ESAIA 2:3 - Lacid Common Language Bible

³ nyangnu" da" mung" byu yigi «Ngoonu" gi Aseing da" bouggung khyoo: do, lo" lho: Israela Mangso da" Noku Yhoem: Moo" khyoo: do loo" shang Nyang: ngoonu" ri jhau" shed loo wa. Nyang: khyen: to" da" khyoo: moo ngoonu" so" loo wa. Ciwim gari Aseing da" jhau" shid khyoo: gi Yerusalem moo ju" re" lho: Nyang: gi nya: byumyu" yiri Ziun mo dang: tid nyid.

ESAIA 2:3 交叉引用

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

COUNG" NGHEI 110:2

Ziun mo Aseing gi re" da" khokham yoem: so' ri ce" lam: kaid wa zi nghoid- re" da" gyivoo joem da" atho' moo vhoebkhang" nyid we' ga: Aseing tid nyid.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

TARHA" TID POIN" 6:1

«Hid: joem gi nanu" ri jhau" byid: wa shid re" nanu" Aseing Mangsoo wigi ngoo ri amyeing" byid: da" tarha" dangain" nghoid da:. Hid: joem ri nanu" vang yhe: wigi seing: yu wa za: danghoid lo: da" mung" moo yhe: tam" gyo: cang yhe: nyid ge'.

YEREMIA 31:6

Nghoid bye:- zung" bang: gi Ephrim bouggung joem mo ‹Ziun khyoo: do, yhi: shang- ngoonu" Aseing Mangso jhang do, yhi: shang› ga: yoid tid kaid da" ayo, ju" loo wa» ga: tid da:.

Roma 10:18

Hougsu" nghoid loug byu yi gi - hau da" mungdang: shaug" gyoo: wa akhang" ajo la" ein: ngoo myid nau. Byu yi gi shaug" gyoo: wa da" akhang" gyeing" gyeing" yo" boem. Jhoem: mungdang: moo Mungdang: tarha" ri kho" khyoo" su: da" thui: gi - mougmyid, dagyab goin" moo fu" nheing" loo" bye. Nyanu" da" tarha" dang: yi gi moug myid ayam loem: kheing goem: sho' ngam' loo" bye.- ga: tid zi yo" dakhyoo" nyang: nghoid bye.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

MATHE 7:24

«Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.

YAKU 1:25

Nghoid loug we' byu yi ri yoobo wigi tei" to" da: jang" mo loid byoin loo" nhang: da" joeb byeung" da" tarha" ri goolhoo: jhau" yu yu" su: gi mungdang: ri gyoo: za: te: tam" gyo: lho: to" myhed' pyam su: anghoid loo: za: xo' zei: cang loo" su: nghoid nyid yoomo nyang: gi ce: ja: moozoo" ri zei: nyid nghoid loug we' Mangso mainkaid da" jeju" ri shau" kham: zoo: wa zi nghoid nyid.

ACTS 10:33

Houg: yoomo ngoo gi houg: jang: nyang- re" jhang khyoo: byu nhang: kaid' bye- nang ju" ri" yoomo gye" goug bye. Nyang: nang ri tid nhang: kaid' da" mungdang: dangain" ri tam" gyo: yu wa shid mo akhid" ngoonu" dangain" mo, gi-Mangso shid' khoin" moo lang" nyid boem- ga: tid kyo.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

YOHAN 4:22

Nanu" Samari yi gi nyang: tu: nyang: ase' da" Mangsoo ri Noku ago". Ngoo nu" gi ngoonu" nyang: si' bye: da" Mangsoo ri da noku boem. Khasu" wim gari Khyoid yu khyoo: gi Yuda byumyu" mo wigi ju" loo yoomo nghoid nyid.

TARHA" TID POIN" 33:19

Nya: tang: gi tungbau byu yiri nya: tang: da" boem moo khe: yu wigi Houg: moo deingmain" da" xoin" joem shugbyid: ago". Nya: tang: gi nya: tang: da" jonu" ri panglai: yo' panglai: thoem" yam moo jo, da" midcoo: mo shoug" yu ago"» ga: zi nghoid.

COUNG" NGHEI 48:1

Aseing gi gyi: sheung:- myhang: thang su: nghoid khyoo: ri: nya: gyeung" shang: da" boem tho' moo: jo, da- ngoonu" Mangso da" voogung moo coung" nghei nyid ge'.

COUNG" NGHEI 119:171

Nang gi ngoo ri re" da" tarha" joem jhau" byid: yoomo nang ri ngoo gi khanham we' coung" byid: nyid wa nghoid.

COUNG" NGHEI 122:1

Nyangnu" gi «Aseing yhoem: khyoo: yhe: lo" boem shang» ga: wigi nyangnu" ri tid uri ngoo gi gau yi bye:.

ESAIA 28:9

Nyangnu" gi nga" khyoo: ri myeing" myo: ago". Nyangnu" gi «Nyang: jhau" shid nyid zigi hang" bang: nghoid la". Nya: mungdang: ri hang" vho: nyid lha". Hau: zigi akhid" za: noug" kang" to" da" zoonu" yi shid re" za akyu" dabo da:.

ESAIA 56:5

re" myeing gi nga" Noku Yhoem: Moo" moo xoem" to" zi shau" wigi nang gi yuggi zoo: myiyi: zoo: yi yo" da" tho' nga" byu yi phung: moo je myang" nyid wa. Nang gi to" myhid pyam zi khanham we' ashau" wa» ga: tid da:.

ESAIA 56:7

«Ngoo gi nanu" ri nga" gyeung" shang: bouggung Ziun khyoo: shu" yhe: wigi nga" akyu" mho' yhoem: moo nanu" ri ngei pyo: khyoo: byid: wa. Houg: lho: nga" phoin: adang moo nanu" ngei" byid: da" xoin" joem ri khab yu byid: wa. Nga" Noku Yhoem: Moo" gi byumyu" dangain" da" akyu" mho' yhoem: ga: myheing loo goo" wa» ga: tid da:.

ESAIA 60:3

Byumyu" yigi re" bidbang shoid khyoo: she: yu zi shau" wa. Houglho: khokham yigi re" bidnyid seig da" moug: boo" zoo" khyoo: re" loo goo" wa.

ESAIA 65:11

«Nghoid loug we' nga" da" gyeung" shang: bouggung Ziun: ri cishu: anhang: bang:- ngoo ri she: pyam' to" lho: zhafa: yo' vhu" pi: lo, kyo' gi nhang: da" Gad yo' Meni yu phara" ri no' bang: nanu" yo' hau: zigi adu wa.

ESAIA 66:20

Nyangnu" gi nanu" da" mang: nhung" dangain" ri nga" shid re" jhungshug khyo" byumyu" yi jang" mo shu" tau" lo boem wa. Israela byumyu" yi Noku Yhoem: Moo" khyoo: thung" khyoo" younglho' da" bain moo shivoo: xoin" joem ri tho' re" boem zi yo' dakhyoo" ti" nyangnu" ri myang: joem loo kung" joem gola-ug joem myang: rheing" joem yo' zi tho' rheing" joem dang moo tho wigi Yerusalem mo nga" gyeung" shang: bouggung khyoo: nyangnu" shu" lo boem goo" wa.

YEREMIA 26:18

«Hezekia Yuda khokham koid nyid uri Moreshed mo lapi: Mikha gi Myhang: thang Aseing tid da" khyoo: ri byumyu" yiri tid kyo". Hau: zigi ‹Ziun gi yoothung" yhang: ti" phug se: pyam zi shoug" wa. Yerusalem gi byo, yoin" jo, boem wa Houg: lho: Noku Yhoem: Moo" gi seig moo" yoo bue" byug wa› ga: tid.

EZEKIEL 40:2

Yoeb myang daloem: moo: Mangsoo gi ngoo ri Israela mougmyid khyoo: shu" lo" lho: ngoo ri myhang: da" boem daloem moo lo" nyhid: to" da:. Ngoo gi nga" shidkhoin" mo voomoo" yo' du da" yhoem: joem ri shau" myang.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

MIKHA 4:2

Nyangnu" da" byu yigi «Israela da" Noku Yhoem: Moo" jo, da" Aseing bouggung khyoo: nyhang" do, yhi: shang. Nyang: gi nyhang" ri koid nhang: nau da" khyoo: joem ri jhau" byid: lho: nyhang" gi nyang: khyen: byid: to" da" khyoo: moo: so" yhe: lo" boem wa zi nghoid. Khasu" wim gari Aseing da" jhau" mho' da" khyoo: gi Yerusalem mo ju" re" wigi nyang: gi nya: da" byumyu" yiri Ziun boem mo tid kaid» ga: tid go" nyid wa.

ESTHA 9:27

Yuda byumyu" yigi nyangnu" nya: shid re" nyangnu" da" amyed ashen yi shid re" yo' Yuda byumyu" bue" lo da" yugkhang" moo" shid re" zain khang" moo" nya: ayo, ju" lo lang" he: eig nyid" ri Modekhai da" jhoug" shid khyoo: ri cang wigi main: main: cang wa thung" ri daloem: koid to" ago".

COUNG" NGHEI 102:23

Hau: Aseing gi ngoo ri ngi shi" ayo, mo wigi yoem neung: loo" nhang: bye:- nyang: gi nga" da" kang: so' ri: leung" loo" nhang: bye:.

ESAIA 1:26

Goonham' nang lhoung yo" yu" da" bang: yhang: te" da" vhoebkhang" bang: yo' phajhi" byid: bang: ri nang ri ngoo byid: wa. Houg: lang" Yerusalem gi deungmain" jhug zug da" voomoo" ga: myheing zi shoug" wa» ga: tid da:.

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

ESAIA 19:23

Houg ayo, ju" loo lang" Egutu mo zi Asuri mung" ju" sho' fu" moo" khyoo: bang" loo wa. Mungdain: eig loem: goin" mo mung" byu yigi nyangnu" agyoo: moo yhi: yhi: loo loo gyung: so" loo goo" wa. Hau: byu eig myu" gi dage" noku ku lo boem wa.

ESAIA 44:5

«Byu yi dayug bain dayug ‹Ngoo gi: Aseing da" byu nghoid› ga: tid loo goo" wa. Nyangnu" gi Israela byu yi yo' re" xo' tei" boem wa. Yugkhang" moo" gi nya: lo, moo Aseing myeing asoo" ri tab loo goo” wa. Houg: lho: nyang: nya: gung ri Mangsoo byu dayug ga: myheing yu loo goo" wa» ga: tid.

YEREMIA 12:16

Goonham' dalheing: nyangnu" nga" byumyu" ri Bala yu phara" myeing lang: lho: jham' tang: nhang: ziyo' dayhang: ti" nyangnu" gi nyangnu" nheigloem: dangain" yo' Israela byumyu" da" laloem lakhoug: ri khab yu wigi ‹Aseing kangso' dei nyid› ga: jham' tang: boem nghoid ri nyangnu" gi nga" byumyu" yi mo dadu dakhyam" khyo" bo bo wigi nyid gi yab ge loo goo" wa.