Pang Shug 14:10 - Lacid Common Language Bible

¹⁰ Hau: tho' moo gootu: gyeungshang: da" moug: lagyoo: yi yo' yang nu" da" shid' khoin" mo fang myi: khyoem, moo shen" yhen zi shau" boem wa nghoid.

Pang Shug 14:10 交叉引用

ESAIA 51:17

Yerusalem we"- boin: to' loo we'. Nanya: gung ri nhoug" lho: too' we'. Nang ri shug wa byid: da" Aseing nya: nheig yo: da" Yooboo dam byid: khu ri nang shug abye:. Nang hau ziri shug khyo' kaid lho: apyi: akam" so" leung yen" nhang: bye:.

Pang Shug 16:19

Babelon voomoo" zeing gi soem" gang go, gyam: gyo" pyam' bye- moug: myid tho' moo voomoo" joem dangain" we' byo, yoin" lo" pyam' bye. Mangsoo gi Babelon voomoo" ri myid boin: nyid zoore"- nya: da" goem, mo nheig gyed" ein: da" so' thain: thang da" zabyid yhid" ri shug nhang: abye:.

COUNG" NGHEI 75:8

Aseing gi nya: nheug yo: phoin:” ein: da- aso, thain: da" zabyid yeing yo' byeung" da" goem daloem: nya: lo, moo: ci. Hau: zabyid yeing ri nyang: foid shoin" kaid lang" tarha" aci: bang: dangain" gi hau: ziri shoug boem bye:. Nyangnu" gi dazo, we' adeing loo sho' shoug" pyam abye: go".

COUNG" NGHEI 11:6

Nyang: gi akhyeing" ashoeb mo, da" atho' moo myiyham: dab, nyid da" myigyu: joem yo' dab nge" nyid da" fang myi: ri khyo' kaid. Nyang: gi nyangnu" ri gye" nge" loung da" lid yo" we she: nyid.

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

Pang Shug 18:6

Nanu" gi nyang: koid yhang: ti"- nyang: ri latoo: doem phug byid: ge'. nyang: nanu" ri koid da" tho' moo eig zhang latoo: doem, phug ge'. nanu" ri jhug wa shid re" goem, moo nyang: eig zhang lung: byid: ge'.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

YOBA 21:20

Yooboo thung: yi gi nyangnu" nya: yooboo dam ri voin boem baja". Myhang: thang Mangsoo nheig yo: ziri nyangnu" loem zoo: goo" baja".

TARHA" TID POIN" 29:23

Shivoo: yoo gi shoug: yo' xoo" boem" pyam wigi shang byug wa zi nghoid. Ciwe' age shoo" zoo: wa. Houg: lho: hau: joyoo mo mhain" lang" ayug loo: wa. Nanu" da" mungdain: gi Aseing wigi nheig joem: yo: wigi phyo' shoin' pyam da" Sodom yo' Gomora voomoo" joem yhang: ti"- Adma yo' Zeboim voomoo" joem yhang: ti" bue" lo" byug wa zi nghoid.

APOEM AYANG: 19:24

Aseing gi nyeigdain tung" Sodom yo' Gomora tho' khyoo: fang myi: moug: vo khyo' kaid lho:

YUDA 1:7

Sodom voo yo' Gomora voo eig loem: ri we' hau: eig vo da" ayam, aqei: moo jo, da" voogung joem ri we' myid; boin: yu" ge'. Hau: voo mo voobyu mung" byu yi koem gi akhang: tid da" moug: lagyoo: yi yhang: ti"- youg: shoo: go" lho: yug gi nyang: cang" we' aved, avhu; da" moo" ri koid nyid boem. nyangnu" gi apyaid' atoo: dadab nyid da" mi myi: khyoem, moo-yoobo dam ri shau" kham' zo: boem khyoo:- byu dangain" mo, ri bang bang nyang: zid" lhid' nhang: kaid.

ESAIA 30:33

Goonham mo Asuri khosen ri nghi wa da" khyoem' moo" myi: dajo, yoo ri soin' to" da:. Hau: zigi no, wigi gyi: da:. Houg: lho: thang" myhang: sho' zuang to" da:. Hau: ziri nghe' pyam wa shid re" Aseing gi myiyham: ri moid thu kaid loo wa.

Pang Shug 18:3

Khasu" wim ga: ri Nya da" soem" lid' moo" ein: da" zabyid yhid: yo' byumyu" ja: khang: moo" ri yed, leung loo" nhang: bye. Moug: myid tho' mo khokham" yi we' Nyang: yo' dage" soem" lid' sho: moozoo" ri zei: yoomo mougmyid tho' mo phaga byu yi gi sathi" byue" lo boem bye.

HABAKU 2:16

Nang we' myonhoo: ngilang: da" gungthid asho' ashid: zi doem shoug" wa nghoid. Nang nyang: we' shug lho: apyi: akam" bue" loo" wa. Aseing gi nang ri nanya: yooboo khu ri shug nhang: lho: re" da" myonhoo: ngilang: we' sho' phu" khyoo: thid loo" nhang: wa.

EZEKIEL 20:48

Ngoo Aseing myi: nghe' kaid ziyo' hau: ziri hang" wigi we' ayo" said pyam ziri nyangnu" dangain" bang: se' loo goo" wa» ga: tid.

YEREMIA 25:27

Hau: thang: Aseing ngoo ri «Nyangnu" ri gyi koid wa ngo wigi nhang: kaid da" gyipui" gang mo nyangnu" yed sho' dug sho' leung loo" sho' ayo" doem too' loo: sho' shug goo" wa shid re" Israela da" Mangsoo yoem bo da" Aseing ngoo nyangnu" ri amyeing" byid: da" khyoo: ri byumyu" yiri tid kyoo" we'.

ESAIA 34:9

Edom gyid lang joem gi gaiddaya bue" lo" byug lho: myidzhoo" gi fang bue" lo" byug wa. Damung" goin" gi gaiddaya nge" yhang: ti" nge" loo wa.

ESAIA 29:9

Xo' lho: ko" nyid ge'. Xo' lho: myo, jid nyid ge'. Zabyid yhid: aboo loug yed nyid ge'. Daja: we' ashug loug leung baid yeing" ge'.

MATHE 26:39

Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

MATHE 20:22

Yesu gi «nanu" ce: noem mho' nyid zi nanu" nyang: asi nghoid ago". Ngoo shau" wa da" kyi" khyeug goem ri nanu" yo" shug wa go" la"» ga: wigi myid: nyangnu" gi «ngoonu" yo" shug wa» ga: phoug tu".

NGOUG JI: 4:21

Edom yo' Uza voobyu yi we"- yi nyid ge'. Nanu" yo" ngei pyo: uri ngei pyo: nyid ge'. Nanu" da" yau: khe" kyi" khyeug khyoo: gi ju" lo nyid bye:. Nanu" gung cen: so" leung baid yen" ziyo' sho' thu' goo" wa.

YEREMIA 51:57

Ngoo gi nyangnu" da" vhoebkhang" bang: ri phajhi" boo bang: ri vhujhung: yiri yo' gyizoo: yiri yhid: yed nhang: wa. Nyangnu" yhoeb lo" wigi khanham we' ato' loo loo: goo" wa. Ngoo khokham tid too" bye:. Ngoo gi myhang: thang Aseing nghoid.

YEREMIA 49:12

«Yooboo dam byid: zi ashau" eung: da" bang: lang" yooboo dam byid: da" koem: ri shug ca" ago". Yooboo dam ashau" lho: nanu" loid wa ein: jhoo: go" rhe". Anghoid- hau: koem: mo nanu" shug ca" da:.

COUNG" NGHEI 91:8

Akhyeing" bang: gi khayhang: te" da" shid: gyoin' thoung" shoug" nyid ziri nang myang wa zi nghoid.

COUNG" NGHEI 60:3

Nang gi re" byumyu" yiri gyi" sho' phu" zoo: nhang: bye:. Ngoonu" gi yhid: yed mo, yhang: ti" apyi: afeing: daso" yen".

COUNG" NGHEI 37:34

Aseing moo: nheug byu nyid wigi nyang: pyeung: to" da" dang: ri tam" gyo: nyid we'. Nyang: gi nang ri mungdain: byid: khyo" nang ri coung" nghei ngi: shab wa. Hau: lho: akhyeing" ashoeb bang: rigi koin" thu pyam ziri nang shau" myang wa nghoid.

YOBA 18:15

Akhid" noo adab sho' fang bain du" sain" thang: ri yugkhang" moo" nyang: nya: zoem" khoug: moo yo" nyid boem wa.

COUNG" NGHEI 73:10

Hougsu" koid nyid khyoo: gi Mangso byu yi lang" nyangnu" jhang khyoo: lheung: vang lo" boem wigi nyangnu" tid da" khyoo: ce ja: ri nghoid loug we' so, kho' tung" loem" jeung" nyid ago".

COUNG" NGHEI 52:6

Deung byeung" da" byu yigi hau: khyoo: ri myang yoomo gyoug lo boem wa zi nghoid. Houg: lang" Nyangnu" gi nang ri yi moug thui: yo' tid zigi

EZEKIEL 38:22

Ngoo gi nyang: ri noophyoo' yo' suid" thu dam wigi yooboo dam byid: wa. Moug: yo' leigvoo tung: byung: joem yo' dage" myi: yo' fang lheig wigi nyang: yo' nya: da" gyidab moo we' nyangnu" shoid moo bo da" byumyu" myoo" sho' bang: jang" moo we' foid shoin" wa.

MARKU 8:38

Khasu" wim ga: ri Mangsoo ri aloem khau: ziyo' akhyeung" ashoeb da" he: pyaid moo ngoo yo' nga" jhoug myeung" ri sho' su: hang" nghoid lug we' byu nya: zoo: gi nya: pho, phung" yoeb bang yo' gyeungshang: da" moug: lagyoo: yi yo' dage" ju" re" da" uri nyang: ri sho' thu' nhang wa nghoid.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

2 THESALONI 1:7

Nyang: gi kyi" khyeug jam jau shau" nyid da" nanu" yo' dage" ngoonu" ri we' dajhi' dathang: khyam: sa khyoo: ri shau" yu nhang: wa zi nghoid- nyang: gi yoem: moo" bo da" mau: lagyoo; yi yo" dage" myiyham: doem yo' moug: khung: mo thu re" da" uri.

Pang Shug 15:7

Dei noem gougnyhoug myid du: mo dadu: gi pyaid di du: moo dadei nyid da" Mangso nheig khoo" yo: da" ziyo' byeung" bo da" sheing: goem, nyhed loem: ri moug: lagyoo: yi nyhed youg bang: da" lo, moo zheung: ab, byid.

Pang Shug 19:15

Byumyu" bain sho' bang: ri oung: pyam' wa shid re" nya: da" nhoid mo tho' da" lhab, sham: thu' lo nyid. nyangnu" ri we' joto' lham: doung: wigi vhoeb, khang" nyid wa zi nghoid. Gyi: sheung: myhang: thang Mangsoo nheig gyed" da" - zabyid xoem: zhung: zeing moo nyang: nang: jhoeb, kaid' wa.

Pang Shug 20:14

Houg: lang" shid: zoug: yo' moovo, moug: gi hau" myi: gyid' thoem" moodu" zei, pyam zi shau' ago". (Hau" myimi: thoem" gieig lheing: ein: shid: da" khyoo: nghoid.