MATHE 23:38 - Lacid Common Language Bible

³⁸ Yu" we' re" noku yhoem: moo" gi akoem: she: pyam too" wam: bye.

MATHE 23:38 交叉引用

YEREMIA 22:5

Nghoid loug we' nanu" gi nga" amyeing" dang: ri atam" gyoo: acang yhi: boem nghoid rigi he: khokham kho" gi byo, yoin" byug wa ein: ziri ngoo nanu" ri jham' tang: wigi tid. Ngoo Aseing tid too" bye:.

LUKA 13:35

Houg: su" nghoid yoomo re" da" noku yhoem: moo" ri Mangsoo she: pyam wam bye. Nangnu" ri ngoo tid zigi Mangso da" myeing yo" gyoo" loo su: gi ngi lhoo su: nghoid ga: nang tid da" bidnyid aju" shi" ri nang gi ngoori myang loo: wa zi anghoid ga: tid.

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

LUKA 21:20

Yerusalem voo moo" ri gyivoo joem re" lheing: kham: ci: ziri nanu" myang da" uri hau: voo byo, loo" wa zi jhang bye: ein: si' loo: ge'.

LUKA 21:6

Hau: uri Yesu gi Nanu" shau" myang da" zi joem dangain" gi lug daloem: we' akhang: joyoo moo ake" too" loo: sho' byo sain" pyam da ayo, ju" loo wa" ga: tid.

1 KHOKHAM 9:7

Ngoo nyangnu" ri byid: too" bye: da" he: mungdain: mo nga" byumyu" Israela bang: ri pyoung" shu" pyam wa zi nghoid. Ngoo ri noku wa da" joyoo ngoo khab yu too" bye: da" he: Noku Yhoem: Moo" ri we' ngoo she: pyam pyam wa zi nghoid. Khyi' khang" moo" moo nyid da" byumyu" yigi Israela byumyu" yiri aphoug" akhyoid koid ziyo' anoug ashoo" koid goo" wa zi nghoid.

MARKU 13:14

Houg: su: wigi-hau: yu" dain sho' da" aco' ajhoid zigi atoo" eung: da" jo, yoo moo to" to" ziri nanu" shau" myang lang gi (Moug soug" nghab nyid su: gi dang: se' gyoo: kang: wa) Yuda mung" moo nyid mo, gi boem tho' khyoo: phang: loo" goo" baja".

MATHE 24:2

Nyang: tid «nghoid bye: zigi He: yhoem: dangain" ziri nanu" myang wa nanu" ri ngoo tid ba"- he: lug yhoem: zeing gi lug daloem: tho' moo daloem: ake" too" loo sho'- phyo' sain" khyo pyam zi shug wa nghoid.»

ZEKHARIA 11:6

(Aseing tid zigi ngoo we' mougmyid byu yi hang" ri we' nheig akhyeug loo: wa. Byu dangain" ri ngoo gi zoug: yi da" lo, moo ab byid: pyam' wa. He: mung" vhoeb zoug: yigi myid jang ri byo, yoin" loo" nhang: goo" wa. Nyangnu" da" yoem: so' mo ngoo akhyoid yu.)

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

COUNG" NGHEI 69:24

Nyangnu" da" atho' moo re" nheug yo: khyoo: foid gyoin: kaid we' re" da" nheug khoo" yo: khyoo: gi nyangnu" jang" moo: myhi: loo" baja".

COUNG" NGHEI 69:25

Nyangnu" da" zeung: foem: dab, joem gi jham" dung" khi" bui" baja". Nyangnu" da" zoem" joem moo dayug we' adei nyid loo goo" baja".

ESAIA 5:9

Myhang: thang Aseing tid zi ngoo shau" gyo: zigi «He: gyi: ziyo' ge da" yhoem: joem dangain" gi akoem: byo, jo, goo" wa.

ZEPHANI 3:6

Aseing tid zigi «Mung" byu yi dangain" ri ngoo wigi jhoid za: shoem" pyam byid: bye:. Nyangnu" da" voomoo" joem ri ngoo phyo' sain" pyam byid: wigi nyangnu" da" vang khyam: joem yo' gyipyu zung joem ri byo, sain" jo, nhang: bye:. Voomoo" joem ri phang: lhei" too" khare" boem bye:. Fu" moo" khyoo: joem moo: byu hang" we' anyid loo nghoid da:.