ESAIA 26:1 - Lacid Common Language Bible

¹ Byumyu" yigi Yuda mung" moo he: jikhoin" ri khoin" wa da" bidnyid ju" re" loo wa. Hau: zigi Nyangnu" voomoo" gi geing: da:. Mangsoo nyang: nyang: hau: vang joem ri goem loem byid: da:.

ESAIA 26:1 交叉引用

ESAIA 60:18

Pyi: sho: da" thui: joem ri ashoug" gyoo: loo wa zi anghoid. Phyo' shoin' ziri re" mungdain: ri adoem khyoeb mhoin' pyam' loo wa. Ngoo gi nang ri vang yhang: ti" goem loem ziyo' gyi goo byid: wa. Nang ri ngoo khyoid yu bye: yoomo nang ngoo ri coung" nghei loo wa.

ESAIA 62:11

Aseing gi mougmyid gyab goin" ri fu" byid: nyid. Hau: zigi «Nanu" ri khyoid yu wa shid re" Aseing ju" lo nyid bye:. Nyang: khyoid yu to" da" byu yiri nyang: yo' dage" shu" lo nyid da» ein: Yerusalem byu yiri tid kyoo" we'.

ZEKHARIA 2:5

Aseing gi Yerusalem voo loem: lheing khab' mo voomoo" myi: vang khyam: bue" lho:-nyang: gi hau: jang" moo nya: myonhoo: phung" yoeb bain sho' yo' nyid nyid wa ein: yhe: tid we'» ga: tid.

YEREMIA 33:11

Ngei pyo: wigi nyho: da" thui:- lo, xo' pui" moo pyo: da" thui: joem ri nanu" doem shoug" gyoo: loo goo" wa. Byumyu" yi nga" Noku Yhoem: Moo" khyoo: jeju" boin: xoin" ci: re" boem uri nyangnu" jikhoin" khoin" boem da" ziri nanu" shau" gyo: loo goo" wa. Nyangnu" gi ‹Myhang: thang Aseing ri jeju" coung" ge'. Ciwim gari: nyang: gi ge wigi nya: jheddab myid gi apyaid atoo: nghoid da› ga: tid boem. Ngoo gi he: mungdain: ri shid phyang" nyid gi yab ge yhi' nyid gi yab gi sho' koid wa. Ngoo Aseing tid too" bye:» ga: tid da:.

ESAIA 25:9

Hougsu" bui" lang" yugkhang" moo" gi «Nyang: gi ngoonu" Mangsoo nghoid. Ngoonu" nyang: ri loem khau: nyid lho: nyang: ngoonu" ri khyoid yu abye:. Nyang: gi Aseing nghoid. Nyang: ri ngoonu" loem khau: nyid wigi akhid" ngoonu" ngei pyo: nyid gau yi nyid. Ciwim gari nyang: ngoonu" ri khyoid yu abye:» ga: tid loo goo" wa.

COUNG" NGHEI 48:12

Mangso byumyu" yi we' Ziun boem ri so" lheung lo" ziyo' houg: mo gyipyu, zung ri nghab yu" we'.

COUNG" NGHEI 31:21

Aseing ri coung" nghei nyid ge'- ngoo ri lheung khoem khaid zain: lo da" uri nyang: toin shed da" jhed khyeing: kang: khyeing: nya: mau" pho" khyoo: gi khayhi' gyeing" mau" pho" khyoo: nghoid nyid lha".

MATHE 16:18

Petru we"- ngoo nang ri tid ba"- nang gi lung: moo" boem nghoid. He: da" lug moo" boem moo apoem ayang: koid: lho: Nga" da" phung: ri zhug too" wa. shid zoug: lang" hau: da" phung: ri ung: wa zi anghoid.

ESAIA 12:1

Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:. Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.

ESAIA 5:1

Nga" byencang" phoo yo' nya: zabyid khyam: da" jikhoin" he: jikhoin" ri ngoo khoin" nyid uri tam" gyoo: we'. Nga" byencang" phoo gi myid xu: gye" ge da" bouggung atho' moo zabyid khyam: dakhyam: yo" da:.

ESAIA 2:20

Hau: bidnyid ju" loo lang" nyangnu" koid ci: da" ngei yo' sheing: yu phara" soolhoo: joem ri nyangnu" she: pyam pyam wa. Hau: joem ri gyu, shoug" yo' pho shid joem jang" khyo: she: pyam pyam wa.

ESAIA 2:11

Xangsu: byu yi nghoid boin: zigi thang lo" lho: xangsu: byu yi nheigloem: myhang: zi byo, yoin" loo" wa ayo, ju" loo wa. Houg: lang" Aseing dayug za: ngi: shab byid: zi shoug" wa.

EZRA 3:11

Nyangnu" gi Aseing gi ge: nyid ziyo: nya: jheddab myid gi Israela byumyu" yi adang moo apyaid atoo: dajo, nyid ga: doem pug coung" coung" koid nyid ago". Noku Yhoem: Moo" apoem: ayang: zhoug yo" koid shid" loo" bye: yoomo yugkhang" moo" nyangnu" dangain" mo, yoem: yo' nyho: wigi Aseing ri coung" nghei nyid ago".

GYUNG: SOO" 21:17

Hau: uri Israela byumyu" yigi he: jikhoin" ri khoin" ago". «Gyid thung" joem we"- nanu" gyid ri thu ri" nhang: we'. Houg: lho: hau: ziri ngoonu" jikhoin" khoin" wigi coung" wa.

ESAIA 4:2

Aseing gi agam khang" moo" ri zhung" wigi seiggam khang" moo" ri mungdain: khoug: moo yug gyi: ri" nhang: lho: yung" loo nhang: wa ayo, ju" lo nyid da:. Nyid deung jo, da" Israela byu yi dangain" gi gau yi boem wigi hau: mungdain: wigi yoo" nhang: da" gug zoo mei: loem: yoomo langi: koid loo goo” wa.

ESAIA 14:31

Philisti voomoo" joem we"- nanu" dangain" gi pang" thoug wa shid re" kyi: ngoug nyid ge'. Nanu" dangain" bang: gyoug nyid ge'. Mougzhung: shoid mo jhoemmoug" zoo" dazoo" ju" re" nyid da:. Houg gi gyoug da" gyizoo: dayug nghoid wa zi anghoid.

ESAIA 31:5

Ngho' nu" joem ri goem loem byid: wa shid re" ngho' soid dang moo dang: lheing: yen" da" ngho' yhang: ti" ngoo myhang: thang Aseing gi Yerusalem ri goem loem byid: lho: gyi zung" byid: wa» ga: ngoo ri tid da:.

ESAIA 31:9

Nyangnu" da" khosen gi gyoug wigi tang" phang: loo" goo" wa. Gyizoug: yigi sung gyoug boem yoomo nyangnu" gyikhaid dungkhoin: joem ri she: pyam too" kho' loo goo" wa» ga: tid. Yerusalem mo coung" nghei shau" da" Aseing yo' xoin" shid re" myi: nghe' too" su: Aseing tid too" bye:.

ESAIA 33:5

Aseing gi gyi: sheung: yug nghoid o". Nyang: gi ja: khang" moo" ri vhoebkhang" nyid. Nyang: gi Yerusalem ri tarha" deingmain" ziyo' jhug zug khyoo: ri byeung" jo, nhang: loo wa.

ESAIA 33:6

Houg: lho: byumyu" yiri nheigloem: geing: jo, nhang: wa. Nyang: gi nya: byumyu" yiri khanham we' goem loem byid: wigi nyangnu" ri phajhi" yo' lasi phajhi" ri byid: loo goo" wa. Nyangnu" da" phoug" dab thang da" jonu" gi Aseing ri gyoug phoug" zi nghoid loo wa.

ESAIA 56:5

re" myeing gi nga" Noku Yhoem: Moo" moo xoem" to" zi shau" wigi nang gi yuggi zoo: myiyi: zoo: yi yo" da" tho' nga" byu yi phung: moo je myang" nyid wa. Nang gi to" myhid pyam zi khanham we' ashau" wa» ga: tid da:.

ESAIA 62:10

Yerusalem byu yi we"- voomoo" mo thu yhe: wigi Nanu" da" doem tau" lo nyid boem da" byumyu" yi shid re" khyoo: phang ge'. Fu" moo" khyoo: ri so' koid ge'. houg: mo lugboem joem ri koid: pyam' ge'. Byumyu" yi yo" si' wa shid re" laxoem" zeing zhug too' ge'.

EZEKIEL 40:5

Ngoo shau" myang zigi Noku Yhoem: Moo" nghoid da:. Hau: aqei: ayam goem sho' moo vang khyam: kyam' to" da:. Hau: byu gi 10 pi: sheing: da" laki ri yu wigi vang ri ke' yu" da:. Hau: zigi 10 pi: myhang: wigi 10 pi: thu: da:.

COUNG" NGHEI 48:4

Ziun boem ri re" zain: wa shid re" khokham yi dage" zeung: foem nyid abye: go.

ZEKHARIA 2:9

«Nga" mung" byu yiri phyo' mo, nanu" rigi Aseing nyang: latoo: phug wa zi nghoid. Nanu" join koid nyid da" Israela byumyu" yigi nanu" da" jonu" lhoid pyam byid: wa zi nghoid ein: yhe: tid kyoo" gi'» ga: tid. He: da" zi bue" loo lang" gi ngoo ri nhang: kaid su: gi yoem: moo" bo da" Aseing nyang: nghoid nhung:» ga: dangain" mo, se' loo goo" wa zi nghoid.