LUKA 24:49 - Lacid Common Language Bible

⁴⁹ Nga" phoo Mangsoo byid: wa ga: dang: theing" to" akyu" jeju" joem gi nanu" ri ngoo yo" yu nhang: wa zi nghoid. Nghoidsho' loug we' Nanu" gi mougkhung: mo yoem: vhoo" ri ayo" kham: yu yu gi Yerusalem voo moo dalang" nyid shi" ge" ga: tid.

LUKA 24:49 交叉引用

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 1:4

Nyang: nu" gi dage" zeung: lo boem uri Yesu gi lagyoo: yi ri Yerusalem voomoo" mo a thu loo" goo- nanu" ri tid kyo" too" gu nghoid- nga" phoo Mangsoo byid: to" jhung: shug ri dalang" nyid ge'.

YOHAN 14:26

Nghoidloug we' Phoo gi nga" myeing mo nhang: kaid wa da" pang" thoug su: ein: da" gyeungshang: da" Venyi: gi nanu" ri ja: khang" moo" jhoug" byid: wigi ngoo tid kyo" da" khyoo: dangain" ri doem myid boin: loo nhang: wa zi nghoid.

ESAIA 32:15

Nghoid loug we' Mangsoo gi nya: Venyi: ri ngoonu" jhang dalheing: doem nhang: kaid byid: wa. Mougmyid gang: gi myidxu: ge re" wigi yoothung" joem gi gug zoo myoo sho' thu loo wa.

YOHAN 15:26

Mangso da" deung main" khyoo: ri phang shug da: pang" thoug wa da" Mangso: jang" mo gyoo lo da" pang" thoug Aseing: ein: da:- gyeungshang: venyi nghoid. Ngoo gi nyang: ri Pho jang" mo nhang: kaid' lho: nga" khyoo: ri sagsi: kham: wa zi nghoid.

ACTS 16:7

Nyang: nu" gi Musi mung" moug: kyoo" moo ju" yhe: loo" lang" gi Nyang: nu" gi Bithuni mung" khyoo: yhi: wa ga: soin' ago". Nghoid loug we' Yesu da" Venyi gi nyangnu" ri akhang" abyid: nghoid da.