LUKA 14:22 - Lacid Common Language Bible

²² Amyang" ri dei zoo: yi doem ju" lo lho: Aseing: nhang: kaid ziyo' dakhyoo" bain koid: bye. Nghoidloug we' joyoo akoem: jo, shi" ga: tid.

LUKA 14:22 交叉引用

YOHAN 14:2

Nga" pho da" yhoem: moo yab myoo" sho' jo. Houg: ajo, nghoid rigi ajo, ein: ngoo atid loo: za: nyid wa anghoid. Ngoo gi nanu" da" shid' re" joyoo nyheing wa ein: lo" zi danghoid.

1YOHAN 2:2

Aseing Yesu nyang:- ngoonu" da" gung leig xoin" nghoid nyid wigi nyang: yoomo ngoonu" da" youg: noo yooboo joem ri khyoid' khyu: pyam' byid: tho' moo gootu- byu yug khang" moo' da" yooboo ri we' khyoid pyam byid: bye.

KOLOSE 2:9

Mangso da" joeb byeung" layung gung gi-xangsu: gung du: nghoid da" Khristu moo bo jo.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

COUNG" NGHEI 130:7

Israela byumyu" yi we"- Aseing ri loem khau: nyid we'. Khasu" wim ga: ri nya: da" jhed khyeing: kang: khyeing: gi dageung: teung jo, wigi nyang: gi ngoonu" ri khanham we' khyoid yu nau nyid.

COUNG" NGHEI 103:6

Aseing gi doin: zeig zo: zi shau" nyid mo, da" shoid khyoo: bo yab lho: dang: phyed byid: nyid wigi Nyangnu" jo: da" amyeing" akhang" ri byid: nyid.

LUKA 14:21

Hau: byu khi: nhang: da" dei zoo: phoo gi nya: jang" moo doem lo lho: houg: bang: tid khyo" dangain" lo tid kyo. Houg: lang" yhoem: seing: gi gyi" sho' nheig yo: lo wigi fu" moo" khyoo yo"- khyoo: zoo: khaid khang" moo" khyoo: thu' loo" nhang: lho: ashug" ajhen: bang:- khyid: gyoug myo, jid mo, -byu yoin byugang: yi dangain" ri myab khe: shu" loo ge" ga: dei zoo: yi ri doem nhang: kaid.

LUKA 14:23

Yhoem: seing: gi soo" yo voogung khyi, khang" moo" khyoo: yhe: lho: nga" yhoem: byeung" sho' Byu ri agyoo: akhyoid khe: shu" loo ge" ga: tid kaid.