MALAKHI 3:2 - Lacid Common Language Bible

² Nghoid loug we' nyang: ju" lo da" hau" bidnyid moo gi kha: yug yo" theung yab jo, wa lha". Nyang: thu myang lo ri hang" yo" se' dei nyid loo: wa lha". Nyang: gi thain: da" sapya: yhang: ti"- to' ri: kyeing sain da" myi: yhang: ti" nghoid nyid da:.

MALAKHI 3:2 交叉引用

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

ESAIA 4:4

Aseing gi nya: yoem: so' khyo" wigi dang: phyed lho: byumyu" yi kyeing sain' pyam loo wa. Houg: lho: Yerusalem da" yooboo ri yo' houg mo shoin: gyoo" bye: da" suid" joem ri cid" pyam loo wa.

Pang Shug 6:17

Mangsoo yo' yang nu" da" nheig no, yo: lo da" bidnyid nghoid abye:"- houg: moo hang" yo" theung shang" kham: yab, jo, wa lha".

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

COUNG" NGHEI 2:7

Khokham phoo ri «Aseing khasu" ga: tid nyid da" khyoo: ri ngoo tid fu" byid: wa zi nghoid» ga: tid. Hau: lho: nyang: gi ngoo ri ‹nang gi nga" zoo: nghoid nyid da:. Akhid" nyid" ngoo gi re" phoo bue" nyid bye:.

LUKA 3:17

Nya: da" gug nang: jang: ri khyo kyeing wa shid' re" nya: da" lo, moo gug khyoo lhang" khang" ri ci: lho: nya: gug boem ri lhang wigi gug moo rigi nya: ci: moo shoung: to" lho: gug soem: rigi ce" ze we ayo" said da" myikhyoem moo nghe, pyam zi nghoid ga: nyangnu" ri kho" kyo.

LUKA 3:9

Hau: tho' moo gootu: seig gam poem: moo voozung: zung: too" bye ge da" ashi" azei: da" shi" gam bain sho' ri thoug lheing: pyam lho: myi: khyoem moo du" zei pyam zi shau" wa ga: byu dangain" mo ri kho" kyo.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

HEBRE 12:25

Nanu" gi hau: mungdang: tid kaid su: ri gi atam" gyoo: loo: za: ngeug pyam' khyoo: abui" baja" zed" nyid ge'. He: mougmyid tho' moo tid poin" tid kyeing" su: da" dang: ri shug gyo: lho: ngeug pyam nyid bang: gi yoobo dam mo yo" loid lo" boem wa zi anghoid- houg: yoomo ngoonu" gi moug: khung: khyo" tid kaid' su: ri nung thang phoug pyam boem nghoid rigi youg: noo yooboo mo ngoonu" loid loo" wa da" khyoo: gi aje boo loo.

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

LUKA 2:34

Simun gi nyangnu" ri mainkaid byid: lho: Israela byumyu" moo byo, yoin" joem: thang loo" mo, yo' khyoid yu shau" mo, po" thu' loo wa shid' re" He: zoonu" ri Mangsoo khyen: nyheing too" bye. Nyang: gi Mangso da" thang" cab alhoo: nghoid wigi nyang: ri byu myoo" sho' mo, ngeig se: yooboo foin: khyo" nyangnu" nya: da" nheigloem: mo myid khyoo: ri thoid shug goo" wa.

YEREMIA 2:22

Nang gi so' thain: thang da" sapya: yo' cid" pyam loug we' re" yooboo dam khoo: ri ngoo akhid" shau" myang shi" wa.

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

MATHE 25:10

Nheig aboo mo, nheig agyeung: da" zoomi: yi gi myi: xu: qei wa ga thu' yhe: lo" boem da" uri phoo seig gi kho ga: ju" ri" bye. Jen" jen" soin' nyheing to" da" myiyi: wim: yug gi phoo seig yo" dage" myi: fang pui" khyoo vang lo" boem lho: khoem" ri we' myhid" khare" boem bye.

MARKU 9:3

Nya: byimi bang lo ziyo' bang: bang: phyu: loo". Moug: myid tho' mo byimi cid" zoo: mo, hang" we' houg: yhi' bang: bang: phyu: sho' ayo" ced" phyu: nghoid ago".

EZEKIEL 22:14

Ngoo nang yo' moo" thang: said uri nang gi nheigloem: yo" zeing: kham: lho: re" lo, yo" tu: too' wa yhi' yoem: boo shi" wa ein: nang myid jho: nyid rhe". Ngoo Aseing tid bye: wigi nga" dang: ri cang pyeing we'.

Pang Shug 19:8

Phyu: bang da" ziyo' sen: da" jid: moo" pain" yo' nya: gung ri lhoo, yhung wa akhang" nyang: yoo" bye, ga: tid. (Jid: moo" pain" phyu: ga: zigiMangso byu yi da" ge, da" asam" aved, moozoo" nghoid)

Pang Shug 7:14

" Aseing: we" ngoo ase' Nang dase', ein: ngoo phoug tu". nyang: ngoori tid zigi " Houg: bang: gi sho" jhen: jamjau shen" yhen gyoug pho" akhoug: mo loid byoin thu' loo mo, nghoid- nyangnu" da" byisheing: joem ri yang nu" da" suid" wigi moin: phyu: sho' bain ced" phyu: boem bye.

LUKA 7:23

Ngoori aloem" shoid su: gi ngi lhoo wa" ga: wigi Yohan da" cangzoo: yi ri phed: kyo.

1 SAMUELA 6:20

Hougsu" nghoid yoomo Bed Sheme voobyu yigi «Gyeung" shang: da" Aseing Mangso shidkhoin" moo hang" yo" yab jo, wa lha". Ngoonu" jang" mo nyang: ri khakhyoo: yo" nhang: kaid wa lha"» ga: wigi tid nyid boem ago".

COUNG" NGHEI 76:7

Nghoid loug we' Aseing we" nang ri byu dangain" mo, gi gyoug phau" myang: nyid boem ago". Nang nheig yo: lo da" uri hang" we' re" shidkhoin" moo: ayo" to' yab jo, boem nghoid aloo go.

COUNG" NGHEI 130:3

Ngoonu" da" yooboo joem ri nang to' lhid" xoem" to" byid: nghoid rigi kha: yug gi yooboo dang: phyed jang" mo yo" phang: loid loo" wa lha".

DANG: ZHOEM 25:4

Meing: sa: gi ngei joem: ri agyeung" ziri kyeung pyam lho: young" da" jonu" joem ri yo" koid thu' byid: nyid.

ESAIA 33:14

Ziun moo nyid boem da" yooboo yoo" bang: gi gyoug wigi ko' ko' nain" nyid ago". Nyangnu" gi «Mangso da" dang: phyed khyoo: gi apyaid atoo: moo nge" nyid da" myi: yo' du da:. Houg yhang: te" da" myi: mo ngoonu" hang" dayug yo" nyid deing wa la"» ga: tid ago".

DANIELA 11:35

Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

YOELA 2:11

Aseing gi nya: gyidab moo" ri moug: goin da" thui: yhang: ti"- amyeing" byid: da:. Nyang: ri tam" gyo: cang yhe: da" gyiphung: yigi gye" myo: lho: yoem: so' gyi: ago". Aseing da" bidnyid gi khayhi' gyeing" gyoug dain pho" zi nghoid lha". Hougmoo: ashid: loo: hang" se' yo" nyid deing wa lha".

NAHUM 1:6

Nyang: nheig yo: lo ri hang" yo" se' dei deung nyid wa lha". Nya: da" gyoug pho" nheig joem: yo: lo ri hang" yo" kham wa lha". Nyang: gi nya: da" nheig yo: myiyham: ri foid shoin" kaid ri nya: shidkhoin" mo lug moo" boem joem gi pheilhoug: bue" loo" bye:.

APOEM AYANG: 19:28

Nyang: gi Sodom yo' Gomora- Pa: dam dangain" khyoo: yu" kaid wigi myikhyoem' moo" mo myikhoug" yhang: ti" myidjang mo myikhoug" neing" do, nyid ziri myang kaid.

YOBA 28:1

Ngei ri du: yu da" ngei duang: jo, da:. Sheing: ri phoid kyeing sain' da" joyoo joem jo, da:.