. Hau: thui: gi panglai: myeing thui: yhang: ti"- gyidab moo" zeing lu: fu: thui: yhang: ti"- myhang: thang Mangso thui: yhang: ti" nghoid da:. Nyangnu" dang: zi theing: lang" nyangnu" da" dung joem ri yoeb ci: da:.

Pang Shug 21:22

Hau" voogung khoug: moo gi noku yhoem: moo" ri ngoo amyang- Khasu" wim gari yoem: moo" bo da" Aseing: Mangso yo' Yang nu" gi hau" voogung mo noku yhoem moo" nghoid nyid.

Pang Shug 12:10

Hau: thang: ri moug: khung: mo thui: zeing yo' tid nyid zigi " Akhid" Mangso khyoid yu khyoo: ju" ri" bye- Akhid" Mangsoo gi Khokham" yoem: so' ritoin" shid' bye- Akhid" nya:Meshia gi nya: amyeing" akhang" ri toin" shid' abye:- Khasu" wim gari ngoonu" da" mang: nhung" yi yo' ngoonu' da" Mangso shid' khoin" moo yab, jo, lho: nyid" ri nyen" ri yooboo foin: pyi: sho: nyid su: gi moug: khung: mo khaid khyo, pyam zi shau" bye.

Pang Shug 8:5

Hau: thang: rimau: lagyoo: gi nam, pyo: shoem: nghe, ja:- sheing: lang: goin: ri yu lho: xoin" to' phoin: tho' mo myi: ri yu kaid wigi moug: myid tho': khyoo: du" sain" khyo' kaid. Houg: lang moug: goem: goem: myeung lo ziyo' lhab, myeug lo asu, bue" loo bye.

Pang Shug 4:5

Hau: zhung: tang mo lhab, myeug nyid ziyo' moug: goem: myheung da" thui: yo' thui: moo" thui: zeing myeung thu lo nyid zhung: tang shid' moo Mangso da" venyi nyhed yug ga: da" myi: bung: nyhed loem: we' dab, jo.

EZEKIEL 43:2

Houg: lho: hau: joyoo moo Israela da" Mangsoo shidkhoin" mo yi: yi: bang da" bidbang gi bidthu shoid khyo" ju" re" ziri ngoo shau" myang. Mangso da" thui: gi panglai: being lhung" myeing yhang: ti" myeing da:. Houg: lho: mougmyid ri yi: yi: bang da" bidbang ri ci: shug byid: da:.

ESAIA 52:7

Lu dang: gi nghoid da" yug yoo myenjham" da" lu dang: voin wigi boem joem ri lid: phyid lho: re" nyid da" lagyoo: dayug ri Shau" myang zigi gye" mau" pho" zi nyang: nghoid. Nyang: gi oung: doid khyoo: ri tid fu" wigi Ziun ri «Re" Mangsoo gi khokham nghoid da o"» ga: tid.

COUNG" NGHEI 97:12

Aseing bain zei bye: moo" zoo" joem yoomo deungbyeung" mo, dangain" bang: we' gau yi ngeibu: nyid we'. Gyeung" shang: da" Mangsoo bain koid bye: da" moo" zoo" ri myid boin: nyid ge'- nyang: ri jeju" daboin: nyid ge' o".

COUNG" NGHEI 77:18

Re" da" moug: goem: thui: myeing nyid wigi lhab' myeug myi: yo' mougmyid goin" ziri thoin" pang byid: nyid. Moug: gyab, goin" gi nain" lho: lei" nyid.

YOBA 40:9

Nang gi ngoo yhang: ti" yoem: bo la" Re" da" thui: gi nga" da" thui: yhi' moug: goem yhang: ti" yo" myeing la"

YEREMIA 51:48

Babelon ri phyo' shoin' pyam wa shid re" moug zhung: shoid mo ju" ri" bang: lo khyoo: Babelon gyo" vang loo" lang" mougmyid tho' moo jo, gu: dangain" yo' mougkhung: moo jo, gu: dangain" gau wigi nyho: loo goo" wa.

COUNG" NGHEI 47:7

Mangsoo gi moug: gyab, dangain" ri vhoeb da" khokham nghoid wigi jikhoin" dang: joem yo' nyang: ri coung" nghei nyid we'.

COUNG" NGHEI 47:2

Myhang: thang da" Aseing gi gyoug pho" su: nghoid- nyang: gi mougmyid gyab, dangain" ziri vhoeb ci: da" gyi: thang khokham zeing nghoid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

Pang Shug 1:8

Goo nham pyaid he: da" pyaid thang: phyang" apyaid moo ju" sho' danyid nyid da" athang agoin yoem: moo" bo Aseing: Mangsoo gi da tid nyid. Ngoo gi xang: shed" su: we' lo" thang mo su: we' nghoid- ga: tid nyid.

Pang Shug 19:4

Houg: lang" ludaid' eig xe: myid: yug yo' dei noem, gougnyhoug myid: ja: gi nyhoem: khyo, lho: zhung: tang tho' moo zhoung: jo, da" Mangsoo ri noku zoore"- Amen, Mangsoo ri coung" nghei byid: ge' ga: tid nyid boem.