NEHEMIA 10:31 - Lacid Common Language Bible

³¹ Dougno: Bidnyid anghoid lang" gootu: gyeung" shang: bidnyid da nyid" nyid" moo tungbau byu yi ngoonu" ri shivoo: anghoid lang" gootu: daja: ja: re" oung" byid: boem nghoid rigi nyangnu" mo ngoonu" aqei: wa. Nyhed zain ju" khang" moo" ngoonu" yoo we' aphug wa. Houg: lho: ngoonu" yu ca" da" jhen: dangain" ri we' phyed pyam byid: wa.

NEHEMIA 10:31 交叉引用

XOIN" NGEI" 23:3

Nanu" gi nanu" nya: moo" koid wa shid re" khyug nyid" yo" da:. Nghoid loug we' nyhed nyid" nyid" gi Dougno: Bidnyid- doug no yu da" bidnyid nghoid ein: ziri boin: nyid ge'. Hau: nyid ri moo" age zei: nghoid loug we' noku ku wa shid re" zeing foem: nyid ca" da:. Nanu" khamoo: nyid nyid Dougno: Bidnyid gi Aseing da" bidnyid nghoid.

THU' LO" MOUGSOUG" 20:10

Nghoid loug we' nyhed nyid" nyid" ngoo ri shugbyid: to" da" Dougno: Bidnyid nghoid. Hau: nyid" rigi nanu" nyang: we' nanu" nya: zoo: yi we' nanu" da" join yi we' nanu" da" gougnyhoug we' nanu" da" mung" moo nyid nyid da" tungbau yi we' dangain" gi dayug we' moo" yo" zei: wa zi anghoid.

ESAIA 58:6

«Ngoo vho: da" zoo: shug jang" khyoo: gi hid: su" nghoid. Doin: zeig too" shau" bang: da" jangcoo" joem ri yo' tarha" adeingmain" da" kyoug: ri khyoid pyam' byid: wigi doin: zeig too" shau" bang: ri pyoin' kaid khyoo:.

2 KHOKHAM MHOOMYID: 36:21

Hougsu" Aseing gi Lapi: Yeremia nhoid khyo" «Dougno: Bidnyid akoid loo: theung: to" ziri doem byeung byid: khyo" Mungdain: ri nyhedxi: zain jham" coug: youg to" too" wa.» ga: tid to" da" dang: joeb byeung" lo da:.

XOIN" NGEI" 23:21

Hau: nyid" ri nanu" da" moo" ciri: we' azei: goo". Nghoid loug we' noku coung" nghei wa shid re" dage" zeing: foem: nyid ge'. Ju" loo wa da" ayo, dangain" nanu" da" amyed ashen yigi nyangnu" khamoo: nyid nyid he: thung" tarha" ri cang ca" ago".

XOIN" NGEI" 16:29

Vhoo: moo: tid to" da" thung" ri: joem gi ju" loo wa da" ayo, akhyeing: dangain" moo: cang yhe: nyid ca" da" khyoo: joem nghoid. Lhammoo" nyhed khyab daxi nyid" ein: nyid" ri Israela byumyu" yi yo' nyangnu" akhoug: moo: nyid da" tungbau byumyu" yigi zooshug jang" pyam ca" ziyo' ce" moo" we' age koid wa zi nghoid.

THU' LO" MOUGSOUG" 12:16

Xang: shi" nyid" yo' nyhed nyid" nyid" rigi nanu" noku coung" wa shid re" zoebphung: koid ca" da:. Nanu" zoo: shug nyeung moo" zoo" mo jain" gootu: ce: moo" we' hau: bidnyid joem moo ayo" koid wa.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

KOLOSE 2:16

Hougsu" nghoid yoomo zoo: noem shug noem, yo' sen: khyo" we' ayo, bidnyid moo cang lho: lhoo, xain" nyid" yo' gyeungshang: Bidnyid mo pui" joem yo' sen: lho: hang" wigi we' nanu" ri yoobo dang: aphyed' nhang: go".

MATHE 6:12

Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

THU' LO" MOUGSOUG" 34:16

Nanu" da" yuggi zoo: yigi tungbau myiyi: zoo: yiri lo, xo' yu wa zi nghoid. Nyangnu" gi ngoo ri jhug azug jhang" khyoo: nyangnu" ri shu" yhe: lho: nyangnu" da" tungbau yu phara" ri shu" no' loo wa.

NEHEMIA 13:23

Hau: ayo, moo ngoo gi Yuda yuggi myoo" sho' yug gi Ashdod- Amon yo' Moba mo myiyi: yiri lo, xo' yu to" boem ziri we' shoug" se' yu bye:.

NEHEMIA 13:27

Houg ri ngoonu" gi nanu" da" leig ri yu" lho: tungbau myiyi: yiri lo, xo' da" khyo" Mangso dang: ri acang yo" koid wa la"» ein: tid bye:.