MARKU 8:34 - Lacid Common Language Bible

³⁴ Hau: thang: ri Yesu gi cangzoo: yi yo' mung" byu yi ri nya: jhang khe: yu nyangnu" ri nga" thang: moo cang noug su: gi nyang nya: gungri he: pyam lho: nya: pyang" zeing tu: vu, wigi nga" thang: cang goo" baja" ga: nyang: nyangnu" ri tid..

MARKU 8:34 交叉引用

MATHE 10:38

Hang" nghoid loug- nyang: nya: da" pyang" zeing ri vu, lho: nga" thang: acang rigi hau: yug gi ngoo yo" amoin: yi.

YOHAN 10:27

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

1 KHOKHAM 14:8

Ngoo gi mungdain: ri David amyed ashen mo yu wigi hau: ziri nang ri byid: bye:. Nghoid loug we' nang gi ngoo moo dang: zung" lho: nga" amyeing" dang: ri tam" gyo: ngoo jang deing to" da" moo" zoo" ri kyeing" koid da" nga" dei zoo: David yo' adu nghoid da:.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

GALATI 2:20

Houg: yoomo ngoo nya: gung nyang: dei nyid lo: zi anghoid- Khristu gi ngoo moo kangso dei nyid akhid" ngoo hid: dei nyid da" kangso gi ngoori jheddab yoomo nga" shid re" nya: kangso xoin" to' pyam da" Mangso nya: zoo: ri loem" jeung" da" khoug: moo dei nyid da"Kangso danghoid.

1YOHAN 3:16

Khristu gi yha" da" gung leig xoin" khyo" - nya: kangso' ri xoin" to' pyam byid: bye yoomo jheddab nheigloem: gyeung" zigi cite" zi nghoid ein: ziri gi ngoonu" se' boem bye. Houg su" nghoid yoomo ngoonu" we' mang nhung" yi shid re" ngoonu" kangso' xoin" to' pyam wa zi gi ge byid bye.

GYUNG: SOO" 14:24

Nghoid loug we' nga" dei zoo: Khaleb gi nya: myid avoid gooyug yo' adu go" ziyo' ngoo ri xo' wigi dang: zung" nyid yoomo nyang: joo" yhe: yu" kho' da" mung khyoo: nyang: ri ngoo shu" vang yhi: wa. Houg: lho: nya: amyed ashen yigi

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

PHILIPI 3:10

Ngoo gi Khristu ri yo" se' lo khyoo: Nyang: doem dei to'' lo da" yoem: vhoo" ri shau" myang kham, zo: wigi ngoo nya: gung du: nyang: shid: jang" mo doem dei to'' yu wa ziri nheig byu zoore- nya: da" shid: kham: ziyo' du goo" wa ziri za: ngoo vho: ngei nyid.

Roma 8:17

Ngoonu" gi Mangso: da" nya: zoo yi nghoid yoomo nya: da" byumyu" shid' re" nyheing to" da" mainkaid jeju joem ri ngoonu" shau" kham: zo: boem wa. Khristu da shid' re" Mangsoo: nyheing to" zi ri we' bo shau" kham: zo: boem wa. Khasu" wim ga: ri ngoonu" gi Khristu yo" dage" yaukhe" kyi" khyeug noo bo kham: nghoid ri - nyang: yo" dage" nya: myo nhoo: phung" yoeb bo shau" vang kham: zoo: wa nghoid.

LUKA 9:23

Houg: su" wi, nyang: gi-nyangnu" dangain" mo, ri nga" thang: moo cang noug su: hang" nghoid loug we' nyang: nya: gung ri ngeug pyam ca:. Hau: lho: nya: pyang" zeing ri nyid" khang" moo' vu, ci: lho: nga" thang: moo cang ca.

KOLOSE 3:5

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.

PHILIPI 3:7

Nghoid loug we' shid phyang" nga" shid re" amyaid' nghoid bye" ein: soin" to" da" khyoo: dangain" gi akhid" uri gi Khristu yoomo soem" lo" khyoo: nghoid ein: ngoo soin: pyam' bye.

1PETERU 4:1

Khristu gi nya: da" gung du: moo kyi" khyeug shen" yhen zi kham' bye: nghoid rigi nanu" we' Aseing: yhang: ti" kham' ca" boem wa nghoid- khasu" wim ga: ri gung du: moo kyi" khyeug kham' yu" bye: su: hang" we' yooboo yo' ci: asen: loo.

GALATI 6:14

Ngoo koem gi ngoonu" da" Aseing Yesu Khristu da" pyang" zeing mo goo tu:- ce: noem khyoo: moo we' myonhoo: sho: phau: khuang jang: ajo- Khasu" wim gari nya: pyang" zeing yoomo he: moug myid gi nga" shid mo shid: mang bue" byug wigi ngoo we' he: mougmyid shid re" shid: mang bue" byug bye.

1Korinthians 15:31

Mang: nhung" yi we"- ngoo gi nyid" khang" moo" shid: gyoin' noogyoin' za: dathoung" shau" nyid. Yha" da" Aseing Yesu Khristu moo: daloem: dadeing: za: nghoid da- yha" da" kangso moo: nanu" da" atho' moo: phau: khuang myonhoo: shoo: yoomo- ngoo hidsu" yo" tid zi nghoid.

Roma 6:6

Hau: tho' moo gootu: ngoonu" da" byu xoug" nheigloem: ri Khristu yo" dage" pyang" zeing moo baid jen" said' pyam' nhang: bye: da" khyoo: - hidsu" baid jen" said' pyam' nhang: da" khyoo: gi yooboo da" yoem: so' da" byuxoug" nheigloem: ri phyo' koid pyam' khyo" wigi yooboo join pyaid mo lhoid' byoin loo" nhang: wa zi nghoid da" khyoo: ngoonu" se boem.

LUKA 14:33

Houg: yo" dakhyooti"- nanu" mo hang" nghoid loug we' nyang: nyang: yo" da" zi dangain" atoo" kho" rigi nga" cangzoo: ayo" bui.

2PETRU 1:14

Ngoonu" da" Aseing Yesu Khristu- ngoori bang" bang nyang:- tid poin" too" bye: ziyo' dakhyoo" ti" -he: da" shid: se' gungshoo" ri khamyhang amyang" ri khyoid' she: pyam wam, bye: ziri ngoo se' nyid bye.

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

LUKA 18:22

Hau: da" dang: ri shaug" gyoo: lang" Yesu gi nang zei: ca" da" moo" daja: boo shi. Re" da" ziyoo jo, nu" bain sho' oung" pyam lho: sho" jhen: mo ri gam byid: pyam we'. Hau: thang: ri doem re" lho: nga" thang: moo cang we'. Houg: lang" nang mougkhung: moo soidgain yoo" wa ga: nyang: ri tid.

LUKA 13:24

Yesu gi Nanu" gi jhab' da" khoem" duang: moo vang wa yoem: kaid ge" byu myoo" sho' mo, we' hau: khoem" duang: moo vang wa ga: yoem: kaid boem wa. Yo" vang wa yoem: bo boem zi anghoid wigi ngoo nanu" ri tid.

MATHE 27:32

Nyangnu' thu' lo" da" uri Kureini mung" mo, Simon ga: da" su: yo" shau" go" wigi gyizoo: yi gi hau: yug ri ayoid ayu" khe: yu lho: wigi Yesu da" pyang" zeing ri bo vu nhang: ago".

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

HEBRE 13:13

Hougsu" nghoid yoomo ngoonu" we' - voogung nghe: shoid mo nya: jhang khyoo: bo thu' yhe: lo" lho: nyang: kham' zo: da" asho, ashid: aphoug" akhyoid' koid ziri coem kham zo: boem shang.

2 THESALONI 3:11

Ngoonu" gi he: da" khyoo: ri ci: wim tid lha"» ga: rigi nanu" mo byu dayham" bang: gi nei" lho: kang: so' dei nyid boem wigi ce" moo" we' azei: boem loo; za: byu gooji da" moozoo" moo vang lhu: nhoung yen" bang: nyid se' boem ziri ngoonu" shau" gyo: nyid.

1Korinthians 9:19

Hougsu" nghoid yoomo- ngoo gi hang" da" dei zoo: we' anghoid loo: za: yhoem: seing: koid su: nghoid nyid. Nghoid loug we' byu yi yo" myo: nhoo: myoo: sho' ri- yo" khyoid yu sho'- byu dangain" mo, da" deizoo: ngoo bue" loo bye.

1Korinthians 8:13

Hougsu" nghoid yoomo zo: noem khyo" nga" mang: nhung" phoo, ri- nheigloem: leung nhang: wigi- yooboo dakoid nhang: wa nghoid rigi- nga" mang: nhung phoo, aleung loo" wa shid re"- ngoo dapyaid' goin" shoo" azoo: loo: za: nyid wa.

YOHAN 19:17

Yesu gi vhu" gyab' boug ga: da" joyoo khyoo:- nya: pyang" zeing: ri vu, lho: yhe: lo. (Hau: da" joyoo ri Hebre myeing" khyo" Golagotha ga: zi nghoid.)

LUKA 20:45

byu phung: yi myoo" sho' tam" gyoo: nyid boem da: uri Yesu nya: cangzoo: yi ri tid da" zigi

MARKU 10:21

Yesu gi nyang: ri jheddab myid yo, tu: yu" lho: nang daja: ca" shi"- nang loo" shi" we-re" soid' gain jo, nu" joem ri lo" oung" pyam' lho: myoung shoo" mo, ri gam byid: we' houg: lang" nang mougkhoung: mungdain: moo soid' gain yoo" wa nghoid. Hau: lho: nga" thang: moo cang we' ga: tid da.

MARKU 7:14

Houg: lang" Yesu gi mung" byu yi ri nya: jhang khyoo: doem khe: yu lho: nyangnu" ri nanu" dangain" mo, nga" dang: ri tam" gyo: yu" lho: se' gyo: yu ge".