MATHE 25:40 - Lacid Common Language Bible

⁴⁰ Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

MATHE 25:40 交叉引用

DANG: ZHOEM 19:17

Myung mo, ri: byid: zigi Aseing ri jhid" byid: ziyo' du nyid. Aseing gi nang ri doem tau" xab, byid: loo wa zi nghoid.

DANG: ZHOEM 14:31

Ashoug" ajhen: bang: ri nang doin: zeig zo: nghoid rigi nyangnu" ri: phain" so: to" Mangsoo ri nang aphoug" akhyoid koid nyid khyoo: nghoid- nghoid loug we' asho" ajhen: bang: ri nheig khyeug da" nheigloem: yo" toin" shed su: koem gi Aseing ri noku coung" nghei da" aved nghoid nyid.

MATHE 10:42

Hang" nghoid loug- lagyoo: pho, da" myonhoo: ri tu: lho: he: da" nga" cangzoo: nge thang su: mo dayug yug ri gyid jham" dagoem shoin: jhoug nghoid ri hau: yug gi nya: aphoug" ayo" yu loo: nyid wa zi anghoid. Ein: wigi ngoo jhug" jhug tid» ga: tid.

MARKU 9:41

Ngoo nanu" ri deung" deung tid zigi nga" byu yi nghoid ago" ga: khyo" wigi nanu" ri gyid dagoem shoin: jhug su: hang" nghoid lug we' gyeung" nyang: jhung: shug shau" kham: yu wa nghoid.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

MATHE 10:40

«Nanu" ri lhoem: kham: yu su: gi ngoori we lhoem: kham: yu bye. Ngoori lhoem: kham: yu su: we' ngoori nhang: kaid' da" Mangsoo ri lhoem kham: yu zi nghoid bye.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

Ephesu 5:30

Hougsu" wigi nyhang" gi nya: da" gung du: mo da" akung: ako'' joem nghoid nyid boem.

GALATI 5:13

Nanu" koem gi mang nhung" yi we"- loid byoin, da" akhang" yoo" goo" baja" ga: khe: yu zi shau" boem bye- nghoid loug we' hau: loid byoin, da" akhang" ri goo koid lho: wigi gung sho" da" vhoo: boo: loug gyi: nheigloem: ri nheig shid: said' wa shid re" agoo, ashoo: goo"- hougsu" koid wa gung khoo:- nanu" gi jheddab ziyo' nyang: cang" nyang: pang" thoug go" nyid ge'.

2 SAMUELA 9:7

David gi «Agyug lhe"- re" phoo Yonathan da" jeju" yoomo nang ri ngoo nheig khyeug shoomyen: wa zi nghoid. Ngoo nang ri re" phoug" Sholu seing: to" da" mougmyid dangain" ziri doem byid: wa. Houg: lho: nang nga" zoo: shug zoobui" moo khanham we' yo" zo: nyid wa zi nghoid» ga: tid bye:.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

MATHE 28:10

Yesu gi Agyug goo" ga: nya: eig yug ri tid lo" lho: nga" mang: nhung" yi ri Galile mung" khyoo: ri" wa shid re" tid ge, kyoo" ge' nyangnu" gi hau: mung" moo ngoori shau" myang goo" wa ga: tid.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

2 SAMUELA 9:1

Danyid" nyid" ri David gi «Hid moo Sholu ikoin deungkhu: mo byu dayug yug deing nyid shigo" la". Nyid nghoid rigi Yonathan da" shid re" ngoo nyang: ri jheddab myid ci: shug nau zi nghoid» ga: tid.

2~KORINTHU 4:5

Khasu" wim gari ngoonu" gi ngoonu" nya: khyoo: ri kho" kyo" zi anghoid. Yesu Khristu gi Aseing: nghoid nyid khyoo:- ngoonu" gi Yesu yoomo za: nanu" da" deizoo: yi nghoid da" khyoo: ri dakho" kyo" boem.

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

2 KHOKHAM 4:10

Khung: dang moo yab ngi dayab koid wigi yhoeb cuang- zoobui"- zhungtang - myibung: joem ri soin' byid: shang. Nyang: ngoonu" jhang lam" ri" khang" moo" houg: moo nyang: yo" theing: nyid wa nghoid da» ga: tid da:.

MATHE 25:39

No nyid ziri we' thung: loung" nyid ziri we' ngoonu" khanham myang wigi re" koem" yu" lha". Ga: tid boem.

MATHE 25:45

Khokham" gi ngoo nanu" ri deung" deing tid ba"- nge thang da" hid bang: mo dayug yug ri ‹nanu" agoin acoung: da" zigi ngoori agoin acoung: zi nghoid› ga: tid wa.

LUKA 19:38

Nyangnu" coung" nghei thui: gi Aseung: myeing yo" jure" da" khokham" phoo gi ngilho' dang: khab nyid baja" o"- Mougkhung: mougdi moo Mangsoo phung" yoeb myonhoo: yo, myenjham" nyid baja" o".

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".

YEREMIA 39:17

Nghoid loug we' ngoo Aseing gi nang ri goem loem byid: wa. Nang gyoug nyid bang: da" lo, moo nang ri ab byid: wa zi anghoid.