MATHE 27:63 - Lacid Common Language Bible

⁶³ «Zoug: Phoo we"- hau: da" byu mhoug phoo gi dei nyid shi" uri ‹ngoo gi shid thang" mooseom" nyid ri doem dei loo wa› ga: nyang: tid tid zi ngoonu" xoem" too" shi.

MATHE 27:63 交叉引用

LUKA 9:22

Nyang yang: nu" ri i- byu da" nya: zoo: gi kyi" khyeug khyoo: myo" sho' shau" zoo: wa zi nghoid. Yuda Ludaid vhu" jhung: yi Khai jung zeing yi yo' tarha" sara: yi wigi ngeug pyam' zi shau" lho: said' pyam' goo" wa zi nghoid- nghoid loug we' soem" nyid" thang: ri doem dei to' loo wa zi nghoid- ga: tid kyo.

MATHE 16:21

Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.

YOHAN 2:19

Yesu phougtu" zigi ‹‹He: no ku" yhoem: moo" ri phyo' pyam' ge'. soem" nyid" agyoo: moo ngoo doem yo" koid; too" wa.»

LUKA 18:33

Nyangnu" gi nyang: ri baid youg boem lho: said pyam boem wa. Nghoidsho' loug we' soem" nyid" kyoo: lang" nyang: doem dei to'' loo wa nghoid.

MARKU 10:34

Tungbau byumyu" yi gi byu nya: zoo: ri shikain" byi" gyoin: lho: baid wigi said pyam' boem wa nghoid. Nghoid lug we' soem" nyid" thang ri nyang: gi dei to' loo, wa.

MARKU 8:31

Yesu nya: cangzoo: yi ri jhau byid: zigi byu nya: zoo: gi khyeug shu: da" khyoo: myoo" sho' ja: kham: zoo: ca" wa nghoid-zoug: ludaid, yi Khainjung zeing yi yo' tarha" sara yi wigi ngeug pyam zi shau" lho: said pyam zi shau" wa. Nghoid loug we' soem" nyid lang" doem dei to'' loo wa ga: jhoug" byid.

MATHE 20:19

Hau: thang: ri nyangnu" gi nyang: ri juang" yi baid youg lho: pyang" zheung: moo baid jen" too" wa shid re" nghi: zain byumyu" yi da" lo, moo ab pyam boem wa zi nghoid. Nghoidloug we' nyang: gi soem" nyid" lang" doem dei to'' loo wa zi nghoid» ga: tid kyo.

MATHE 17:23

Nyang: ri said pyam goo" wa hau: thang: ri soem" nyid byeung" loo lang" Byu nya: zoo: gi shid: jang" mo doem dei to'' loo wa» ga: tid. Nya: cangzoo: yi we nheigloem: gye" agyo: pyo: boem loo.

MATHE 26:61

He: yug gi «‹ngoo gi Mangso da" noku yhoem: moo" ri phyo' pyam lho: soem" nyid" da" agyoo: moo doem yo" tu: shab too" wa› ga: tid su nyang: nghoid» ga: sagsi: to' kham: ago".

2~KORINTHU 6:8

Ngoonu" gi coung" byid: nghei, byid: zi we' juang" yi pyam zi we-shau" nyid boem. Ngoonu: ri mhoug zoo: mhoug shug yen" mo, ga: we' jho: ago". Nghoid lug we' ngoonu" gi deingmain" da" dang ri da tid.

YOHAN 7:12

Byu phung: moo" yi gi Yesu yo" sen: lho: so' so' ga: gau" doem go" nyid boem. Byu dayham" bang: gi he: yug gi byu gi nyang: danghoid ga: tid go" nyid boem. Dayham" tid nyid zigi byu gi anghoid mung" byu yi ri khyoo: shu" vhang: loo" su: danghoid ga: tid go" nyid.

LUKA 23:2

Hau: thang: ri nyangnu" gi he: yug gi byu phung: yi ri khyoo: vhang: nhang: wa shid' re" Ketha khokham" ri khang" dug ayo" kaid ga: tid khyoo: ri we' ngoonu" nyang: myang boem bye: ga: tid - Hau: lho:» ga: tid yoomo ngoonu" nyang;r i: myheig lho: nyang: ri yooboo foin boem.

YOHAN 7:47

Pharishe gi «Nanu" we' nyang: mhau' da" khyoo: ri kham: zoo: bye: go" rhe"» ga: tid boem.

MATHE 27:64

Houg: su" nghoid yoomo nya: loeb moo soem" nyid ju" sho' goo" lho: myhed" pyam lho: zung" nyid ca" shi" wa amyeing" byid: kaid we" ga: yhe: tid boem. Houg: su" akoid to: rigi nya: cangzoo: yi gi nya: mang ri re" khau" lho: vi: khyoo:- ayo" ci: loo" wa zigyo' nyang gi shid: jang" mo doem dei loo bye ga: subi" ri ayo" tid fu" wa. Houg: lang": gi xang: shid" mhau to" da" tho' moo thang: ri mhau da' khyoo: gi je shoid vhang: loo" wa yhe: tid boem.»

MATHE 28:6

Nyang: gi hid: moo: anyid loo:- nyang: tid ziyo' dakhyoo ti" dei to' loo bye. Re" yu" ge' nyang: ri kaid to" joyoo ri yu" yu" ge'.

MARKU 9:31

Khasu" wim ga: ri Yesu gi nya: cangzoo: yi ri byu nya: zoo: gi sube" da" lo, moo ab byid: pyam zi shau" wigi nyangnu" gi nyang: ri said pyam boem wa nghoid. Nghoid loug we-said pyam thang: ri soem" nyid" ri doem dei to'' loo: wa ga" jhoug" byid: bye.

LUKA 18:31

Yesu gi cangzoo: daxe: eig yug ri nya: nam moo khe: yu lho: tid zigi tam" gyoo: ge'. Ngoonu" gi Yerusalem shoid khyoo: gyung: so" lo" nyid boem. Byu nya: zoo: khyoo: yo" sen: wigi Lapi: lhid" too" khare" da" byu nya zo: deungmain" ziyo' khyoo: deingmain" ziyo' bue" loo wa.