LUKA 22:32 - Lacid Common Language Bible

³² Houg: yoomo Simun e" re" da" loem" jeing" nheigloem: emyid geing: teing wa shid' re" ngoo akyu" mho' byid: bye. Nang doem boin: gyeing: lo da" uri re" mang: nhung" yi ri yoem: doem lung: byid: ca" wa"- ga: tid kyo.

LUKA 22:32 交叉引用

Roma 8:34

Houg: yoomo nyangnu" ri hang" we' yoobo dam yo" byid: wa zi anghoid. Shid: kham: da" zi za anghoid. Shid: jang" mo doem dei to'' lo da" Aseing Yesu Khristu gi Mangso: da lo yo shoid' moo zhoung: jo lho: ngoonu" da" shid' re" bo mho' tung" bain: byid: nyid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

LUKA 8:13

Lug phoug tho' moo gyoo" lo" da" myoug shi" gi Mungdang: ri shau" gyo: da: uri gau yi ziyo' kham: yu mo, ri tid nau. Nghoidloug we' nyangnu" da" nheigloem: khoug: moo mungdang: agyi: ayo" cen,- dayo, daboin: za: jham" ca: yu" da" yau khe: kyen" nhoung: khyoo: doem thoung" shau" lang" hau: yug gi doem fain" phoug: lo.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

YOHAN 14:19

Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

MARKU 14:72

Houg: lang" gyo, eig lheing: toin: loo bye- Petru gi Yesu nyang: ri-gyo, eig lheing: atoin: shi" ri nang ngoori soem" lheung: ngeug pyam wa nghoid ga: da" dang: ri doem myid boin: lo wigi nheig myed koug ngau nyid.s

MARKU 16:7

Ngoid' loug Nanu" loo" ge'- Petru yo' nya: cangzoo: yi ri «nyang: gi Galile mung" moo nanu" da" shid' khyoo: yhe: loo" lang" wa ga: nyang: nanu" ri tid too" bye: ziyo' dakhyoo" houg: moo nanu" nyang: yo' yhe: shau" goo" wa ga: ein: lo" tid kyoo" ge'»ga: tid kaid.

MATHE 26:75

Hau: uri «gyo, atoin: shi" ri nang gi ngoori asi ga: soem" lheing: ju" sho' ngeig pyam wa» ga: da" Aseing Yesu tid to" da" dang: ri Petru doem myid boin: lho: nghe: shoid khyoo: thu' lo" wigi yoem" kaid yhe: ngau nyid.

1PETERU 1:1

Aseing Yesu Khristu da" lagyoo: Peteru jang" mo Puntu: Galati- Kapadoki Asha mung" yo' Bethuni mung" joem moo byo sain" nyid mo, Mangsoo khyen: yu to" da" byu phung: yi jhang khyoo: mougsoug" lhid" kaid.

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

2 TIMOTHI 2:18

Nyang: nu" gi hau: deingmain" khyoo: mo vhang: lo" wigi ngoonu" da" dei to'' lo khyoo: gi bain" bue" lid loo" bye"- ga: tid nyid ziyo' byu dayham" bang: da" loem" jeung" nheigloem: ri lhu: nhung lhu: phyo' byid: pyam' bye.