MATHE 26:56 - Lacid Common Language Bible

⁵⁶ Nghoidloug we' he: moo" dangain" bue" loo zigi jhoem: pug moo lapi: yi lhid" to" ziyo' dakhyoo ti" deing byeung" loo wa shid re" bue" lo zi nghoid» ga: tid. Hau: uri nyang: nya: cangzoo: yi dangain" mo, myeung: too" khare" lho: phang: sain" lo" byug boem bye.

MATHE 26:56 交叉引用

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

YOHAN 16:32

Nanu" gi nyang: nya: yhoem: khyoo: nyang: phang: gang: go" lho:. Ngoo we' ngoo nyang: kyeing" ri nyhed: pyam' khoo' shau" wa da" ayo, gi akhid" lang" ju" loo bye. Nghoidloug we' phoo Mangsoo gi ngoo yo" dage" nyid yoomo ngoo gi ngoo nyang: kyeing" nyid zi anghoid.

MATHE 26:31

Hau: thang: ri Yesu gi «jhoem: mungdang: moo yang zung" su: ri said pyam lang" gi yang joem gi abyoo asain" bei, sain" loo" wa ga: tid to" ziyo' dakhyoo" ti" akhimyen nyang: nanu" gi ngoori she: pyam too" kho' lho: phang: sain" lo" boem goo" wam: bye.

MATHE 26:54

Nghoidloug we' he: moozoo" gi Jheom mungdang: moo cibue" loo wa» ga: tid to" khyoo: gi khasu" koid: deing: b yeung loo wa lha".

2 TIMOTHI 4:16

Xang: shed" lheing: ngoo tarha" dang: phyed zi shau" nyid uri nga" da" gung ri ngoo tid goem, yu nyid uri nga" thang: khyoo: bo yab, lho: hang" we' abo tid byid: boem, byu dangain" bang: gi ngoori she: pyam' to". boem, bye- Mangsoo ri we' nyangnu" hid: su" koid boem yoomo latoo: aphug byid: baja".

ACTS 1:16

Nga" Mang: nhung" yi we-Yesu ri myheug mo, ri khyoo: shu" shed su- Yuda yo' sen: lho: wigi gyeungshang: da" Venyi khyo" David da" nhoid mo tid to" da-Jhoem: mungdang: gi zung: loo wa zi nghoid bye.

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

NGOUG JI: 4:20

Nyangnu" gi ngoonu" da" kangso' apoem: ayang: ri to" da" Khokham phoo ri jhen" vang lo da" yugkhang" moo" mo, ngoonu" ri goem loem byid: wa ein: ngoonu" myid loem too" su: Aseing wigi: khyen: to" su: ri myheug yu pyam byed: boem ago".

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

ACTS 2:23

Mangsoo gi nyang: soin: to" ziyo' dakhyoo" ti" Yesu ri nanu" da" lo, moo ab pyam wa shid re" myed phyed' too" su: nyang: nghoid da" lo, moo ab pyam wa shid re" myed phyed' too" su: nyang: nghoid bye. Nanu" gi yooboo yoo" bang: da" lo, yo' Pyang" zeing moo nyang: ri baid' jen" said pyam nhang: khyo" Yesu ri said' pyam boem bye.

DANIELA 9:24

Nyhed xi: zain nyhed lheing: gi re" byumyu" ri yo' re" da" gyeung" shang: voomoo" ri yooboo yo' akhyeing" ashoeb jang" mo loid byoin nhang: wa shid re" Mangsoo xoem" too" byid: da" ayo, akhyeing: nghoid da:. Yooboo ri khyoid pyam byid: lhoo apyaid atoo: moo tarha" nyeung veung" ziri zhug to" loo wa. Houg: lho: yoeb myang yo' lapi: dang: gi jo loo wa. Houg: lho: gyeung" shang: Noku Yhoem: Moo" we' doem shugbyid: loo wa.

ESAIA 44:26

Nghoid loug we' nga" dei zoo: Lapi: pe: lang" nga" da" myid soin: khyoo: joem ri toin" shid wa shid re" nga" lagyoo: ri nhang: kaid lang" ngoo gi hau: myid soin: khyoo: joem ri koid byid: wigi lapi: dang: ri joeb byeung" loo nhang: wa. Voo byu yi doem nyid loo goo" wa ein: Yerusalem ri ngoo tid. Nyangnu" doem de: nyid loo wa ein: Yuda voomoo" joem ri ngoo tid. Hau: voomoo" joem gi byo, yoin" jo, jang" mo doem to' loo goo" wa.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

MATHE 21:42

Yesu gi «lug yhoem: zhug mo she: lhei" to" da" lugloem: gi yhouggyeing: thang da" yhoem: jhoin mo lugloem: bue" loo bye. He: da" moo" gi Mangsoo koid: da" moo" nghoid. ngoonu" da" shed khoin" moo mau" pho" moo" bue" loo bye: nhung:- ga: lhid" to" jhoem: dang yi ri nanu" anghab' yu" goo" la".