Pang Shug 14:4 - Lacid Common Language Bible

⁴ Houg: bang: gi myi: yi: yi yo' gung shoo" zoem" go" khyoo: akoid loo: sho' nyang: nya: gung ri zeung: kham' nyid mo, zoolu: gyeing" yi zheung: nghoid wigi yang nu" yhe: lo" da" joyoo khang" moo khyoo: yo" bo cang yhi: mo, nghoid- nyangnu" gideung nyid da" xang: su" byu yi dangain" khoug: mo khyen: khyoid yu zi shau" mo, nghoid boem yoomo Phoo, Mangsoo yo' yang nu" shid re" xang: shed" xoin" ngei" byid: zi shau" mo, nghoid ago".

Pang Shug 14:4 交叉引用

Pang Shug 3:4

Nghoid loug we' Sardi voo moo nyang: nya: byimi moo aco' ajhloid alhu: lhu" ci: mo, dajhi' nyid houg: bang: gi moin: yi" mo, nghoid yoomo Byimi phyu: joem ri void ci: lho: ngoo yo' dage" shau" so" yen" boem wa.

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.

YAKU 1:18

Mangsoo gi nyang: phain" to" da" byu xang: su: yimoo- xang: shed" ri zei: lo da" ashi" yhang: ti" bui" wa shid re" deingmain" da" tarha" mo wigi nyang: myed vho: ziyo' dakhyoo" ti"- ngoonu" da" pyaid seig ri doem thid' byid: bye.

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

YOHAN 10:27

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

COUNG" NGHEI 74:2

Goonham gooco' mo nanyang: khyen: yu da" byumyu" yi yo' nanya: byu kung: bue" nyid wa shid re" join mo khyoid yu shau" da re" byu yi ri boin: so" nyid we'. Goonham nang nyid lid lo yu" da" Ziun boem ri myid boin: nyid we'.

1Korinthians 6:20

Hau: Aseing gi nanu" ri aphoug" phyed' lho: qei yu too" mo, nghoid- Hougsu" nghoid yoomo- nanu" da" gung doem: yo' Mangso da" myonhoo: phung" yoeb, ri thu ri" nhang: wa shid re" ci: yhoung: nyid ge'.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

YEREMIA 2:3

Israela we"- nang gi ngoo dayug wigi za: seing: zi nghoid da:. Nang gi nga" da" gyeung" shang: jonu" nghoid da:. Ngoo gi nang ri dam tab bang: yugkhang" moo" yau: khi" yo' byo, yoin" da" khyoo: nhang: kaid byid: wa.. Ngoo Aseing tid too" bye:.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

Ephesu 1:14

Hau: da" gyeungshang: venyi gi Mangsoo nya: byumyu" yi ri byid: to" da" dang: soo" khoin" ri ngoonu" shau" kham: yu wa da" pakham: nghoid nyid hau: zigi Mangsoo gi nya: da" byumyu" yi ri joeb byeung" da" loid byoin nhang: da" khyoo:- ngoonu" ri nheig shid: nheig deig nhang: nyid zi nghoid- ngoonu" gi nya: da" myonhoo: phung: yoeb, ri coung" nghei byid: nyid boem shang o".

1Korinthians 16:15

Nanu" gi Stephen yo' nya: yhoem: byu yi da" khyoo: ri se' nyid boem ago". Nyangnu" gi Akhaia meing: mo xang: shid" Khristain bue" loo mo, nghoid wigi- Mangso da" byu yi ri doo" zho" da" moozoo" moo- ab nung" da" ikoin deungkhu: byu yi, nghoid ago".

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

YOHAN 13:37

Petru gi ‹‹Aseing: we"- ciwim akhid" ngoo re jhang ayo" cang wa lha".» ‹‹Aseing: da" shid' re" nga" da" kangso' lang" ab pyam wa zi jen" jen" nghoid bye.»

MATHE 25:1

«Hau: ayo, moo mougkhoung: Mungdain: gi xu: myibung: ri ci: lho: phoo seig ri tau yu wa ga: thu' lo" da" zoomyi: daxi: yug yo" du nyid.

MATHE 8:19

Tarha" sara: dayug ju" re" wigi «sara: we" nang ju" da" joyoo khang" moo" moo ngoo we' cang loo wa» ga: re" tid.

SHOLUMON JIKHOIN" 1:3

Nang joid ci: da" xu: gi gye nam pyo: nyid da:. Re" myeing khyang" gi hau: ziri boin: soo" nhang: nyid zi nghoid. Myiyi: dayug we' re" jheddab nheigloem: mo ayo" phang: loo" nghoid da:.

1 TIMOTHI 4:3

Houg: yhang: te" da" byu yi gi loxo' myi: pheing" fang da" khyoo: joem ri jhed' xeung toem to" lho: zoo: noem, dayham" ri jang" pyam' wa shid re" jhoug" byid: lo ago". Nghoid loug we' loem jeing" bang: yo' hau: deingmain" da" khyoo: ri se' yeug mo, gi jeju" coung" nghei da" akyu" mho' lho: yo" zoo: wa shid re" Mangsoo gi hau: zoo: noem, ri phain" too" bye.

1Korinthians 7:28

Nghoid loug we'- loxo' lho: ikoin deungkhu: qei" bye: nghoid rigi- nang ce: yooboo ayoo"- ikoin deungkhu: aqei" shi" myiyi: dayug yug nghoid rigi- nyang: loxo' ikoin deungkhu: qei" rigi: ce" yooboo ayoo". Nghoid loug we' ikoin deungkhu: qei" bye: bang: nyid" khang" moo" thoung" shoug" wa da" yau: khe" khyoo- nanu" ri athoung" shoug" nhang: noug yoomo- ngoo hidsu" tid nyid zi nghoid.

AMO 6:1

Ziun boem moo nyid pyo: nyid bang: nanu" we"- Samari voo moo gau: nyu: nyid bang: nanu" we"- Israela mung" zeing mo vhujhung: yi nanu" we"- pang" thoug shoug" wa shid mo byumyu" yi zeing: foem: kham: bang: nanu" we"- nanu" gi joem: lo" abye: go".

SHOLUMON JIKHOIN" 6:8

Khokham jang" moo yhoem: seing: myhi' khyug xi: yug dangcang: myhi' shid xi: yo' zoomyi: yi atho' tid loo: sho' nyid nghoid loug we'

COUNG" NGHEI 45:14

Vedvoo: aja: ja: yo' joeb da- byisheing: joem yo' lho, yhoung ci: da" myhi' seig ri khokham shidkhoin" khyoo: shu" yhe: lo" zi shoug" nyid. Myhi, seig da" dang: cang: myhi' joem we' bo cang lo" lho: khokham jhang khyoo: shu" vang lo" zi shoug" nyid boem.

MATHE 19:12

Byu yi deung khu: ayo" qei" da" zigi khyoo: daja: ja: yoomo nghoid. Byu dayham" moo gi khu: lo bidnyid mo nyang:- deung khu: qei" wa da" yoem: abo boem. dayham" gi hau: deung khu: qei" wa da" yoem: ri shain: pyam boem yoomo deung khu: ayo" qei" boem. Dayham" gi Mangso da" Mungdain: shid re" ab noung" pyam yoomo deung khu: aqei" loo: nyid. He: da" jhoug" myeing" ri yo" lhoem: yu mo hang" we' lhoem: yu goo" baja".»

Ephesu 5:27

Hougsu" nyang: gi hau" phung: ri yung" lho' gyeungshang: nhang: ziyo' ca" yo da" khyoo: ci" we' aboo- atug atuang akoin: ajoeb, zi anghoid loo: za: joeb byeung" ce" yoo, aboo loo: sho' nya: shid re" ced" young" kyeung shang: yu da" khyoo: nghoid.

HEBRE 12:23

Nanu" gi moug: khung: mo zhayen" moo bo da" - Mangsoo yi da" gau yi phung foem: moo we' byumyu" yi dangain" da" dang: kho' su: ein: da" Mangso jang" moo we' joeb, byeung" nhang: zi shug bye: da" deing: byeung" mo, da" venyi joem jhang khyoo: we' ju" nyid boem abye: go.

Pang Shug 21:22

Hau" voogung khoug: moo gi noku yhoem: moo" ri ngoo amyang- Khasu" wim gari yoem: moo" bo da" Aseing: Mangso yo' Yang nu" gi hau" voogung mo noku yhoem moo" nghoid nyid.

Pang Shug 21:23

Hau" voo gung moo doug bang wa shid re" bid we' lham" moo" we' aca" loo. Khasu" wim gari Mangso da" myonhoo: phung" yoeb, gi hau: voogung ri thoin" pang byid: nyid lho: Yang nu" gi houg: mo myibung: nghoid.