LUKA 18:30 - Lacid Common Language Bible

³⁰ He: pyaid moo za: atho' tid da" jeju" shau" kham: zoo: lho: doem ju" loo wa da" we' pyaid moo athang agoin da" kangso' yoo" wa".

LUKA 18:30 交叉引用

YOBA 42:10

Houg: lho: Yoba gi nya: da" byencang" soem" yug shid re" akyu" bain mho' byid: thang: ri Aseing gi nyang: ri dalheing: doem nyid gi yab ge yoo" zoo: yoo" shug nhang: lho: shid phyang" nyang: lhoung yo" lid: lo tho' eig boem doem byid: da:.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

MATHE 12:32

Hang" nghoid loug we' Byu da" nya: zoo: ri nhoid yo" tid shoid da" yooboo gi yo" khyoid pyam byid:. Nghoidloug we' gyeungshang: da" Venyi: ri nhoid tid shoid da" yooboo rigi he: pyaid ri we' thang: phyang" pyaid ri we' yo" khyoid pyam byid: zi anghoid.

1 TIMOTHI 6:6

Gyeing" nyang: ga: rigi nyang: nyang: yo" gu: ri nheig se' deug nghoid rigi leom khau: noku thung" gi byu dayug ri yo" loo de loo nhang: wa zi nghoid nyid.

1 TIMOTHI 4:8

Gung shoo" yo' sen: da" khyoo: moo zei: zhang: so' zhang: zigi akyu" dajhi' zoo: boo nghoid loug we' Venyi loem" jeung" khyoo: moo zei: zhang: so' zhang: da" khyoo: gi khyoo: khhaid' khang" moo" moo akyu" bo zi nghoid. Khasu" wim ga: ri hau: khyoo: gi he: da" pyaid yo' thang: phyang" pyaid shid re" dang: soo" bo nyid.

COUNG" NGHEI 119:162

Aseing re" dang soo" khoin" joem yoomo ngoo khayhi' gau yi ngeibu: nyid lha". Myo: tham: da" jonu" ziyoo joem ri shoug" seing: su: yhang: ti" gau yi ngeibu: nyid.

COUNG" NGHEI 119:127

Sheing: yo' gyeung thang da" sheung: tho' moo re" da" amyeing" dang: joem ri ngoo je" vho: ngei nyid.

COUNG" NGHEI 119:111

Re" da" Dang: theing khoin" joem gi pyaid didu mo nga" da" ziyoo jonu" joem nghoid nyid hau: zigi nga" nheigloem: ung: khoug: gau, yi ngei pyoo: jo yoo nghoid nyid.

COUNG" NGHEI 119:103

Re" da" khyoo" shed dang: khoin" joem gi gye" cau: zi nghoid nhung: hau: zigi byooyhid: tho' re" lang" je" cau: nyid.

COUNG" NGHEI 119:72

Nang ngoo ri: byid: to" da" tarha" gi mougmyid tho' mo- ngei sheing: lug nyau da" tho moo phoug" je" dab, nyid.

COUNG" NGHEI 37:16

Byugi dayoug da" jonu" dajhi' kyeung" da” zigi akhyeing" ashoeb su: myoo" sho' yo" da" jonu" dangain" tho' moo phoug" je dab, nyid.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.