LUKA 6:48 - Lacid Common Language Bible

⁴⁸ Hau: yug gi myidjang: ri no" no, du: lho: Lug boem tho' moo ayang: qei" wigi yhoem: ri zhug too" su: yo" du nyid. Gyid je: lo uri gyid gi hau: yhoem: ri lo thoung"- nghoid loug we' gyid gi hau: yhoem: ri ayo" doin: lheing. Khasu" wim gari hau: yhoem: gi Lung: moo" boem tho' moo geing" geing: zhoug too" yoomo nghoid.

LUKA 6:48 交叉引用

COUNG" NGHEI 62:2

Nyang: kyeing" za: ngoo ri khyoid yu ziyo' goem loem byid: nyid. Nyang: gi nga" gyi goo jang: nghoid nyid. Ngoo gi khanham we' soem" lo" zi shoug" wa anghoid.

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

ESAIA 26:4

Aseing moo apyaid atoo: khau: nghe: nyid ge'. Nyang: gi ngoonu" ri khanham we' goem loem byid: loo wa.

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

COUNG" NGHEI 32:6

Hougsu" nghoid yoomo re" da" dang: zung" bang: dangain" gi pang" thoug yu wa zi ca" nyid da" ayo, moo re" jang" moo: akyu" mho' ca". Yau: khe" khyoo: gi gye" thain: da" gyid ji: zoo" ti" tain" loo nghoid loug we' nyangnu" jang" moo: yo" ju" wa zi anghoid.

2 SAMUELA 22:32

Aseing kyeing" za: Mangsoo nghoid- Mangsoo kyeing" za: ngoonu" da" gyidab nghoid.

DANG: ZHOEM 10:25

Akhyeung" bang: rigi uglid moo" hau, lo ri bo moid tang" lo" byug nghoid loug we' deingmain" da" byu yi koem gi khanham we' gau: nyu: nyid boem.

2 SAMUELA 22:47

Aseing gi dei nyid su: nghoid- nyang: ri lhoug zung" nyid su: ri coung" nghei ge'. Ngoo ri: khyoid yu da" Mangso gyi: thang khyoo: ri nyho: fu" nyid ge'.

ESAIA 59:19

Bid thu shoid mo bidvang shoid ju" sho' mo yugkhang" moo" gi nyang: ri yo' gyi: sheung: da" yoem: so' ri gyoug loo goo" wa. Nyang: gi so' thain: da" gyid lang yhang: ti"- uglid yhang: ti" ju" re" loo wa.

2PETRU 1:10

Hougsu" nghoid yoomo nga" mang: nhung" yi we' nanu" ri Mangso wigi khe: yu ziyo' khyen: yu bye: ein: da" khyoo: ri khanham we' shau" myed kham, zo: nyid wa shid re" je" ri yoem: kaid nyid ge'. hougsu" koid nyid boem nghoid rigi nanu" da" loem jeung" khyoo: ri khanham we she: pyam' boem wa zi anghoid.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

NAHUM 1:8

Nyang: gi gyi" sho' da" gyid khyoid zoo" yo' dakhyoo" ti" nya: da" gyivoo joem ri jhoid phyo' sain" pyam bye:. Nyang: gi nyang: ri gyi tau" koid mo, ri shid: jang" khyoo: nhang: kaid bye:.

COUNG" NGHEI 95:1

Ri" ge'- Mangsoo ri nyhangnu" coung" nghei nyid boem shang. Nyhang" ri lhoug zung" nyid da" Mangsoo ri gau yi jihkoin" khoin" shang.

2 SAMUELA 22:5

Gyug pho" shid: gyoin gi ngoo ri: dangain" lheung khoem to"- lhu: phyo' pyam wa da" beung: mhoid joem gi nga" atho' moo: doin: lhoem" too" bye:.

TARHA" TID POIN" 32:15

Aseing byumyu" yigi yoo" zoo: yoo" shug lo da:. Nghoid loug we' gyi koid lo ago". Nyangnu" gi xu: wigi zoo: noem zo: gyi: nyid boem ago". Nyangnu" gi nyangnu" da" phain" so: Aseing Mangsoo ri she: pyam wigi nyangnu" da" myhang: thang khyoid yu Aseing ri ngeug he: pyam ago".

2 SAMUELA 23:3

Israela Mangsoo dang: tid bye:. Israela ri lhoug zung" su: gi ngoo ri «Deingmain" ziyo' vhoeb khang" wigi Mangsoo ri gyoug phoug" wigi tarha" nyeung veung" khyo" vhoeb khang" da" khokham gi

2 SAMUELA 22:2

Aseing gi ngoo ri lhoug zung" su nghoid. Nyang: gi yoem: gyi: da" nga" gyidab nghoid.

1 SAMUELA 2:2

Aseing yhang: te" gyeung" shang: zigi hang" we' anyid loo. Nyang: yhang: te" zi hang" anyid- ngoonu" da" Mangsoo yhang: ti" yo" goem loem byid: su: hang" we' anyid.

TARHA" TID POIN" 32:31

Nyangnu" da" yu phara" joem gi yoem: neing: wigi Israela yi da" Mangsoo yhang: ti" agyi: myhang: ga: ziri nyangnu" da" gyivoo yi se' to" ago".

TARHA" TID POIN" 32:18

Nyangnu" gi nyangnu" da" Mangsoo nyangnu" da" myhang: thang khyoid yu Aseing nyangnu" ri kangso' byid: yug ri to" myhid pyam ago".

LUKA 6:47

Nga" jang" moo re" lho: nga" da" mungdang: tarha" ri shau" gyo: thang: ri cang loo" su: ri dangtu' khyo" tid kyoo" ba.

LUKA 6:49

Nghoidloug we' Nga" da" tarha" mungdang: ri shau" gyo: thang: ri acang loo" su: gi myidjang: moo za: adu: zhug loo: za: myid tho' moo te: koid: too" su: yo" du nyid. Gyid je: lo wigi hau: yhoem: ri lo thung" lang" gi dalheing: dam byo lheing lo. Hau: byo lheing lo" zigi mhoin' nyang: kaid bye:- ga: tid kyo.