LUKA 12:30 - Lacid Common Language Bible

³⁰ (Houg: yhangte" da" ziri Mougmyid tho' moo nyid da" byumyu" bain sho' mo gi sho: nyid ago".) Hau: da" zi nanu" ca" nyid ziri nanu" da" nya: phoo gi se' nyid gu nghoid.

LUKA 12:30 交叉引用

MATHE 6:32

(Khasu" wim gari tarha" tungbau mo mo, we' hau: gu: dangain" ziri sho: nyid ago") houg: dangain" ziri nanu" vho: nyid zigi mougkhoung: tho' mo nanu" da" nya: phoo gi se' nyid gu nghoid.

MATHE 6:8

Nanu" amho' shi" ri lang" nanu" ci: vho: zi dangain"- nanu" da" nya: phoo Mangsoo gi se' nyid gu nghoid yoomo tarha" tungbau mo mo, yhangti" amho' nyid goo".

Ephesu 4:17

Ce" phoug" adab da" nheig byu khyoo: yo" da" tungbau byu yi yhang" ti"- kangso' adei nyid wa shid re" Aseing: da" myeing khyang" yo' ngoo nanu" ri zed" lhid' nhang: nyid bye.

LUKA 12:32

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

MATHE 18:14

Houg: yo' dakhyoo" ti"- Mougkhung: tho' mo nanu" da" nya: phoo we' he: ngi, su: dayug we byug lam" loo" wa zi avhoo: ga: tid.

1THESALONI 4:5

Mangsoo ri ase' da" tungbau byumyu" yi yhang: ti"- nyam, mhain: da" nheigloem: age boo.

MATHE 10:20

Khasu" wim gari nanu" vho: khyo" tid wa zi anghoid. Nanu" nya: pho, da" Venyi: gi nanu" da" nhoid' ri ngho" tid loo wa zi nghoid.

MATHE 5:47

Nanu" da" nya: mang: nya: nhoung" yo" za: shau" doem go" nghoid rigi ci: je nghoid cang boo goo" wa lha". Mangsoo ri asi shi" mo, we" houg: su" lhung koid: boem anghoid goo" la".

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

MATHE 6:1

«Subi" myang baja" ga: nyangnu" shid khoin" moo nanu" myonhoo: sho: da" moo" ri azei: wa shid re" zed" nyid ge'. Houg: su" anghoid rigi Mougkhung: tho' moo nyid da" nanu" nya: pho, jang" mo aphoug" ri yo" yu goo" wa zi anghoid.

LUKA 12:29

Ci: zoo: wa lha".- ci: shug wa lha". ein: wigi seing" akho" nyid goo.

LUKA 12:31

Nanu" gi nya: mungdain: nya: deing: byeung" khyoo: ri xang: shed" ri shoo: ge' houg: lang" hau: zi joem nanu" ri byid: wa zi nghoid.