MARKU 11:13 - Lacid Common Language Bible

¹³ Houg: lang" Yesu gi afu' mung" jo, da" lafoem dagam ri vi" mo myang kaid. Nyang: gi ashi" zei: la' ga" lafoem zeing yang: khyoo: yhe: lo". Nghoid loug we' lafoem shi" zei: yo, anghoid yoomo afu' za: te: mung" jo, ziri yhe: myang.

MARKU 11:13 交叉引用

MATHE 21:19

Khyoo: yam moo lafoem dagam' ri myang yoomo hau: seig gam poem: khyoo yhe: lho: seig gam moo afu' tho' moo gootu: ci" we' amyang lang" Aseing tid da" zigi «Nang moo khanham we' ashi" azei: loo: baja"» ga: tid. Houg: lang" lafoem gam gi kyoug shid: loo" khari" bye.

ESAIA 5:7

Israela gi myhang: thang Aseing da" zabyid khyam: nghoid da:. Yuda byu yigi nyang: sho" to" da" zabyid nei nghoid da:. Nyangnu" ge da moo" zei: wa ziri nyang: myid lang" da:. Nghoid loug we' hau: gungthid nyangnu" gi byu said moo" koid ago". Nyangnu" jo zi koid wa ziri nyang: myid lang" da:. Nghoid loug we' nyangnu" dam kham zoo: bang: gi tarha" deing byeung" ziri mho'’ yoid nyid ago".

LUKA 10:31

Khainjung agyi dayug gi gyung: so" lo" ri hau: nhoug lheing: too" su: ri khyoo: moolo" myang. Houg: loug we' nyang: jang" pyam khare".

1 SAMUELA 6:9

Hau: thang: ri hougsu" lo" ziri yu" nyid ge'. Hau: zi Bed Sheme voomoo" khyoo: yhe: lo" nghoid rigi hau: zigi Israela yi da" yu phara" nyhang" ri byid: kaid da" gyoug dain pho" noo phyoo" nghoid ein: da" dang: kang: nghoid. Nghoid loug we' hougsu" anghoid rigi vhuthung" yoem" nyhang" ri abyid: kaid ein: ziri nyhang" yo" se' yu wa nghoid. Hau: zigi bue" ein: yoomo bue" lo zi danghoid» ga: doem tid boem ago".

RUTHA 2:3

Rutha we' yhe: lo" wigi gug yham" bang: da" thang: moo gug gyoo" cang koid: da:. Nyang: gi Bua da" yoo moo aboin: asoo" zang" yhi: byid:.

ESAIA 5:2

Nyang: gi myidgung ri du: lho: houg mo luggo, joem ri koid: shang: pyam da:. Houg: lho: ge thang da" zabyid nei ri sho" da:. Nyang: gi hau: joem ri zung" wa shid re" pyuzung daloem koid da:. Zabyid shi" nang: wa duang: daloem: du: da:. Nyang: gi zabyid shi" myheing yo, ri lang" nyid da:. Nghoid loug we' zabyid shi" khang" moo" gi jhen: da:.

MARKU 11:12

Hau: thang: nyid" ri Yesu yo' nya: cangzoo: yi gi Behtani mo doem tau" lo uri Yesu gi zooyoid nyid.

MARKU 11:14

Houg: lang" Yesu gi Lafoem gam ri thang: phyang" apyaid atoo: moo khanham we' re" da" ashi" ri hang" we' adoem shau" zoo: loo: goo" baja"- ga" tid. Nya: cangzoo: yi we' hau: dang: ri shau" gyo: boem.