LUKA 3:38 - Lacid Common Language Bible

³⁸ Kainan gi Enu da" nya: zoo:- Enu gi shed da" nya: zoo:- Sed gi Adam da" nya: zoo:- Adam gi Mangso da" nya: zoo: nghoid.

LUKA 3:38 交叉引用

APOEM AYANG: 2:7

Hau: thang: Aseing Mangsoo gi myidjang mo myidzhoo" dajhi' ri yu lho: hau: ziyo' byu dayug alhoo: koid- nyang: gi hau: yug da" nhoo: khyung: moo kangso' ri moid kaid byid: wigi hau: byu gi kang: dei loo bye:.

1Korinthians 15:47

Xang: shid" mo da" byu Adam gi myid zhoo" yo' phain" to" wigi- myid jang: tho' moo: byu nghoid. Thang: re da" Adam koem gi moug: khung: moug di khyo" ju" re" zi nghoid nyid.

1Korinthians 15:45

Jhoem: mungdang: moo: tid to" ziyo' dakhyoo" ti" xang: shid" mo Adam: gi kangso dei da" xangsu: byu khyo" phain" so: too" bye- nghoid loug we' thang: mo da" Adam gi khang: so' dei loo: nhang: da Venyi: nghoid nyid.

ESAIA 64:8

Nghoid loug we' Aseing we"- nang gi ngoonu" da" nya: phoo nghoid da:. Ngoonu" gi myid vhu" nug yo' du wigi nang gi oug" koid su: yo' du da:. Nang ngoonu" ri phain" too" bye:.

APOEM AYANG: 4:25

Adam yo' nya: yhoem: seing: myhi' gi gootu: yuggi zoo: doem yo" lho: yhoem: seing: myhi' gi «Mangsoo gi Ka-in wigi said pyam su: Abela da" gung khoo: yuggi zoo: dayug ngoo ri byid: bye:» ga: tid. Houg: yoomo nyang: ri Shed ga: myeing byid: bye:.

APOEM AYANG: 4:26

Shed gi Enusha ga: da" yuggi zoo: ri yo". Hau: ayo, mo shid" wigi byu yigi Aseing gyeung" shang: myeing moo mho' yoid coung" pid shid" loo bye:.

LUKA 3:37

Lemed gi Methusala da" nya: zoo:- Methusala gi Enug da" nya: zoo. Enug gi Yared da" nya: zoo:- Yared gi Mahalela da" nya: zoo:- Mahalela gi Kainan da" nya: zoo:-

LUKA 4:1

Aseing Yesu gi gyeungshang: Venyi: yo" byeung" lho: Yodan gyidlang mo doem lo da" uri gyeungshang: Venyi: gi Yesu ri dain" pyoid yoo khyoo khe: shu" vang lo" byug. Hau: joyoo moo bidnyid myidxi: nyid yu satan jhu phyo' zi shau" nyid.