GALATI 4:4 - Lacid Common Language Bible

⁴ Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-

GALATI 4:4 交叉引用

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

Roma 1:3

Hau: ngeibu lu dang: ein: zigi - David akung: mo khu: lo lho: xang: su: byugung re" void da" Mangso nya: zoo: ngoonu" da" Aseing Yesu Khristu da" khyoo: nghoid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

MARKU 1:15

Ayo, byeung" bye- Mangso mungdain ju" ri" bye- nanu" da" youg: mo yooboo mo lheung: lho ngeib: ludang: ri loem" jeing" loo: ge'

YOHAN 3:16

Khasu" wim gari Mangso da" nya: zoo: ri loem" jeing" bang: hang" nghoid loug we' ashid: loo za. Apyaid ato: kangso' yo" yu baja" ga: Mangsoo gi nya: zooti" zoo: ri byid: pyam jang moo ju" sho' Mougmyid xangsu: byu yi ri jheddab nyid.

MATHE 1:23

Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

Ephesu 1:10

Ayo, bidnyid byeung" loo lang" gi Mangso wigi joeb byeung" loo nhang: wa da" hau: soin nyheung lo" da" khyoo: gi moug: khung: moug: di mo we' myid' jang: tho' moo we' phain" too" moo too" dangain" ri Khristu moo dadeing: daloem: za: bui" wa khyoo: nghoid.

LUKA 2:7

Being" dab moo nyangnu" shid' re" joyoo aboo loo yoomo zoonu" ri boug: bang" yo" thoeb lho: Nu: zo: thung" lhang" moo lheing: to.

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

YEREMIA 31:22

Loem khau: myid abo da" byu yi we"- khamyhang ju" sho' ne" nyid boem shi" goo" wa la". Ngoo gi shai" da" moo" aseig daja: ri ngoo phain" so: too" bye:. Hau: zigi myiyi: dayug gi yuggi dayug ri goem loem byid: yhang: ti" shai" da:. Moo" aseig daja: ri ngoo phain" so: too" bye:» ga: tid da:.

HEBRE 2:14

Nya: zoo: yi ga: nyang: nyangnu" ri myheung byid: ziyo' dakhyoo" ti"- suid" shoo" kham: voin, da" byu yi nghoid ago- Yesu nyang: we' suid" shoo" kham: voin, da" xang: su: byugung re" kham: yu bye. Hougsu" kham: yu khyoo: gi shid: loo" no lo" da" khyoo: ri vhoeb khang" nyid da- yu join: da" yoem: vho" ri lhu: phyo' lhu: shoin, pyam byid: wa shid re" nghoid nyid.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

ZEKHARIA 6:12

Hau: lho: hidsu" ein: tid ge' ‹Yoem: moo" bo da" Aseing gi hidsu" ga: tid nyid. He yug gi akung: ako' ga: myheing too" su: nghoid. Hau: yug gi nya: joyoo moo gyi: myhang: lo lho: Aseing da" yhoem: moo" ri doem nyheing zhug wa zi nghoid.

ESAIA 48:16

«Akhid" nga" jhang tab tab re" lo wigi ngoo tid ziri gyo: yu ge'. Xang: shi" mo ngoo gi bang bang tid loo bye:. Houg: lho: nga" dang: khoin" joem gi khanham we' joeb byeung" re" da» ga: tid da:. (Akhid" myhang: thang Aseing gi nya: yoem: so' ngoo ri byid: wigi nhang: kaid abye:.)

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

Roma 15:8

Khasu" wim gari Mangsoo: gi dang: theing khoen" zung" su: nghoid yoomo phoug" phyid" yi ri tid to" dang: theing khoin" byeung: loo nhang: wa shid' re" gyoo" lo ein: ngoo tid nau.

ACTS 1:7

Yesu gi nyangnu" ri-Nga" pho, da" myonhoo: phung" yoeb, yo' mhe, phyed' to" da" ayo, ri nanu" gi asi noo" ga: tid.

LUKA 1:31

Nang gi gung lid: lo lho: Yuggi zoo: da" agyid asoo: ri yo" khu: loo wa Hau: yuggi zoo: ri Yesu ein: myeing myheing byid: ca.

MATHE 3:15

Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

HEBRE 9:10

Hau: gu: gi zoo: noem, shug phoo" yo' ced" yung" ced" lho, da" thung" aja: ja: yo' sen: lho: wigi zei: da" khyoo: za: nghoid nyid. Hau: gu: giMangso wigi aseig dioem nyheung so' da" apyaid' aju" shi" uri byam, koid to" da" atho' pyam: yo' sen: da" cang yhe: loo" wa tarha" thung" ri nghoid nyid.

KOLOSE 2:14

Mangsoo gi yha" da" yooboo dangain" ri khyoid pyam' byid: wigi. Nyang: gi yha" da" anghoid akhuang da" yoobo jhen: zhayen" ri we' houg: yo' sen: da" tarha" joem ri we' pyang" zeing tho' moo ten" zei: yo' baid' jen" tab' wigi shoem" shoung: pyam' byid: bye.

Roma 9:5

Ngoonu" gi Yuda byumyu" phoug" phyid" mo xo' gyoo" loo mo nghoid. Khristu we' - byuxeig khyo" ga: ri gi houg: bang: da" byukung: nghoid. Jo, moo jo, - nyid moo nyid ri vhoeb' khang" da: Mangsoo: gi - apyaid' atoo: moo myonhoo: phung yoeb dabo nyid baja" o" - Amen.

YOHAN 8:42

Yesu nyangnu" ri doem tid zigi Mangsoo gi nanu" da" nya: phoo gyeing" nghoid rigi nanu" ngoori jheddab goo" wa. Khasu" wimgari ngoo gi Mangso jang" mo gyoo" lo lho: akhid" hid: moo re" ju" nyid. Ngoo nyang: vho: khyo" re" zi anghoid. Phoo Mangsoo gi ngoori nhang: kaid.

MATHE 5:17

«Moshe toung: to" da" tarha" yo' Lapi: yi da" dang: ri ngoo phyo' pyam wa yhangti" amyid wim goo"- phyo' pyam wa shid re" anghoid hau: ziri joeb pyeing wa ein: ngoo dare.

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

GYUNG: SOO" 28:22

Coidbaid loo: dadu: ri we' yooboo khyoid xoin" khyo" shugbyid: ge'. Hid: su" khyo" byumyu" yi shid re" laloem lakhoug khyo" younglho' khyoo: koid ca" da:.

Roma 5:6

ngoonu" gi nheig nhei: yoo ayoo" wim nyid da u" ri Khristu gi Mangsoo: khyen: to" ayo, akhyeing: moo akhyeing" ashoeb' mo da" shid' re" shid: kham bye.

1 TIMOTHI 2:6

Nyang: gi byumyu" bain' sho' mo, ri khyoid yu wa shid re" nya: gung du: ri nyang: ab, byid: pyam' bye. Hau: zigi ayo, ju" lang" ngoonu" byu xangsu yug khang" moo" ri khyoid yu nau da" sag si: toin" shid' to" zi nghoid.

LUKA 20:44

David khokham" gi nyang: ri Aseing: ga: tid nghoid rigi khasu" wim wigi Meshia gi David da" Byu kung se' nghoid wa lha"» ga: myid.