LUKA 23:34 - Lacid Common Language Bible

³⁴ Yesu tid zigi O" nga" phoo we"- hid: bang: da" yooboo ri khyoid pyam byid: we'. Nyangnu" zei: da" moo" ri nyangnu" ase' boem ga: mho' tung" pain: byid. Byu yi gi nya: da" atho' byi: zeing ri me" lab lho: gam, go" boem.

LUKA 23:34 交叉引用

MATHE 5:44

Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

Roma 12:14

Nanu" ri pyi: sho: shen" yhen loo mo ri mainkaid dang: tid byid: ge'. Nghoidbye nyanu" ri atau" nheing" looza: mainkaid dang: da tid nyid ge'.

1Korinthians 2:8

Moug: myid tho' mo zoug: khokham yi hang" nghoid loug we'- he: da" lasi, laleig ri yo" se' zi anghoid. Dato, se' boem nghoid rigi- myonhoo: phung" yoeb, bo da" Aseing ri- nyangnu" gi pyang" zeing tho' moo: baid' jen" said pyam wa zi anghoid.

COUNG" NGHEI 22:18

Nyangnu" gi nga" da" byimi joem ri phid baid lho: gam, go" pyam boem.

APOEM AYANG: 50:17

Nang ri tid wa shid re" nyang: ngoonu" ri tid kho' zigi nang gi nyangnu" koid lid lo da" re" mang: bang: da" shoid vhang: yooboo ri khyoid byid: we' ga: tid khare". Re" phoo da" Mangsoo dei zoo: yi koid lo yhang: ti" akhid" ngoonu" zei: shoid lo da" yooboo ri khyoid byid: la» ga: kyo" kaid ago". Yoseb gi hau: lu dang: ri shoug" gyoo: lang" ngau bye:.

ESAIA 53:12

Houg: yoomo ngoo gi nyang: ri ngi: shab da" joyoo byid: wigi Byu zeing yi yo' yoem so' yo" da" byu phung: moo joyoo byid: wa. Nyang: gi nya: kangso' ri ngei ngei za: byid: pyam wigi akhyeing" da" byu yi vhu" pi: lo, kyo' moo bo kham yu bye:. Nyang: gi yooboo yoo" bang: myoo: sho' da" yooboo joem ri voin wigi Nyangnu" yooboo khyoid pyam byid: zi shoug" goo" wa shid re" akyu" mho' da» ga: tid da:.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.

ACTS 3:17

Nga" mang: nhung" yi we' nanu" yo' nanu" da" vhu" jhung: yi-Yesu ri koid lid lo da" moo" gi asi aboin: loo: za: koid ziri ngoo si' bye.

1Korinthians 4:12

Ngoonu" nya: lo, yo' yoem: kaid lho: moo" zei: zo: boem- ngoonu" nheing" myeing" nheing" thui: shau" boem loug we' mainkaid byid: da" dang: gi tid. Pyi: sho: shen" yhen zi shau" boem nghoid loug we' kham zeung: nyid boem.

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

MARKU 15:24

Houg: su" nyangnu" gi Yesu ri pyang" zeing moo baid jen" said pyam ago". Nya: byimi joem ri gi-gamboem kho' to" lho: khayug kha: boem yu wa ziri-phid, baid lho: coem gam go" ago".

MATHE 11:26

Nghoidbye: nga" phoo we"- Nang vho: da" khyoo: gi hid: su" nghoid nyid.

LUKA 22:42

O"- nga" phoo we"- nang nau nghoid rigi he: da: shen" yhen kyi" khyeug da" goem ri nga" jang" mo ve, pyam byid: we'. Nghoidloug we' ngoo vho: khyo" anghoid nang myid: vho: khyo" za: bue" loo baja".

YOHAN 17:9

Ngoo gi nyangnu" shid' re" akyu" mho' nyid. Mougmyid byu yi shid' re" akyu" mho' nyid zi anghoid. Nghoid loug we' nang ngoo ri ab byid: too" mo, shid re" akyu" mho' zi nghoid ciwim ga ri nyangnu" gi nang seing ci mo, nghoid.

ACTS 16:28

Nghoid loug we' Polu gi nya: thui: ri myhang: thang mo nyho: yoid, kaid' lho: Nanya: gung ri ci" we' akoid'- ngoonu" dangain" mo, hid: moo danyed nyid boem.