LUKA 18:19 - Lacid Common Language Bible

¹⁹ Yesu tid zigi nang ciwim wigi ngoori ge da" sara: ein: tid lha". Mangsoo mo lid lho: ge zi dayug we' anyid.

LUKA 18:19 交叉引用

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.

YOBA 25:4

Mangso shidkhoin" moo khayug gi deingmain" wigi yo" gyeung" shang: su: nghoid la.

YOBA 14:4

Byu yhang: ti" ayung" gyeing" su: mo yung" gyeing" zi daja: we' alhung yo" thu loo nghoid da:.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

LUKA 11:13

Nanu" akhyeing" mo lang" nya: zoo: yi ri ge zi se' byid: rigi Mougkhung: Aseing:- Nanu" da" nya: phoo gi mho' mo, ri gyeungshang: Venyi: je wigi byid: wa anghoid goo" la"» ga: tid.

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

LUKA 18:18

Yuda byumyu" mo vhu" shi: su: dayug gi ge da" sara: we"- apyaid ato: kangso' yo" kham: yu wa shid' re" ngoo khasu" koid: wa lha"» ga: Yesu ri myid.

LUKA 18:20

Su: myi: alhoid- Byu asaid- sube" zi akhoug"- adeung amain" da" sagsi: akham:- myhi, phoo ri phau" myang: we' ga: da" toung: to" da" tarha" joem ri nang si' wam: bye.