LUKA 12:32 - Lacid Common Language Bible

³² Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

LUKA 12:32 交叉引用

HEBRE 12:28

Houg: su" nghoid yoomo nanu" yo" yu da" mungdain gi adei aloeb, da" mungdain nghoid wigi ngoonu" Mangsoo ri coung" nghei nyid boem shang. Nyang: rijeju" boin: lho: gyoug phau" myang: da" e" myed yo' Aseing: vho: ngei wa khyo" Mangsoo ri loem, khau: noku nyid boem shang o".

Pang Shug 1:6

Nya: phoo Mangso da" moozoo" ri yo" voin, vu, wa shid re" ngoonu" ri khainjung aya ab, byid: da: Yesu Khristu gi moug: khathang myid khathang moo myonhoo: phung" yoeb zoug: myeing" zoug: thui: gi pyaid moo too: moo dabo jo, baja" o"- Amen.

PHILIPI 2:13

Khasu" wim ga: ri Mangsoo gi nya: da" myid vho: khyoo: ri nanu" tam" gyo: cang loo" nau, da" myid yo' cang lo" nhang: da" yoem: vhoo" ri nanu" yo" yu goo" baja" ga- Mangsoo gi nanu" moo khanham we' moo" dazei: byid: nyid.

LUKA 10:21

Hau: da" uri gyeungshang: Venyi: gi ngei pyoo: gau yi nhang: yoomo Yesu gi hid: su" ga: tid- Mougkhung: myidjang: da" Aseing: phoo Mangsoo we"- Se, thang Phajhi" zoug: yi moo yhoem" to" da" khyoo: yi ri phajhi" aboo mo ri phang shug byid: yoomo re" jeju" zeing: ri ngoo coung" nghei nyid. Phoo we" hid: su" bue" lo da" khyoo: gi nang vho: ngei da" khyoo: nyang: nghoid bye.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

2 THESALONI 1:11

Khyoo: he: khaid yoomo nanu" da" shid' re" ngoonu" khanham we' akyu" dabo mho' nyid boem- nanu' gi mangsoo khe: yu shau" bang: da" kangso' dei khyoo: yo' moin: yi" khyo" kangso' dei nyid goo" baja"- ngoonu" gi Mangso jang" mo akyu" bo mho' nyid boem- nyang: gi nya; da" myonhoo: phung" yoeb, zeing yo' nanu' da" ge, lho khyoo; ri bui" nhang: nau, da" nheigloem: boo moo boo ri joeb, byeung" loo nhang: wigi nanu" da" loem" jeung" moozoo" jid: zoo" joem ri zei: pain' byid: baja".

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.

MATHE 14:27

Yesu dalheing: dam tid zigi «seing" yang" ge'- agyug goo" ngoo danghoid» ga: tid.

YEREMIA 3:19

Aseing tid zigi «Israela we"- ngoo gi nang ri nga" zooshang: khyo" khab yu nau da:. Houg: lho: nang ri nyid pyoo: tung" da" mougmyid- moug: gyab goin" mo young" thang da" mougmyid ri byid: nau da:.. Ngoo gi nang wigi ngoo ri phoo we" ga: yoid wigi ngoo mo khanham we' aphug loo" wa ziri vho: da:.

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.

2 THESALONI 1:5

He: khyoo: joem dangain" gi Mangso tarha" dang: phyed khyoo: deung ziri sagsi: toin" shid nyid hau: da" akyu" jeju" yoomo nanu" gi nya: da" mungdain yo' moin: yi" bang: bue" lo boem wa zi nghoid- hau" shid re" ein: nanu" gi kyi" kyeig jam jau zi shau" kham nyid boem bye.

Roma 6:23

Yooboo da aphoug" gi shid: lo" khyoo: nghoid. Nghoidloug we' Mangsoo: da" phoug" asang: jeju" jhungshug koem' gi - ngoonu" da Aseing Yesu Khristu yo" dadeing: daloem khoug mo yo" da" apyaid' ato: kangso' nghoid.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

YOHAN 18:36

Aseing Yesu tid zigi Nga" mungdain: gi he: mougmyid yo" asen: nghoid rigi ngoo gi Yuda byumyu" da" lo, moo avang loo" sho' nga" da" cangzoo: yi gi Meing: zain wa zi nghoid. Nga" da" mungdain gyeing" gi he: mougmyid yo" asen: ga: wigi tid.

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

MATHE 20:16

Houg: yoomo thang: moo nyid su: gi «xang: shid" moo nyid su: bui" wa. Xang: shid" moo nyid su: gi gam, thang: gyoo" su: nghoid wa» ga: wigi Yesu tid.

MATHE 7:15

«Nheugloem: ung: khoug: moo gi lang: kyen: phyo' zoo: wa ga: zeigne nheigloem: kaid ci: lho: yang yid void to" mo, nanu" jang" moo ju" loo wa mhau' da" lapi: yi ri jang" pyam' ge'.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

ACTS 20:29

Ngoo thu lo" thang: ri akhyeung" da" zeing ni joem gi nanu" da" phung: khoug: moo vang re" lho: yang kyung ri phyo' zo: pyam boem wa ziri ngoo se' nyid.

1Korinthians 1:21

Khasu" wim ga: ri byu xangsu: yi gi nyang: nya: da" phajhi" juyi: yo' za: Mangsoo ri se' loo baja" ga:- Mangsoo gi nyang: phajhi" khyau" too" bye. Hau: da" gung khyoo: moo- Mangsoo gi ngoonu" kho" kyo" da" akoo" apyoid' da" mungdang: yo' loem" jeing" loo mo, ri khyoid yu wa shid re" myid phyed' to" abye.