MIKHA 6:8 - Lacid Common Language Bible

⁸ Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

MIKHA 6:8 交叉引用

DANG: ZHOEM 21:3

Deingmain" ziyo' nyeung veung" khyoo: ri koid we' hau: zigi Aseing ri ngei" byid: wa xoin" du: ci: yhe: tho' re" vho: ngei nheig shed: khyoo: nghoid nyid.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

YEREMIA 22:3

Hau: zigi «Ngoo Aseing gi deingmain" ziyo' jo ziri koid wa shid re" nanu" ri amyeing" byid:. Mhau' fain" zi shau" da" su ri nyang: ri mhau' fain" su: da" lo, mo goem loem byid: we'. Tungbau byu yi coug" zoo: yi cougmoo" yiri age zi akoid goo"- azeig zoo: goo"- he: gyeung" shang: joyoo moo ce: yooboo ayo" da" bang: ri asaid pyam go".

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

1PETERU 3:8

Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.

LUKA 6:36

Nanu" da" nya: phoo Mangsoo gi jheddab nheig se' khyeig yhangti"- nanu" we' jheddab nheig khyeig go" nyid ge'.

LUKA 11:42

Pharishe yi nanu" gi joem: loo" goo" wa. Nanu" gi nghang" pho, nyoug yu: fu- shabain sheing: nham: mo ju sho' to xi: boem mo daboem da" alu: kaid boem nghoid loug we' myonhoo: khyen: ziyo'- Mangsoo ri jheddab deung main" khyoo: aboo. Nanu" gi daxi: boem mo daboem da" alu: kaid zi za: anghoid. Myo, nhoo: akhyen: ziyo'- Mangsoo ri loem: khau gyoug phau" khyoo: we' bo koid: tho.

AMO 5:24

Hau: gungthid tarha" nyeung veung" khyoo: gi gyid zoo: gyung: su" deing byeung" da" khyoo: gi khanham we' akyoug kain" lo" da" gyid moo" lang su" yau loo" nhang: nyid we'.

MATHE 5:7

«Subi" ri nheing se' khyeig mo, gi ngilho' boem wa. Khasu" wim gari nyanu" nyang: ri Mangsoo nheig khyeig zi doem shau" boem wa.

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

APOEM AYANG: 18:19

Nyang: gi nya: zoo: yi yo' amyed ashen yigi ngoo ri phau" myang: lho: jo da" khyoo: yo' deing byeung" da" moo" zei: wa shid re" tid wa su: khyo" ngoo gi nyang: ri khyen: too" bye:. Nyangnu" tam" gyo: boem nghoid rigi ngoo we' nya: shid re" dangain" koid byid: wa ein: ngoo dangsoo" byid: too" bye:» ga: tid.

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

HOSEA 12:6

Houg: yoomo akhid" Yaku da" amyed ashen" yi we"- nanu" da" Mangsoo ri loem khau: lho: nya: jhang" khyoo: lheing: tau" loo we'. Jhug zug lho: deingmain" nyid we'. Houg: lho: nanu" da" Mangso moo" zei: wa ziri nheigloem: sheing: sheing: to" lho: lang" nyid we'.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

MATHE 5:3

«Venyi: moo asho" ajhen: nghoid nyid mo, gi ngilho' boem wa. Khasu" wim gari Mougkhung: da" mungdain: gi nyangnu" shau" seing: boem wa zi nghoid.

ZEPHANI 2:3

Aseing da" amyeing" dang: ri gyo: yu da" nheigloem: khyo' nyid mung" byu yi we' Aseing jhang khyoo: doem lheung: loo we'. Deingmain" da" moo" ri zei: lho: Aseing shidkhoin" moo nanu" da" nheigloem: ri khyo' shug we'. Hougsu" nghoid lang" gi Aseing da" nheig joem: yo: da" bidnyid toin" shed lo da" uri shen" yhen dam byid: jang" mo nanu" yo" loid byoin loo" goo" abe.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

COUNG" NGHEI 37:26

Nyang: gi ayo, khang moo agoin' ayu: byid: nyid wigi gooji yiri yo" jhed" byid: nyid. Nya: zoo: nya: myid: yi we' jeju" jhungshug bue" nyid boem.

NEHEMIA 9:13

Sina boem moo nang gi mougkhung: mo gyoo" re" da:. Nang gi re" byu yiri dang: ji wigi Nyangnu" ri ge da" Tarha" yo' jo da" jhau" shid dang: joem byid: da:.

COUNG" NGHEI 112:4

Nheig se' khyeug khyoo: nheig khyeug shoo" se' myen: go" khyoo: yo' deingmain" da" byugi yi shid re" bidbang gi moug: coid moo: bang yi jo.

NGOUG JI: 3:26

Houg: yoomo ngoonu" khyo" nheigloem: sheing: sheing: to" lho: lang" nyid wa. Nyang: wigi ngoonu" ri khyoid yu wa zigi lang" nyid jang: ge da" zi nghoid.

COUNG" NGHEI 112:9

Nyang: gi ca" nyid yo nyid su: ri agoin' ayu: byid: gam nyid wigi nya: da" nheug khyeug khyoo: gi khanham we' yoem: nu: lo" khyoo: ajo. Nyang: gi amyeing" yoem: so' yo' phau" myang: khyoo: ri shoug" yu loo wa zi nghoid.

COUNG" NGHEI 73:28

Nghoid loug we' nga" shid re" koem gi Mangso jhang yo" tain" tab yhe: lo" khyoo: phung" yoeb bo da" Aseing Mangso jang" mo goem loem byid: khyoo: shoug" kham: yu lho: nyang: zei: bye: da" moo" zoo" joem dangain" ri yo" tid fu" wa zigi khayhi' mau" pho" khyoo: nghoid lha".

2 KHOKHAM MHOOMYID: 34:27

Yerusalem yo' voobyu yiri ngoo khasu" yooboo dam byid: wa ein: kyug nhain' ziri nang shoug" gyoo: lang" nang nung myid yo" wigi nga" shidkhoin" moo nanya: gung ri nyhoem: khyo' nheigloem: thid da- nanya: byimi ri lang: ceig lho: ngau da:. Ngoo gi hau: joyoo ri yu" gyoug sho' koid pyam wa. Hau: joyoo myeing ri nheing" khoin" khyo" ci: loo goo" wa. Nghoid loug we' re" akyu" mho' dang: ri ngoo shoug" gyoo: bye:.

YAKU 2:20

Hau: tho' moo gootu: hang: su: we"- moozoo" abo da" loem" jeung" khyoo: gi akoem: za: danghoid ziri si' nau la".

Roma 7:16

Ngoo gi - ngoonyang: anau koid' da" moo" ri zi nyid da" uri Moshe da" tarha" deingmain" nyid khyoo: ri ngoo yhen: yu.

2 KHOKHAM MHOOMYID: 32:26

Nghoid loug we' lo" thang moo Hezekia yo' Yerusalem byu yigi nyangnu" nya: gung ri nheigloem: nyhoem: khyo' ago". Houg: yoomo Aseing gi Hezekia shid yo, ju" sho' mung" byu yiri yooboo dam abyid: nghoid da:.

1 SAMUELA 12:23

Ngoo koem gi nanu" da" shid mo akyu" amho' byid: nyid loo: nghoid yoomo Aseing ri ngoo shoid bye: khyoo: ri Aseing gi khyam" sa: byid: nyid baja". Hau: gungthid nanu" cang yhi: wa shid re" kha: zigi ge ziyo' deingmain" khyoo: nghoid ga: ziri ngoo nanu" ri jhau" byid: wa zi nghoid.

Roma 9:20

Bid noem phoo we" nang gi khate" su: nghoid lho: wigi Mangsoo: ri hidsu" yo" myid: lha". Phain" too" su: wigi phain" to" Aseing ri - Aseing nang ci koid' ngoonu' ri phain" to" ein: yo" myid: wa lha".

LUKA 10:42

Nghoid loug we' nang moo daja: ca" shi"- Mari gi jo da" ziri khyen: yu abye:. Hau: ziri nya: jang" mo hang" we' ayo" lhoid yu loo:- ga: tid.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

2 KHOKHAM MHOOMYID: 33:23

Nghoid loug we' nya: phoo yhang: ti" anghoid. Nyang: gi nheigloem: anyhoem: khyo' ziyo' Aseing shoid khyoo: we' aphug loo nghoid da:. Nyang: gi nya: pho tho' lang" yooboo je koid da:.

2 THESALONI 2:16

Yha" da" Aseing Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

APOEM AYANG: 5:22

Hau: thang: Enug gi Mangsoo yo' dazoem" dakhoug: zain loem: 300 nyid nyid lho: gootu: zooshang: yiri khu: kaid bye:.

XOIN" NGEI" 26:41

Ngoo ri nyangnu" jhang gyi phug koid nhang: lho: nyangnu" da" gyivo mungdain: khyoo: pyoung" she: loo" shau" nhang: wa. Lo" thang ri nanu" amyed ashen yigi nheigloem: nyhoem khyo' wigi nyangnu" gyi koid ziyo' yooboo shid re" dam ri bain kham: pyam lang"

2 KHOKHAM MHOOMYID: 33:19

Khokham da" akyu" mho' dang:- hau: ziri Mangsoo gyoo: byid: da" dang: phyed- houg: lho: nyang: myid athid shi" uri nyang: shoid da" yooboo zhayhen"- nyang: koid da" akhyeing" da" moo"- tungbau yu phara" ri no' da" joyoo joem yo' nyang: koid da" yu phara" myhi' Ashera da" soolhoo: joem yo' nyang: no' da" yu phara" soolhoo: joem khyoo: dangain" ri Lapi: yi mhoomyid: pug moo lhid" xoem" to" ago".

1Korinthians 7:16

Khristain yhoem: seing: myhi' we"- nang gi re" da" yhoem: seing: phoo, ri ayo" khyoid yu wa ein: khasu" yo" tid nyid lha" Houg: yo' dakhyoo"- Khristain yhoem: seing: phoo, we"- re" da" yhoem: seing: myhi' ri ayo" khyoid yu wa ein: khasu" yo" tid nyid lha"

2 KHOKHAM MHOOMYID: 30:11

Yerusalem khyoo: ri" wa myid bo da" Ashe- Manashe- Zebulun byumyu" kung: mo dayham" houg: moo nyid boem ashi".

LUKA 12:14

Yesu gi Byu nang we"- Re" shid' re" hang" su: wigi ngoori tarha" agyi khyo" we' moid gam byid: wa su: khyo" we' nyheing to" lha"» ga: doem myid.

TARHA" TID POIN" 30:15

«Akhid" nyid" ngoo nanu" ri ge ziyo' akhyeing" zi kangso' dei ziyo' shid: ziri khyen: yu wa khyoo: byid: too" bye:.

ESAIA 56:1

Aseing gi nya: byumyu" yiri «Deungmain" ziyo' jo ziri koid we'. Ciwim gari amyang" ri ngoo nanu" ri khyoid yu wa.

EZEKIEL 33:14

Ngoo gi akhyeing" su: dayug ri shid: wa ein: tid poin" too" nghoid loug we' nyang: gi yooboo shoid nyid ziri theing: pyam lho: jo ziyo' ge da" khyoo: ri koid lo nghoid ri

MIKHA 6:9

Aseing ri gyoug phau" zigi phajhi" da" apoem: nyang: nghoid. Nyang: voomoo" ri tid zigi «Voomoo" khoug: moo zheung: foem nyid da" mung" byu yi tam" gyoo: ge'.

ZEKHARIA 7:9

Yoem: moo" bo da" Aseing tid zigi «Nanu" gi deingmain" da" tarha" dang: kho' lho: yugkhang" moo" nya: mang: nya: nhung" ri nheig khyeug go" wigi hau: nheig khyeug nheigloem: toin" shed go" nyid we'.

TARHA" TID POIN" 27:10

Houg: yoomo nyang: ri tam" gyo: wigi akhid" nyid" ngoo nanu" ri byid: da" nya: tarha" dangain" ri cang nyid ge'» ga: tid.

YOSHU 24:14

Yoshu gi xo' lho: «Akhid Aseing ri ngi: shab wigi nyang: ri deing: deing: main: main: jhug zug tung" dei byid: nyid ge'. Nanu" phoug" phyid" yi Mesopotamia mung" yo' Egutu mung" moo lhung no' da" yu phara" ri yu pyam wigi Aseing ri kyeing" dei byid: ge'.

COUNG" NGHEI 101:1

O" Aseing we" nga" da" jikhoin" dang: gi nheigloem: zung" ziyo' nyeung vho, nyid yoomo ngoo nang ri jihkoin" yo' khoin" nyid.

YEREMIA 9:23

Aseing tid zigi Phajhi' boo bang: gi nyangnu" da" phajhi" shid re" age phoug:- Yoem: boo bang: gi nyangnu" da" yoem: moo age phoug: tid. Jonu" yoo" bang: we' nyangnu" da" jonu" yoomo age phoug:-

YEREMIA 22:16

Nyang: gi myung shoo" bang: ri tarha" deing byeung" da" khyo" tarha" dang: phyed wigi dangain" bang: nyid gi yab ge ago". Hau: zigi Aseing ri se' da" dang: kang: nghoid da:.